Ngjarja e rëndë ndodhi mbrëmjen e së shtunës, në një restorant ku po mbahej festa. Sipas policisë, autori i dyshuar është ende në arrati, ndërsa të dhënat e para sugjerojnë se sulmi mund të ketë qenë i synuar, raporton BBC.

Autoritetet lokale konfirmuan se mes viktimave ka si të rritur, ashtu edhe fëmijë. Nuk është bërë ende e ditur gjendja shëndetësore e personave të plagosur.

Zyra e sherifit të qarkut San Joaquin tha se të shtënat u regjistruan pak para orës 18:00 me orën lokale, ndërsa zëdhënësja Heather Brent e përshkroi incidentin si “të pakonceptueshëm”.

“Nga informacionet paraprake, dyshohet se mund të jetë një ngjarje e synuar dhe hetuesit po shqyrtojnë të gjitha pistat”, thuhet në deklaratë. “Detektivët po punojnë intensivisht për të përcaktuar rrethanat që çuan në këtë tragjedi.”

Zëvendëskryetari i bashkisë së Stockton, Jason Lee, reagoi në rrjetet sociale duke shprehur tronditjen e tij:

“Jam i shkatërruar dhe i zemëruar nga lajmi për të shtënat masive në një festë ditëlindjeje të një fëmije. Një ditëlindje nuk duhet të jetë kurrë një vend ku familjet frikësohen për jetën”.

Zyra e Guvernatorit të Kalifornisë, Gavin Newsom, bëri të ditur se ai është informuar mbi ngjarjen “tronditëse” dhe po ndjek nga afër zhvillimet.

The post Tragjike në Kaliforni, 4 viktima dhe 14 të plagosur pas të shtënave në festën e ditëlindjes appeared first on Albeu.com.

Sipas informacioneve, në aksident janë përfshirë dy automjete, një automjet tip benz me targë AB507AV dhe një furgon pasagjerësh me targë AA368NH, i drejtuar nga shtetasi Anesti Bufi.

Paraprakisht, raportohet për dy viktima (Nënë e bir) dhe 5 të plagosur.

Shoferi i furgonit dhe disa pasagjerë, janë transportuar me autoambulancë në spitalin rajonal të Elbasanit për ndihmë mjekësore.

Ndërkohë, drejtuesi dhe një pasagjer i automjetit tjetër ende nuk janë nxjerrë nga automjeti, pasi dyert e tij janë bllokuar nga shkatërrimi i madh pas përplasjes.

Policia dhe zjarrfikësit po punojnë për të nxjerrë personat e bllokuar dhe për të hetuar shkaqet e aksidentit.

The post Detaje nga aksidenti i rëndë në aksin Peqin-Elbasan/ Nënë e bir humbin jetën, plagosen 5 të tjerë appeared first on Albeu.com.

Të shtënat janë duke u hetuar si akt terrorist.

Sulmuesi ka nisur të shtënat me armë zjarri në orët e mesnatës në tri lokacione të ndryshme, përfshirë një bar të homoseksualëve.

I dyshuari është arrestuar dhe dy armët i janë konfiskuar.

Përveç barit të homoseksualëve, të shtënat janë dëgjuar edhe në një klub të muzikës jazz dhe në afërsi të tij.

Parada vjetore e Krenarisë, ishte planifikuar të mbahej të shtunën në Oslo, mirëpo organizimi është anuluar, sipas udhëzimeve të policisë.

Kryeministri i Norvegjisë, Jonas Gahr Stoere, e ka quajtur sulmin “të tmerrshëm dhe shokues ndaj personave të pafajshëm”.

I dyshuari është person i njohur për shërbimet e sigurisë në Norvegji./REL

The post Sulmi në Norvegji po trajtohet si akt terrorist appeared first on Albeu.com.

Policia ka arrestruar autorin e dyshuar të të shtënace që ndodhën pas mesante me kohën lokal, në tre lokacione, duke përfshirë një bar homoseksualësh, afër njëra-tjetrës në qendër të kryeqytetit norvegjez.

Policia raportoi dy të vdekur dhe 14 të plagosur dhe tha se ishin sekuestruar dy armë.

“Tani gjithçka tregon se ka qenë vetëm një person që ka kryer këtë akt”, tha zyrtari i policisë Tore Barstad në një konferencë për shtyp.

Megjithatë, policia vendosi forca shtesë në kryeqytet për të parandaluar incidente të tjera, ndërsa Barstad nuk e specifikoi nëse ishte një akt terrorist.

I dyshuari u arrestua 5 minuta pasi policia mori raportet e para për të shtëna me armë zjarri. Të shtënat ndodhën pranë një klubi homoseksualësh, klubit të xhazit Herr Nilsen dhe një dyqani ushqimor.

Zyrtarët e policisë u mblodhën për të shqyrtuar ndikimin e të shtënave në organizimin e marshimit të Krenarisë në Oslo, i cili do të zhvillohet të shtunën pasdite.

Policia e armatosur rëndë e pajisur me jelek antiplumb dhe helmeta patrulloi në vendin e të shtënave.

The post Sulm me armë zjarri në Oslo, 2 të vdekur dhe 14 të plagosur appeared first on Albeu.com.