16 te plagosur Archives - Albeu.com

Aksidenti me 16 të plagosur në Itali, reagon Ministria e Jashtme: Të lënduarit kanë marrë ndihmën e nevojshme, janë jashtë rrezikut për jetën

D Marku — Sat, 20 Jul 2024 18:49:30 +0000

Një aksident është regjistruar ditën e sotme në Katania të Siçilisë. Një autobus me disa turistë nga Shqipëria është përfshirë në një aksident të rëndë rrugor rreth orës 16:00 ku mbetën të plagour 16 persona.

Në lidhje me ngjarjen ka ardhur edhe reagimi i Ministrisë së Jashtme e cila bën me dije se të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën. Më tej në reagim thuhet se janë në kontakt të vazhdueshëm me palën italiane. Ende nuk dihen ende shkaqet e këtij aksidentit por dyshohet se shkak mund të ketë qenë një defekt i frenave.

Njoftimi i Ministrisë së Jashtme:

Ministria për Evropën dhe Punët e Jashtme, menjëherë pas informacionit mbi aksidentin automobilistik në Katania, është vënë në komunikim me autoritetet italiane, përmes ambasadës së RSH në Romë dhe konsullatave të RSH në Milano e Bari.

Sipas informacioneve paraprake, të gjithë të lënduarit kanë marrë ndihmën e nevojshme nga autoritetet shëndetësore e janë jashtë rrezikut për jetën. Me porosi të Ministrit Igli Hasani, përfaqësuesit e ambasadës dhe konsullatave po monitorojnë situatën e janë në kontakt të vazhdueshëm me palën italiane.

The post Aksidenti me 16 të plagosur në Itali, reagon Ministria e Jashtme: Të lënduarit kanë marrë ndihmën e nevojshme, janë jashtë rrezikut për jetën appeared first on Albeu.com.

Përmbyset minibusi me pasagjerë në Serbi, një grua humb jetën dhe 16 të tjerë mbeten të plagosur

E S — Sun, 16 Oct 2022 15:45:43 +0000

Një aksident i rëndë ka ndodhur në Serbi, në afërsi të digës së Rovnit. Një minibus i mbushur me pasagjerë është përmbysur dhe për pasojë një grua humbi jetën ,ndërsa pasagjerët e tjerë mbetën të plagosur.

Mediet serbe raportojnë se në minibus kanë qenë 17 pasagjerë, kurse 3 nga pasagjerët e plagosur janë në gjendje të rëndë.

Siç mëson Kurir, aksidenti ka ndodhur kur shoferi i minibusit ka dalë nga automjeti për të pyetur rojën për kalimin e digës Stubo-Rovni.

Dyshohet se shoferi nuk ka aktivizuar frenat e dorës kur ka dalë nga minibusi. Minibusi depërtoi gardhin mbrojtës dhe u rrokullis në një shpat rreth 50 metra të gjatë.

Në vendin e ngjarjes kanë shkuar forcat zjarrfikëse dhe ambulancat. Grupi hetimor po heton për shkaqet e aksidentit.

The post Përmbyset minibusi me pasagjerë në Serbi, një grua humb jetën dhe 16 të tjerë mbeten të plagosur appeared first on Albeu.com.

Sulmi me armë në SHBA, të paktën 5 viktima dhe 16 të plagosur

E S — Mon, 04 Jul 2022 18:29:23 +0000

Të paktën 5 persona kanë humbur jetën dhe 16 të tjerë janë plagosur në një sulm me armë zjarri gjatë paradës së 4 korrikut në Illinois të SHBA.

Policia është ende në kërkim të të dyshuarit dhe u ka bërë thirrje qytetarëve që të strehohen në një vend, raporton CNN.

Të shtënat në Parkun Highland, rreth 25 milje në veri të Çikagos, shkaktuan largimin e qindra njerëzve dhe shkaktoi një përgjigje të policisë së oficerëve lokalë, shtetërorë dhe federalë.

Highland Park tha se parada e tij e Ditës së Pavarësisë është anuluar dhe këshilloi njerëzit të shmangin qendrën e qytetit. Policia e Shtetit të Illinois tha se trupat e saj po i përgjigjeshin një sulmuesi aktiv./albeu.com

The post Sulmi me armë në SHBA, të paktën 5 viktima dhe 16 të plagosur appeared first on Albeu.com.