Sipas policisë britanike tre anëtarë të grupit, të identifikuar si Toni Liko 42-vjeç, Klement Gjika 44-vjeç dhe Stelian Bodnariu 37-vjeç, të cilët kërkonin nga 11,000 paund për person, janë dënuar me gjithsej 15 vjet burg.

Toni Liko dhe Klement Gjika, u dënuan me nga pesë vjet e tetë muaj burg, ndërsa
Stelian Bodnariu u dënua me tre vjet e katër muaj.

Hetuesit zbuluan se gjatë 18 muajve të funksionimit të bandës, ata kishin dërguar në Londër deri në 20 shtetas shqiptarë, por shifra reale besohet të jetë shumë më e lartë.

Policia tha se për të kapur grupin, oficerët ndoqën automjetet, analizuan CCTV-të e stacioneve të shërbimit dhe përdorën mbikëqyrje për të identifikuar udhëheqësit e bandës.

Treshja e shqiptarëve u arrestua më 18 qershor të vitit të kaluar dhe telefonat e tyre u kontrolluan për mesazhet që tregonin koordinimin midis kontrabandistëve dhe shoferëve të kamionëve.

Inspektori Stuart Jack, që udhëhoqi hetimin, tha se kjo bandë kishte vetëm një motiv: fitimin e parave.

Ai shtoi se emigrantët që trafikohen shpesh shfrytëzohen më tej, kur mbërrijnë në Mbretërinë e Bashkuar ose detyrohen të punojnë për rrjetet kriminale.

“Apeloj tek shoferët e kamionëve të jenë vigjilentë dhe të raportojnë çdo aktivitet të dyshimtë. Kjo nuk është një krim pa viktima”, tha Jack.

The post Merrnin nga 11 mijë paund për të futur emigrantë me kamionë në Angli, dënohen me 15 vite burg tre shqiptarët (EMRAT) appeared first on Albeu.com.

Bëhet fjalë për shtetasin Andrea Gjini alias Andrea Kuqja, i cili ishte shpallur në kërkim ndërkombëtar pasi Gjykata e Lucca-s në Itali, në vitin 2016, e ka dënuar me 15 vjet, 9 muaj e 18 ditë burg.

Ai akuzohet për veprat penale “Shfrytëzim prostitucioni”, “Trafikim i lëndëve narkotike” dhe “Plagosje”, të parashikuara nga Kodi Penal i Italisë.

Arrestimi provizor i këtij shtetasi u krye me qëllim ekstradimin drejt Italisë.

Njoftimi:

Finalizohet nga Drejtoria e Forcës së Posaçme Operacionale në Departamentin e Policisë Kriminale një tjetër fazë e operacionit policor të koduar “Operacionalja”, për kapjen e personave të shpallur në kërkim ndërkombëtar.

Vihet në pranga një shtetas i kërkuar ndërkombëtarisht, i dënuar në Itali me mbi 15 vjet burg për veprat penale “Shfrytëzim prostitucioni”, “Trafikim i lëndëve narkotike” dhe “Plagosje”.

Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, bazuar edhe në informacionet e siguruara në rrugë operative, u finalizua faza e 86-të e operacionit policor të koduar “Operacionalja”.

Në kuadër të këtij operacioni, në Belsh, nga shërbimet e Drejtorisë së Forcës së Posaçme Operacionale në Departamentin e Policisë Kriminale, u bë i mundur lokalizimi, identifikimi dhe arrestimi i shtetasit Andrea Gjini alias Andrea Kuqja, 61 vjeç, banues në Belsh.

Ky shtetas ishte shpallur në kërkim ndërkombëtar pasi Gjykata e Lucca-s (Itali), në vitin 2016, e ka dënuar me 15 vjet, 9 muaj e 18 ditë burg për veprat penale “Shfrytëzim prostitucioni”, “Trafikim i lëndëve narkotike” dhe “Plagosje”, të parashikuara nga Kodi Penal i Italisë. Arrestimi provizor i këtij shtetasi u krye me qëllim ekstradimin drejt Italisë.

The post I shpallur në kërkim dhe i dënuar në Itali me 15 vite burg, arrestohet 61-vjeçari me dy identitete (VIDEO) appeared first on Albeu.com.

Gjithshtu, GJKKO ka dënuar me 12 vite burg edhe “financierin” e grupit, Nezar Seiti. Por edhe ky për shkak të gjykimit të shkurtuar duhet të kryej 8 vite heqje lirie.

Ndërkohë, është pushuar çështja për dy persona të tjerë, Fatmir Minajn dhe Meridian Sulajn.

Moisi Habilaj, është kushëri i ish-ministrit të Brendshëm, Saimir Tahiri, i cili u akuzua se favorizonte këtë grup kriminal.

DËSHMIA E MOISI HABILAJT

“Në fashikullin e gjykimit të Shkallës së Parë, rezulton se prokurorët kanë marrë në pyetje si person ndaj të cilit zhvillohen hetimet z. Moisi Habilaj, me datë 30.05.2018. Ai ka deklaruar ndër të tjera se ka filluar trafikun e marijuanës nga Shqipëria në Itali në vitin 2012 me këshillën e një farë “Fatosh”, i quajtur “Toshi”, mbiemrin e të cilit nuk e di, por ishte pronar i një hoteli, i quajtur “Europa” dhe se me të e ka prezantuar z. Sabaudin Çelaj.

Ai ka treguar se detyra e parë ka qenë trafikimi i lëndës narkotike 1600 kilogramë e sekuestruar në Brucoli, Itali. Ai ka sqaruar se merrej me dërgesat dhe se janë kryer katër të tilla dhe se transporti kryhej gjithmonë me det dhe me peshkarexha italiane. Ai ka deklaruar se në Shqipëri vepronte “Fatoshi” dhe se në Itali merrej ai, z. Maridian Sulaj, z. Sabaudin Çelaj, z. Nezar Seiti dhe se takohej me Fatoshin në Shqipëri dhe se shkëmbenin edhe mesazhe me telefon.

Ai deklaron se nuk flisnim asnjëherë në përgjimet e prokurorisë dhe se ai na kishte këshilluar që të mos ia përmendnim asnjëherë emrin dhe se ato i thërrisnin “kapo”, duke shtuar se ai ishte shumë i zgjuar dhe se ndryshonte disa herë numrin dhe se nuk mban mend asnjëherë numër të tij të telefonit.

Ai ka treguar se në episodin e peshkarexhës “Fatima” ishin njerëzit e Toshit dhe emrat nuk ua kujton. Ai ka deklaruar se garancia se kishin mbrojtje, që u thoshin italianëve, ishte për t’i qetësuar dhe se realisht nuk kishin mbrojtje në Shqipëri, duke shtuar se në ato momente i dërgonte mesazhe Fatoshit, sepse nuk ishte aty. Ai ka deklaruar se ka pasur kontakte me z. Sokol Bode edhe në periudhën kur merrej me trafikun e drogës dhe se nuk mban mend të ketë komunikuar me të me datë 5 maj 2015. Ai ka deklaruar se nuk kujton nëse z. Florian Habilaj ishte apo jo me të në datë 6 maj 2015 dhe se, nga ana tjetër, nuk i njeh z. Jaeld Çela dhe z. Gjergji Kohila.

Ai ka deklaruar se në dyqanin “Hugo Boss” ka blerë rroba vetëm për vete, sepse ka qenë një javë para ditëlindjes dhe se e ka mohuar se ka folur për z. Saimir Tahiri apo për të ëmën dhe gruan e tij, duke sqaruar se nuk e di pse e përmendte emrin e z. Saimir Tahiri kur ishte me z. Enea Sulaj te dyqani “Hugo Boss”.

Ai ka sqaruar se e ka përmendur emrin e z. Saimir Tahiri nga injoranca dhe për t’i dhënë rëndësi vetes, por jo më shumë. Ai ka sqaruar se bizhuteritë i ka blerë për Fatoshin, por nuk e di nëse ishin për të ëmën apo vjehrrën apo për ndonjë tjetër dhe se një javë më vonë në Shqipëri ia ka dhënë Fatoshit bizhuteritë.

Ai ka deklaruar se z. Saimir Tahiri e ka parë vetëm në televizor dhe se nuk ka folur asnjëherë me të personalisht apo në telefon dhe se e di që vëllai i tij, z. Artan Habilaj, ka blerë automjetin e z. Saimir Tahiri dhe se nuk e kishte realizuar kalimin e pronësisë për arsyen e një ndalimi administrativ, duke shtuar se nuk di se sa ka qenë çmimi dhe nuk e di nëse z. Artan Habilaj e njeh atë personalisht.

Ai ka sqaruar se të tre vëllezërit kishin një biznes frutaperimesh dhe se secili i shpenzon fitimet nga ky biznes sikur do. Ai nuk e mban mend se në çfarë periudhe është blerë automjeti i z. Saimir Tahiri dhe deklaron se e ka përdorur këtë automjet 4 ose 5 herë për të shkuar në Greqi, në Itali dhe në Mal të Zi. Ai ka sqaruar se në doganë kur shkonte atij i kërkonin vetëm dokumentet e makinës dhe asgjë tjetër.

Ai ka deklaruar se nuk e njeh z. Orges Liperi dhe se as z. Naim Brahimaj dhe se këtë të fundit beson se e ka njohur pasi kanë ardhur në Itali për të blerë gomone, duke qenë se ai ishte mekanik dhe nevojitej për të marrë motorin dhe se atë e ka dërguar vëllai i tij, z. Artan Habilaj, por se gomonia nuk i pëlqeu.

Ai ka deklaruar se kanë vajtur në Sardenja për gomonen dhe se z. Naim Brahimaj e ka gjetur atje dhe se nuk e di se si kishte udhëtuar. Ai më tej ka sqaruar se e njeh z. Aurel Konakçiu dhe bashkë me të dhe me z. Naim Brahimaj kanë çuar në Brindisi një gomone për riparime, duke sqaruar se kanë qenë së bashkë në gomone nga Shqipëria deri në Brindisi dhe se nuk e di se e kujt ishte gomonia.

Ai sqaron se i a ka kërkuar z. Naim Brahimaj që të shkonte me të në Brindisi dhe se nuk e mban mend se kush i pagoi shpenzimet e udhëtimit, duke shtuar se ai ka paguar të vetat dhe nuk di gjë tjetër. Ai ka sqaruar se nuk ka folur asnjëherë me vëllanë e tij, z. Artan Habilaj, për gomonen dhe se nuk e dinte se ishte përdorur nga ministri i Brendshëm, duke shtuar se nuk ka pasur kontakte të z. Aurel Konakçiu dhe z. Naim Brahimaj, por i ka takuar në Vlorë me vëllanë e tij, z. Artan Habilaj dhe se më pas janë nisur për në Brindisi. Ai përsërit sërish se z. Artan Habilaj nuk i ka folur asnjëherë për gomonen dhe se ai vetëm i ka shoqëruar ato për në Brindisi.

Z. Moisi Habilaj sqaron se nuk e di nëse gomonen e ka përdorur ndonjëherë vëllai i tij dhe se nuk e di se vëllai i tij e kishte sjellë atë gomone nga Greqia dhe se nuk mban mend asgjë në lidhje me lejet e lundrimit që janë marrë nga Kapiteneria e Portit Vlorë për të udhëtuar me të deri në Brindisi. Z. Moisi Habilaj ka deklaruar se ai nuk i njeh z. Alban Aliaj, z. Gentjan Ceka, z. Boge Budini, z. Elvis Rexha apo z. Krenar Cenollari. Ai ka deklaruar se nuk i kujtohet kush është z. Renato Avdulaj dhe se nuk i kujtohet z. Armand Koçerri, por beson se është infermier dhe kushëriri i tij i dytë që vinte ndonjëherë te lokali për të pirë kafe.

Ai ka deklaruar se nuk di gjë për lëndën narkotike të sekuestruar z. Armand Koçerri dhe se mbase ka pasur kontakte telefonike me të, duke shtuar se as ai dhe as familjarët e tij nuk kanë kultivuar ndonjëherë lëndë narkotike dhe se nuk di asgjë për sekuestron e tokave me lëndë narkotike në tetor 2016.

Moisi Habilaj ka deklaruar se nuk ka pasur asnjë lidhje me funksionarë të Policisë dhe se e vetmja lidhje e tij ka qenë znj. Brunilda Alikaj, shoqja e tij aktuale, duke shpjeguar se ka udhëtuar me të në Greqi dhe në Itali bashkë me shoqen e saj, kushërirë, e cila ishte punonjëse Policie, znj. Natasha Shkoza, duke shtuar më tej se ajo nuk kishte lidhje fare me lëndën narkotike dhe se nuk ka kërkuar asnjëherë informacione lidhur me hetimet në Shqipëri.

Ai ka deklaruar se nuk mban mend të ketë folur në telefon me z. Sokol Bode në episodin e ngarkimit të lëndës narkotike në peshkarexhën “Fatima” dhe se nuk e di se ku janë ngarkuar peshkarexhat në rastet e tjera, përveç rastit të muajit maj 2015. Ai shton se z. Sokol Bode nuk u ka kërkuar asnjëherë atyre rekomandime për të bërë karrierë. Ai ka deklaruar se nuk ka folur asnjëherë në telefon me z. Gjergji Kohila dhe se hera e fundit që e ka takuar Fatoshin ka qenë muaji mars apo prill i vitit 2017. Për udhëtimin në Brindisi, ai ka sqaruar se mjetin lundrues e ka drejtuar z. Aurel Konakçiu.

MOISIU NË PORT

Edhe sipas procesverbalit për këqyrjen dhe marrjen e dokumenteve “Ditari i Monitorimit të Trafikut Detar”, mbajtur nga ana e Kapitenerisë së Portit Vlorë, datë 09.05.2018, rezulton se në fletën nr. 252, datë 08.09.2014, ndodhen shënimet ku është paraqitur shtetasi z. Moisi Habilaj për të kërkuar leje nisjeje pranë Kapitenerisë së Portit Vlorë: “Ora 13:00. Në kapiteneri u paraqit Moisi Habilaj, i cili kërkoi leje-nisje për jashtë shtetit. Gjatë kontrollit të dokumenteve që bëri inspektori, u konstatua se mjeti ishte në emër të dikujt tjetër dhe M. Habilaj nuk posedonte as prokurë të posaçme për përdorim”.

Në fletën nr. 253, datë 09.09.2014, shënimi se mjetit ujor “Auras” me tre persona në bord i është dhënë leje nisjeje përgjatë bregut, brenda 3 miljeve. Policia gjyqësore ka pyetur z. Dhoinis Andoni, me cilësinë e personit që ka dijeni për veprën penale, i cili ka pasur detyrën e kapiten i Kapitenerisë së Portit Vlorë, detyrë të cilën e ka dorëzuar me datë 17.12.2015. Në deklarimin e tij, ky shtetas sqaron ndër të tjera se:

“…Mbaj mend se te zyra e oficerit Ardit Bani, i cili ka qenë në shërbimin 24-orësh, ishte paraqitur një shtetas i quajtur Moisi Habilaj nga Vlora, të cilin nuk e njihja, që po debatonte me oficerin e shërbimit, Ardit Bani, për listën e pasagjerëve të skafit të tij, ku në krye të listës ndodhej i shënuar emri i shtetasit Saimir Tahiri, si kapiten i skafit. Ne fillimisht e morëm se personi po bënte shaka, pasi shtetasi Saimir Tahiri në atë periudhë ishte ministër i Brendshëm.

Ne i kërkuam dokumentet e kapitenit të skafit, meqenëse ai paraqiste emrin e shtetasit Saimir Tahiri dhe personi në fjalë nuk dispononte prokurë të posaçme për përdorim të mjetit lundrues. Me një përgjigje si nënvleftësuese dhe si presion nuk na dha asnjë dokument, sipas listës që ai kishte paraqitur vetë për të mare Leje – Nisje për në Brindisi Itali, ku sipas tij, ai do të shkonte për të riparuar skafin.

Unë i thashë oficerit të shërbimit, Ardit Bani, se pa sjellë dokumentacionin e duhur, të mos i jepet leje nisje. Për këtë situatë, unë menjëherë kam njoftuar me celular shefin e Krimeve të Komisariatit Vlorë, për përdorimin e emrit të ministrit, ku me sa kujtoj unë, shefi i Krimeve e ka pasur emrin Berti, me sa di është nga Vlora, por mbiemrin nuk ia di, pasi vetëm dy herë e kam takuar për problem pune.

Ai më ktheu përgjigje po me telefon se për këtë person nuk kemi asnjë problem dhe, në rast se e ka përdor emrin e ministrit, ai mban përgjegjësi vetë. Në fakt nga punonjësit e Policisë dhe nga opinioni i tyre njihej se ky skaf përdorej nga ana e ministrit të Brendshëm, Z. Saimir Tahiri.

Të nesërmen në orën 10:00, pasi shtetasi Moisi Habilaj, kishte plotësuar të gjitha vërejtjet tona për një lundrim të sigurt dhe nuk patëm asnjë vërejtje nga ana e Policisë për këtë person, nga ana jonë i është dhënë leja e nisjes, por me kusht që ai të kapë brigjet italiane, duke kaluar përgjatë bregut, në distancën 3 milje deri sa të shkonte në destinacion, sepse radiot e komunikimit të tij nuk mundësonin komunikimin direkt Vlorë–Otranto. Personi që do të drejtonte mjetin ujor të nesërmen si kapiten, kishte mbaruar shkollën e lartë të Navigacionit, të cilit nuk ia mbaj mend emrin”.

The post Moisi Habilaj dënohet me 15 vite burg, ja sa vite u dënua ‘financieri’ i grupit appeared first on Albeu.com.

Për Behar Bajrin alias Bajroviç, i cili konsiderohet si një prej krerëve të grupin kriminal Bajri në Shkodër, SPAK ka kërkuar dënimin me 15 vite burgim, ndërkohë për biznesmenin Pëllumb Gjoka është kërkuar dënimin me 14 vite heqje lirie.

Ndërsa për ish-efektivin e policisë Edmond Preka, është kërkuar dënimi me 11 vite burgim.

Për Astmer Bilalin, është kërkuar dënimi me 10 vite burgim, për ish zv.drejtorin e Policisë së Shkodrës Ardit Hasanbegajn 9 vite burgim, për ish-shefin e Forcave Operacionale të Policisë së Shtetit Oltion Bistrin, 9 vite burgim dhe për ish-prokurorin Xhevahir Litën 6 vite burgim.

Ndaj tyre do të aplikohet edhe gjykimi i shkurtuar për uljen e një të tretës së dënimit.

Në seancën e sotme në GJKKO, në sallë ishin të pranishëm të pandehurit Edmond Preka dhe Oltian Bistri. Mes diskutimesh, u kërkua dhe ndërprerja e seancës së sotme, gjë që nuk u pranua nga GJKKO-ja.

Avokati: M’u dha koha e mjaftueshme për takimin me të pandehurin, por ai ka kërkuar të mos mbrohet prej meje, pa më dhënë arsye.

Edmond Preka: Unë nuk dua të përfaqësohem nga avokati, ai ka në dorë jetën time, ai s’ka lexuar as dosjen.

Avokati: Kërkoj vazhdimin e gjykimit të çështjes ose të kërkojmë ndarje të çështjes, pasi nuk mund të penalizohet klienti im duke iu pezulluar afati i paraburgimit.

Avokati Gurali Brahimllari: Lidhur me vendimet e të pandehurit Edmond Preka, ligji parashikon një mbrojtje efektive, në kushtet kur mbrojtësi i zgjedhur prej tij mungon dhe ka paraqitur një raport mjekësor…

Gjykata: Nuk keni pse ju të flisni për të pandehurit tjerë, ju lutem mbroni klientin tuaj.

Avokati Gurali Brahimllari: Kërkoj që seanca e sotme të ndërpritet për shkak të raportit mjekësor. Flas në emër të vijueshmërisë së seancës pasi preket edhe e drejta e klientit tim

Avokati Rumano: Duke marrë parasysh se gjyqtarja Irena Gjoka ka qenë në situata më kritike se ne dhe ka vijuar të jetë prezent në seanca, por ajo çfarë unë shoh nga gjykata është përshpejtimi i seancës, duke mos lejuar mbrojtjen efektive. Me gjithë respektin për kolegët, nuk munden avokatët kryesisht të përfaqësojnë të pandehurit, Gjykata e përdor si efekt procedurial pa marrë parasysh efektivitetin e mbrojtjes, situatë e cila mund të sjellë rigjykim.

Avokati Gurali Brahimllari: Dua të di nëse prokuroria ka paraqitur konkluzionet e 26 prill 2024, apo qëndrimi që ka mbajtur më 1 tetor 2024? Mbi çfarë baze autoritete ligjore franceze e kanë kryer këtë porosi?

Prokuroria: Do të lexoj vetëm dispozitivin dhe do ua paraqesim avokatëve një kopje.

Gjatë leximit të fakteve të nxjerrja nga hetimi, prej Prokurorisë së Posaçme, avokati Brahimllari u shpreh se; “Ajo çfarë po lexohet është e njëjta, gërmë për gërmë me dosjen që kanë paraqitur për gjykimin e këtij procesi”.

Biznesmeni Pëllumb Gjoka, u arrestua më 27 Korrik të vitit 2023, në bazë të një hetimi të zhvilluar nga SPAK. Bashkë me Pëllumb Gjokën u arrestuan edhe prokurori i Kukësit, Xhevahir Lita, ish-shefi i operacionales së Policisë së Shtetit, Oltion Bistri dhe personazhe të tjerë të kronikës së zezë në zonën e Shkodrës.

Ata akuzohen si pjesë e një grupi kriminal dhe mbi ta rëndojnë akuza të ndryshme, nga vrasja, sigurimi i kushteve dhe mjeteve për kryerje vrasjeje, korrupsion, shpërdorim detyre, pastrim parash e të tjerë.

Hetimi për këtë grup personash nisi, pasi SPAK administroi nga autoritetet franceze dhe belge të dhënat e ç’koduara nga aplikacionet Sky dhe Enchrochat.

Sipas SPAK-ut, Pëllumb Gjoka, rezulton të ketë komunikuar me mesazhe me anëtarë të fisit Bajri në Shkodër për kryerje atentatesh, përfshirë pagesa për ekzekutorët dhe financim për blerje armësh.

SPAK akuzon biznesmenin Pëllumb Gjoka, se në bashkëpunim me Behar Bajrin dhe Edmond Prekën, kanë kryer vrasjen e Gjin Boriçit dhe kanë siguruar kushtet për vrasjen e Kleant Musabelliut, Dorian Dulit dhe Ibrahim Licit.

SPAK thotë se ata u ndihmuan edhe nga ish-shefi i krimeve në Shkodër, Ardrit Hasanbegaj, që u jepte informacione. Teksa hetimet treguan edhe se Pëllumb Gjoka e Behar Bajri, kishin korruptuar ish-prokurorin Xhevahir Lita dhe ish-shefin e forcave operacionale Oltion Bistri.

Pëllumb Gjoka dhe të tjerët kanë kundërshtuar provat e Prokurorisë së Posaçme, duke vënë në pikepyetje edhe vlefshmërinë e marrjes dhe përdorimit të mesazheve nga “Sky Ecc” në procese penale në Shqipëri. Kërkesa e biznesmenit Gjoka, është rrëzuar në tre shkallët e gjyqësorit, si dhe në Gjykatën Kushtetuese.

The post Dosja Metamorfoza/ SPAK jep pretencën, ja sa vite burg kërkon për Behar Bajrin dhe Pëllumb Gjokën appeared first on Albeu.com.

Gjykata e Tiranës ka njohur një vendim të drejtësisë angleze ndaj Erald Mema, etiketuar ndryshe si Lordi i Kokainës.

Ky vendim u dha në kuadër të marrëveshjes me Britaninë e Madhe me Shqipërinë që synon të sjellë disa të burgosur shqiptarë që do ta vuajnë dënimin në Shqipëri.

Nga 25 vjet burg, gjykata në Shqipëri i njohu Erald Memës 15 vjet dënim, një vendim i cili më pas do t’i përcillet sërish Anglisë si edhe për shtetas të tjerë që kanë kërkuar të transferohen në burgjet shqiptare.

Gjykata tha se ekzistojnë kushtet qe Memës ti njihet dënimi për pjesën e pavuajtur të dënimit, pasi në fashikull është administruar kërkesa e shtetit dënues dhe se i akuzuari është  shtetas shqiptar. Për të ashtuquajturin si “lordi”i kokainës qe u akuzua se drejtonte një grup prej 19 personash për shpërndarjen e kokainës, mediat britanike përmenden mbas dënimit të tij se ai e drejtonte shitjen e drogës në disa raste edhe nga Shqipëria.

Në 3 tetor 2023, Prokuroria e Përgjithshme në Tiranë , ia delegoi prokurorisë së Tiranës kërkesën e anglezëve për njohje vendimi. Në akte përmendet jo vetëm një vendim i kurorës në Oksford i vitit 2018, ku Mema dënohet për akuzën e bashkëpunimit në fshehtësi për furnizim me drogë të kontrolluar të klasës A.

Anglezët shtojnë se në dy raste 39-vjecari bashkëpunoi me shtetas të tjerë për të furnizuar një person me kokainë. Përmendet po ashtu  edhe konteksti i marrëveshjes mes dy vendeve për transferimin e të burgosurve, duke kujtuar se pavarësisht se nuk nevojitet pëlqimi i të dënuarit në këtë rast, autoritetet kanë siguruar një deklaratë pëlqimi të 39-vjeçarit për ta vuajtur dënimin në vendin e tij.

Disa gjykata kanë nisur po ashtu njohjen e vendimeve për të transferuar të burgosurit nga Anglia.

Në Shqipëri po shqyrtohen 48 kërkesa të tilla, që më pas do t’i përcillen Britanisë së Madhe. Ndërkohë që, brenda dy vitesh, sipas marrëveshjes, pritet të transferohen  200 të burgosur, nga të cilët 17 janë të dënuar të përjetshëm.

The post Dënimin në Angli, burgun në Shqipëri! “Lordi i kokainës”, nga 25 vite, pas transferimit do të vuajë 15 vite appeared first on Albeu.com.

Procesi ndaj Poladrag u zhvillua me gjykim të shkurtuar  dhe për këtë ai u dënua me 10 vite heqje lirie.

Ky shtetas akuzohet gjithashtu edhe për disa vepra të tjera penale si pjesë e një organizate terroriste, sulme ndaj sistemit kompjuterik, ndërhyrje në të dhënat kompjuterike të paautorizuara etj.

Ai dyshohet se ka qenë pjesë e anëtarëve të muxhahedinëve dhe banor i kampit në Manëz për njëfare kohe.

Polagrad vepronte si i infiltruar mes muxhahedinëve të strehuar në Shqipëri dhe ndërkohë dyshohet se po planifikonte sulm terrorist.

The post Planifikonte sulm terrorist në Shqipëri, dënohet me 15 vite iraniani appeared first on Albeu.com.