Ngjarja ndodhi në ambientet e jashtme të lokalit “Amar” në fshatin Pirg, ku viktima u konfliktua fizikisht me një tjetër të mitur, shtetasin Enedio Guri.

Pamjet filmike të kamerave të sigurisë treguan qartë momentin kur autori Enedio Guri e godet viktimën me thikë, duke i shkaktuar plagën fatale.

Sipas hetimeve, viktima u transportua në gjendje të rëndë në Spitalin Rajonal të Korçës, por nuk mundi të mbijetonte për shkak të plagëve të marra me thikë në kraharor.

Hetimet zbuluan gjithashtu se babai i autorit, shtetasi Edison Guri nuk ka bashkëpunuar me organet e drejtësisë, por ka ndërmarrë veprime për të penguar zbulimin e së vërtetës.

Ai, së bashku me Roland Gurin dhe Flori Çelën ka tentuar të devijojë hetimet duke manipuluar prova dhe duke fshehur thikën e krimit, e cila u pastrua nga Roland Guri,

Në përfundim, Prokuroria ka kërkuar dërgimin në gjyq të:

Enedio Guri (i mitur) për veprën penale “Vrasje në rrethana cilësuese” dhe “Drejtim i automjetit në mënyrë të parregullt”;

Edison Guri (babai) për “Veprime që pengojnë zbulimin e së vërtetës”;
Roland Gurin për “Veprime që pengojnë zbulimin e së vërtetës”, “Moskallëzim i krimit” dhe “Përkrahja e autorit në krim”;

Flori Çela për “Moskallëzim i krimit” dhe “Përkrahja e autorit në krim”.

Si ndodhi ngjarja e rëndë?

Grindja mes dy adoleshentëve u raportua të ketë nisur për arsye banale të llojit “përse më shikon”. Një ditë përpara ngjarjes së rëndë, autori Enedio Guri, banues në fshatin Leminot, ka shkuar përpara lokalit të xhaxhait të viktimës me një automjet duke xhiruar dhe gomat e më pas është larguar.

Ditën e ngjarjes Erald Xhejo i shoqëruar nga një shok i tij, kishte shkruar për tu qethur në berberhane, e ndodhur në afërsi të lokalit ku dhe u regjistrua tragjedia.

Në këto momente pranë tyre ka kaluar Enedio Guri me makinë. Ky i fundit ka fishkëllyer për Xhejon me qëllim për të ndaluar dhe për tu sqaruar.

Në momentin që autori ka ndaluar dhe ka zbritur nga automjeti, ka nisur një sherr verbal e më pas konfrontim fizik me 14-vjeçarin e më pas ka nxjerrë dhe thikën.

Në këto kushte 14-vjeçari ka marrë një karrige nga lokali dhe e ka vendosur përpara vetes për tu mbrojtur. Duke bërë hapa pas për t’iu larguar Enedio Gurit, i cili në dorë mbante një thikë, ai është penguar dhe në atë moment autori e ka goditur me thikë në zemër.

The post Vrasja e 14-vjeçarit në Maliq, Prokuroria dërgon për gjykim autorin e mitur, babain dhe xhaxhain e tij appeared first on Albeu.com.

Të arrestuarit kanë mbërritur në gjykatë, ndërsa jashtë gjykatës ka prani të shtuar të familjarëve dhe forcave policore.

Kujtojmë se Enedio Guri, akuzohet për vrasjen me thike të një bashkemoshatari të tij në Maliq.

The post Vrasja e 14-vjeçarit në Maliq/ Të arrestuarit mbërrijnë në gjykatë, pritet caktimi i masës së sigurisë appeared first on Albeu.com.

Një 14-vjeçar u vra nga një bashkëmoshatar në Maliq, duke tronditur opinionin publik dhe duke nxjerrë edhe një herë në pah dështimet e rënda institucionale, për garantimin e sigurisë së fëmijëve.

Në lidhje me këtë, ka reaguar edhe familja e Martin Canit, ku një deklaratë për mediat thekson se djali i tyre, Martini, ashtu si edhe bashkëmoshatari i tij, 14-vjeçari në Maliq, nuk u vranë nga rrjetet sociale, por nga mungesa e theksuar e sigurisë, papërgjegjësia institucionale dhe dështimi i sistemit që duhet të mbrojë fëmijët.

“Mbyllja e TikTok-ut nuk ishte zgjidhje, por një pretekst politik”, thuhet në deklaratë.

Familja ngre shqetësimin se përpjekjet e qeverisë janë më shumë simbolike sesa efektive dhe se vendimet e fundit, si bllokimi i një aplikacioni, nuk adresojnë thelbin e problemit.

“Martini dhe Eraldi nuk u vranë prej rrjeteve sociale. Ata u vranë nga një sistem që nuk funksionon, nga një realitet ku fëmijët nuk ndihen të sigurt as në shkollë, as në rrugë, as në komunitet”, vazhdon deklarata.

Familja Cani, kërkon masa konkrete dhe të menjëhershme: rritjen e sigurisë në shkolla, angazhim më të madh të komunitetit dhe prindërve, si dhe fuqizimin e sistemit të shëndetësisë mendore dhe sociale për të identifikuar dhe parandaluar raste të tilla përpara se të shndërrohen në tragjedi.

“Nëse dje ishte fajtor TikTok-u, sot kush është radhës? Snapchat? Instagrami? Apo do të gjejmë një tjetër justifikim për të shmangur përgjegjësinë reale”?, ngre pyetjen me familja.

Në fund të deklaratës, ata shprehin ngushëllimet më të sinqerta për familjen e të miturit të vrarë dhe bëjnë thirrje për drejtësi dhe ndryshim të vërtetë: “Asnjë nënë tjetër të mos derdhë lot për fëmijën e saj”.

Deklarata e plotë:

“Megjithë mbylljen e rrjetit social TikTok nga qeveria, një i mitur tjetër u vra nga një bashkëmoshatar në Maliq. Kjo tragjedi e re tregon qartë se mbyllja e TikTok nuk ishte zgjidhje, por vetëm një pretekst politik. Kush e ka radhën që të fajësohet tani për këtë krim të rëndë? Snapchat apo Instagram?

Ne kërkojmë që qeveria të ndërmarrë masa konkrete, jo thjesht reforma kozmetike për opinion publik. Kërkojmë veprime të dukshme dhe efektive për përmirësimin e sigurisë në shkolla, forcimin e bashkëpunimit me familjet, angazhimin e komunitetit dhe fuqizimin e sistemit shëndetësor. Vetëm me masa të tilla mund të parandalohen tragjedi të tjera dhe të shpëtohen jetë fëmijësh.

Martini dhe Eraldi nuk u vranë prej rrjeteve sociale. Ata u vranë nga mungesa e sigurisë, nga papërgjegjësia institucionale dhe nga dështimi i sistemeve që duhet të mbrojnë jetën e fëmijëve. Mbyllja e një aplikacioni nuk e kthen mbrapsht realitetin dhe nuk zgjidh problemet.

Në këtë moment dhimbjeje të madhe, shprehim ngushëllimet më të sinqerta për nënën dhe familjen e të miturit të vrarë në Maliq. E dimë se çfarë do të thotë të humbasësh dritën e jetës, dhe ndajmë me ta dhimbjen e pamasë. Zëri ynë bashkohet me të tyren në thirrjen për drejtësi dhe për masa të vërteta, që asnjë nënë tjetër të mos derdhë lot për fëmijën e saj.

Familja Cani!”.

The post Familja Cani: Martini dhe Eraldi nuk u vranë nga TikTok-u, të merren masa për të mbrojtur fëmijët appeared first on Albeu.com.

Më parë, u raportua se mjeku i spitalit privat ka zvarritur ekspertët dhe nuk ua ka dorëzuar epikrizën e 14-vjeçarit që mbahet nën masën e arrestit me burg.

Prokuroria e ka akuzuar Përlleshajn për dy vepra penale “Vrasje në rrethana cilësuese” dhe “Prodhimi, mbajtja, blerja apo shitja pa leje e armëve të ftohta”.

Seanca për masën e sigurisë u zhvillua më datë 22 nëntor në ambientet e spitalit.

Martin Cani, humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës.

Mario Përlleshaj, dyshohet se ka qenë në klasë paralele me viktimën, në shkollën 9-vjeçare Fan Noli.

Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj. Autori ka nxjerrë thikën dhe ka qëlluar mbi 14-vjeçarin, Martin Cani.

Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës.

Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili po trajtohet në një spital privat.

Pak çaste pas krimit të rëndë, autori kishte postuar foto me thikën më të cilin autori kreu vrasjen dhe dorën e tij e gjakosur që u plagos gjatë konfliktit.

Po ashtu, edhe në aplikacionin “Snapchat”, kishte publikuar një tjetër foto ku shihet i pashqetësuar për krimin që ka kryer.

Bazuar në imazhe, autori ndodhej në një makinë, të cilët dyshohen se e kanë (persona të tjerë) marrë atë nga vendngjarja, menjëherë pas krimit që kishte kryer.

Ata që kanë marrë autorin e mitur nga vendi i ngjarjes, dyshohet se janë lajmëruar nga vetë ai dhe kanë ardhur me automjetet e tyre nga Sauku. Sipas informacioneve, ky grup nga Sauku rezultojnë të përfshirë edhe në konflikte të tjera.

The post Vrasja e 14-vjeçarit Martin Cani/ Autori i dyshuar lë spitalin dhe dërgohet në burgun e të miturve në Kavajë appeared first on Albeu.com.

Rama theksoi se ne si qeveri jemi angazhuar prej kohës në hulumtimin e kësaj problematike, në kërkimin e zgjidhjeve të mundshme.

Gjithashtu, ai përmendi disa iniciativa të ngjashme në vende të ndryshme, por tha se problemi mbetet i hapur mungesa një sistemi për zbatimin e tyre.

“Prej tre ditësh i madh e i vogël është tronditur nga kjo vrasje. Tik-Tok dhe Snapchat thithin në labirintet e tyre çdo ditë fëmijët tanë.

Kjo botë nuk ka asnjë filtër dhe stimul pozitiv. Të vërteta të thjeshta ku të gjithë si prindër biem dakord.
Nuk është e thënë të biem dakord të gjithë si prindër apo si dëshmitarë ku garantimi i sigurisë së fëmijëve është përparësia e përparësive tona. Nuk janë të thjeshta përgjigjet e duhura në këto kushte kaq sfiduese kur shumë shtete po përpiqen të vendosin filtra mbrojtës pa asnjë rezultat domethënës”, tha Rama.

“Jemi duke punuar intensivisht për ngritjen e një sistemi digjital për kontrollin e shkollave, me kamera inteligjente rrugët dhe rrugët e qytetit.

Po punojmë për këtë projekt me qeverinë.

Në rritjen e sigurisë dhe rezultatet mbresëlënëse për rritjen e sigurisë dhe uljen e bullizimit nëpër shkolla, së shpejto do ta prezantojmë publikisht dhe do të nisim punën për zbatimin e tij që synojmë ta mbyllim në harkun e 20 muajve, ndërkohë që hap pas hapi shkollat do të pajisen me këtë sistem…”, tha Rama.

Kryeministri foli për një diskutim të gjerë me prindërit, për vendosjen e filtrave për rrjetet sociale, apo bllokimin total të TikTok dhe snapchat.

“Ne si qeveri jemi angazhuar prej kohës në hulumtimin e kësaj problematike, në kërkimin e zgjidhjeve të mundshme. Janë ndërmarrë iniciativa të ngjashme nga Australia për aksesin në rrjetet sociale mbi 16 deri te Franca me aporovimi ne prindërve si kusht apo Spanja me kufirin 16 vjeç për llogaritë online. Përtej përpjekjeve dhe debateve, problemi mbetet i hapur nga mungesa një sistemi për zbatimin e tyre.

Dilema jonë si qeveri është nëse duhet të provojmë dhe ne të ecim në drejtim të vendosjes së filtrave kur në fakt nga eksperiencat e deritanishme mësojmë se efektiviteti i tyre është shumë i ulët, ndërkohë që dhuna vetëm rritet apo të ndërmarrim një masë drastike për mbylljen e plotë të Tik Tok-ut edhe pse jo të snapchatit në Republikën e Shqipërisë. Këtë dilemë do ta hedhim për një diskutim të gjerë nga prindërit për të marrë një vendim sa më demokratik për këtë problem të madh dhe kompleks”, tha Rama.

Po kështu, ai foli dhe për ngritjen e një sistemi të ri dixhital të kontrollit të shkollave dhe çdo klase.

“Siç e kam lajmëruar në vigjilje të nisjes së vitit të ri shkollor, jemi duke punuar për ngritjen e një sistemi të ri dixhital të kontrollit të shkollave dhe çdo klasë. Po punojmë prej më shumë se një viti për këtë projekt me qeverinë e Emirateve të Bashkuara ku ky sistem është realizuar me një sukses të jashtëzakonshëm dhe rezultate mbresëlënëse.

Kemi dakordësuar dhe mbulimin e financimit. Së shpejti e prezantojmë publikisht projektin dhe nisim punën për zbatimin e tij në harkun e 20 muajve. Ndërkohë që hap pas hapi shkollat do pajisen me këtë sistem. Kemi ndaluar celularët në shkolla por do shikojmë zbatimin.

Në mbyllje, tragjedia e nxënësit 14-vjeçar, familjes dhe komunitetit të shkollës është shumë e madhe për t’u futur në sherrin e një pseudopolitike”, tha ai.

The post Vrasja e 14-vjeçarit/ Rama: Do të kontrollojmë çdo cep me kamera inteligjente, kontrolle në klasa, shkollë dhe rrugë appeared first on Albeu.com.

Kjo e fundit sipas Mullait, e ka referuar përplasjen mes dy nxënësve në shkollë.

“I shpreh ngushëllime familjes. Është ngjarje që nuk nxjerrë larë askënd. Me informacionet që kemi në shkollën Fan Noli është një oficere policie. Oficerja e policisë ka thënë se ka kryer të gjithë procedurat. Dy adoleshentët kanë debatuar ashpër në tualet. Mësuesja kujdestare ka marrë adoleshentët dhe i ka dërguar te oficerja e policisë. Agresori dhe viktimsa nuk kanë qenë problematikë.

Të dy kanë përqafuar njëri-tjetrit, duke qeshur. Këto kanë ndodhur ditën e hënë. Për çfarë ka ndodhur të premten, policia nuk ka pasur informacion. Janë pyetur disa herë dhe janë pajtuar me njëri-tjetrin. Oficerja e ka referuar ngjarjen në shkollë. Oficerja e policisë ka menduar se konflikti ishte mbyllur, duke qenë se ishin nxënës të mirë në mësime”, tha Mullai.

The post Vrasja e 14-vjeçarit/ Genti Mullai: U përqafuan përpara efektives së policisë, oficerja e referoi përplasjen appeared first on Albeu.com.

Ngjarja e rëndë tronditi mbarë opinionin publik dhe komunitetin e prindërve dhe të nxënësve.

A2 CNN ishte mëngjesin e sotëm në këtë shkollë, ku edhe pse është një ditë normale mësimi, pjesëmarrja është më pak se 50%.

Gazetarja Ornela Joti, bisedoi me disa nga nxënëset të cilat do të marrin pjesë në ceremoninë mortore, së bashku me mësuesit.

“Na thanë që orët do jenë normale po nuk besoj që do bëjmë mësim. Të gjithë jemi të tronditur. E kishim shok paralele, flisnim me të në korridore, thotë njëra prej tyre”.

Ndërsa një tjetër, tregoi e tronditur për momentin pas ngjarjes dhe tha se viktima nuk ishte nxënës problematik edhe pse sipas saj, e shanin dhe ziheshin me të, por ai nuk reagonte.

“Sapo kishim mbaruar orën e gjashtë dhe kur nga porta shoh gjak dhe njerëz të tronditur. Shoh shokun e tij që po vraponte për te poliklinika. Të gjithë ishin të tronditur, bërtisnin, qanin, shkonin te poliklinika, se nuk e dinin për shokun dhe vraponin te poliklinika. Kur pamë që ishin zënë. Nuk ka qenë asnjëherë problematik. E shanin, e rrihnin, ziheshin e ka injoruar dhe ai nuk reagonte”.

The post Shkolla “Fan Noli” në zi/ Rrëfimi tronditës i shoqeve të 14-vjeçarit: Martini nuk ishte problematik appeared first on Albeu.com.