Ai tha se blerësi më i madh i votave është Edi Rama dhe ministrat e tij, teksa theksoi se blerja ndryshoi rezultatin

Berisha shtoi se në gjithë Shqipërinë u angazhuan bandat për të bërë presione ndaj qytetarëve dhe u shpërndanë qindra miliona euro, që rrëzuan përtokë monedhën europiane.

Fjala e Berishës:

Së pari, jam këtu në emër të qindra-mijëra qytetarëve shqiptarë, të cilëve me mekanizmat më kriminale, të hapura dhe nën dorë, iu konfiskua vota dhe vullneti i tyre i lirë.
Farsa elektorale 2023, do hyjë në histori si faqja më e zezë në Europë, pas rënies së Perdes së Hekurt.
Në këtë farsë, e cila pati si fitimtar narkoshtetin dhe kartelet e drogës, narkoqeveria e Edi Ramës për herë të parë në 32 vite, përdori zarfin elektoral me 50 mijë lekë për çdo 670 mijë pensionistë, sikundër shpalli dhe realizoi rritje rrogash në mes të fushatës elektorale, me qëllimin e vetëm, blerjen e votës.
Në këtë fushatë elektorale, për të gjithë ata të cilët thonë se rezultati ishte i thellë dhe bëjnë avokatinë e megakrimit elektoral, u them vetëm kaq, partia e blerjes së votës, aleati kryesor i kësaj partie, Tom Doshi rriti mbështetjen e saj me zarfat nën dorë 240 përqind.
Sigurisht, Tom Doshi nuk ka as një të qindtën e pasurisë që administron Edi Rama, as një të mijtën e mekanizmit që disponon Edi Rama.
Në këtë kontekst, blerësi më i madh i votave është Edi Rama me ministrat e tij të krimit. Ata që besojnë se blerja ishte jo e atillë sa të ndryshojë rezultatin, u them se vetëm sa mbroni blerjen dhe kontrollin e votimeve nga qeveria.
Në rast se Tom Doshi rriti me 240 përqind blerjet, po Edi Rama me sa përqind e rriti? Duke shpërndarë 33 milionë euro ditën për drekë te 670 mijë pensionistë.
Cili vend në botë ka bërë një akt në mes të procesit zgjedhor?
Edi Rama ia doli të angazhojë të gjithë bandat në Shqipëri, t’i bashkojë ato me presione dhe trysni të tmerrshme ndaj qytetarëve, të shërndajë qindra milionë euro me të cilat rrëzoi përtokë monedhën evropiane. Nuk po llogaris qindra milionë euro të përdorura nga janari gjer më sot me asfalte elektorale, zhavorre elektorale, mijëra legalizime elektorale.
Terrori që u ushtrua mbi bizneset dhe qytetarëve, avokatinë e shpifur për të cilën pagoi miliona, në një propagandë të pashembullt, me të cilën thirrej haptas: Rroftë hajduti, rrofshin kriminelët elektoralë, lavdi vjedhjes së votës.
Por nga ana tjetër u kaluan në sulme për likuidim fizik ndaj eksponentëve të opozitës në Vaun e Dejës, në Lezhë, në keqtrajtime barbare të komisionerëve të saj.
Ky parlament qëndron mbi krimin çdo ditë që pajtohet me këtë. Ndaj jam këtu për të dënuar me ashpërsinë më të madhe këtë farsë të turpshme zgjedhore, të pandodhur kurrë më parë, për t’u bërë shqiptarëve thirrje të marrin në dorë fatin e lirive tona, për t’u përulur me nderimin më të madh përpara atyre 500 mijë burrave dhe grave që nuk pranuan të blihen dhe shiten por qëndruan besnikë të idealeve të tyre.

The post Berisha: Blerësi më i madh i votave është Edi Rama me ministrat e tij të krimit appeared first on Albeu.com.

Klosi tha se rezultatet kanë qenë më të mira se pritshmëritë duke theksuar se në Vlorë PS do të marrë gjithmonë fitore sptektakolare.

“Më mirë se sa pritshmëritë tona. Të 7 kandidatët tanë dolën më mirë. Kjo na bën t’iu bëjmë atyre falënderime nga zemra për gjithçka që bënë. Në Vlorë PS gjithmonë do të marrë fitore spektakolare.

Kandidati i Himarës megjithëse nuk fitoi mori rezultat më të mirë se dy vite më parë. Përsëri aty socialistët na mbështetën, sollën 400 vota më shumë se 2 vite më parë”, deklaroi Klosi.

The post Klosi për rezultatet e 14 majit: Dolëm më mire se pritshmëritë tona appeared first on Albeu.com.

Sipas të dhënave të Komisionit Qendror të Zgjedhjeve, deri në orën 16:00 kanë votuar 619193 nga 1923650 zgjedhës ose 32.19%.

Siç shihet, përqindja e votuesve ka qenë e ulët. Nga pala e koalicionit “Bashkë Fitojmë” janë bërë thirrje që të dilet të votohet, ndërsa PS ka ankimuar në KQZ koalicionin e Berishës dhe Metës për shkelje të heshtjes zgjedhore.

The post Sa është pjesëmarrja në votime deri tani, në rang kombëtar appeared first on Albeu.com.

Ai shtoi se në kuadër të masave të ndërmarra gjatë fushatës elektorale, nga strukturat e Policisë së Shtetit u angazhuan maksimalisht 5081 punonjës policie, për mbarëvajtjen e 1471 aktiviteteve elektorale, dhe në asnjë aktivitet elektoral, të zhvilluar në ambiente të hapura dhe të mbyllura, nuk është evidentuar asnjë incident që cenon procesin.

Nga të dhënat statistikore rezulton se:

Nga data 14.04.2023 deri më 12.05.2023, janë evidentuar gjithsej 54 raste të veprave penale në fushën e krimeve zgjedhore, për të cilat janë proceduar penalisht gjithsej 88 shtetas.

Të ndara sipas veprave penale:

1-Dhënia e shpërblimeve dhe e premtimeve, 25 raste me 45 autorë;

2-Përdorimi i funksionit publik për veprimtari politike apo zgjedhore, 1 rast me 1 autor;

3-Korrupsioni pasiv në zgjedhje, 20 raste me 25 autorë;

4-Kanosja apo dhunimi ndaj pjesëmarrësve në zgjedhje, 2 raste me 3 autorë;

5-Pengimi i zgjedhësit, 3 raste me 7 autorë;

6-Shkelja e të drejtës së zgjedhjes, 3 raste me 7 autorë.

“Për veprat penale të sipërcituara, grupet e posaçme hetimore kanë vepruar në përputhje të plotë me ligjin dhe me autorizimet e organeve proceduese, si dhe vijojnë hetimet e thelluara për dokumentimin e plotë ligjor të këtyre rasteve.

Tashmë kemi mbërritur në fazën finale të këtij procesi, dhe detyrat dhe angazhimi i Policisë së Shtetit janë më të shtuara, me qëllim që të garantohet rendi dhe siguria publike, si dhe që çdo qytetar i Republikës së Shqipërisë të ushtrojë qetësisht dhe i sigurtë, të drejtën kushtetuese për të votuar.

Në përfundim, apeloj që qytetarët të denoncojnë çdo rast që cenon të drejtën e tyre për të votuar, apo që synon të tjetërsojë votën e tyre.

Njëkohësisht, apeloj për të gjitha subjektet politike, që të zbatojnë me korrektësi detyrimet ligjore dhe të bashkëpunojnë me Policinë e Shtetit, për çdo rast të cenimit të ligjit.

Policia e Shtetit është shumë e vendosur dhe e angazhuar për të siguruar deri në fund mbarëvajtjen e procesit zgjedhur, si dhe për  mbajtjen në kontroll të plotë të të gjithë territorit të vendit, me qëllimin e vetëm,  sundimin e ligjit”, deklaroi Rrumbullaku.

The post Fushata për 14 majin, Rrumbullaku: U evidentuan 54 vepra penale në fushën e krimeve zgjedhore appeared first on Albeu.com.

Nuk dihet ende se çfarë po diskutojnë, ndërsa takimi i tyre vjen në ditën e fundit të fushatës elektorale, pra dy ditë para zgjedhjeve lokale të 14 majit.

Temë diskutimi mes tyre mund të jetë dhe arrestimi i kandidatit të koalicionit të tyre “Bashkë Fitojmë, në Himarë, Fredi Beleri, i cili ndodhet nën akuzë për blerje votash./albeu.com

The post Dita e fundit e fushatës dhe arrestimi i Belerit, Meta shkon në zyrën e Berishës appeared first on Albeu.com.

Në një intervistë për A2 CNN, Berisha theksosi se pas zgjedhjeve lokale të 14 majit do të ketë zgjedhje të përgjithshme, pasu rama nuk meriton më të qendrojë asnjë ditë në pushtet.

“Toleranca ndaj tij për shkelmimin e kushtetutës do të jetë zero. Pas këtyre zgjedhjeve do të ketë zgjedhje të përgjithshme, do t’i japim duart Edi Ramës, se Rama me qëndrimet e tij antikushtetuese nuk meriton të qëndrojë asnjë ditë në pushtet”, tha Berisha.

Kjo deklaratë e Berishës erdhi si përgjigje ndaj thirrjeve që kryeministri Rama u ka bërë qytetarëve për të mos votuar kandidatët e koalicionit “Bashkë fitojmë” se përfaqësohen nga non gata dhe nuk do t’u japë fonde.

“Kjo thirrje i garanton shqiptarët në mënyrë figurative do t’i dalë për hundësh Ramës”, u shpreh Berisha.

The post Berisha: Pas zgjedhjeve të 14 majit do të ketë zgjedhje të përgjithshme, Rama nuk meriton më asnjë ditë të jetë kryeministër appeared first on Albeu.com.

Ish-kryeministri tha se Këlliçi prin në sondazhe ndërsa shtoi se kandidati i PS, Erion Veliaj është i zhytur në negativitet.

“Fitore, fitore, fitore, e katërta është e sigurtë, e merr Belind Këlliçi. Belind Këlliçi prin qoftë në pollin dixhital dhe Erion Veliaj është i zhytur në negativitet. Shifeni Korçën, Sotiraq Filon i cili i mashtron çdo 4 vjet qytetarët e Korçës”, tha Berisha.

The post Zgjedhjet e 14 majit, Berisha i bindur: Belind Këlliçi e merr Tiranën appeared first on Albeu.com.

Gjatë fjalës së tij, Këlliçi  deklaroi para qytetarëve se nuk tërhiqet nga zotimi i tij për të luftuar korrupsionin dhe modelin Eiron Veliaj, dhe lidhjet e tij me aferat e abuzimin me postin.

“Ai posteri im i gishtave i ka mërzitur shumë njerëzit…i ka mërzitur shumë që unë i kam nxjerr zemrën qytetarëve, dhe i kam nxjerr gishtin korrupsionit. Janë mërzitur të gjithë hipokritët që jetojnë në Tiranë, që punojnë në Tiranë. Analistët e mediave, që mbrojë nga mëngjesi deri në darkë korrupsionin, që mbrojnë inceneratorët fantazëm, që janë të gatshëm të thonë se kanë hypur në trenin elektrik të Erion Veliajt, që janë të gatshëm të dalin në media dhe të na numërojnë 1 milionë pemët e Erion Veliajt. Sistemi që është ngritur sot në Tiranë, që është krejt i kalbur, korruptiv, i bazuar në lidhjet më okulte të kryetarit të Bashkisë me Ndraghetën italiane, të kryetarit të bashkisë me mafien e ndërtimit, ne bashkë do ta zhbëjmë në 14 maj. Ua them dhe njëherë, që pas datën 14 maj, do zhvilloj një luftë me tolerancë zero ndaj korrupsionit, pa etikë dhe me gishtat ngritur ndaj vjedhjeve në bashkinë e Tiranës”.

Në këtë këndvështrim, Këlliçi drejtoi një pyetje për kritikët e posterit, duke sjellë në vëmendjen denoncimin për kreun e IMT-s, Mariglen Qato, ku ky i fundit ka përfituar 25 milionë euro tendera nga bashkia e Tiranës, ndonëse është vartës direkt i Erion Veliajt.

“Ndërkohë, ditën e djeshme, unë nxora një aferë të një drejtori, në bashkinë e Tiranës, që quhet Mariglen Qato, që është Drejtori i Inspektoriatit të Mbrojtjes së Territorit, që s`ka lënë qytetar pa gjobitur në Tiranë, që ka hapur një kompani bashkë me familjarët e vetë në vitin 2016 kur ishte drejtor UKT-je, që ka marrë 25 milionë euro nga taksat e bashkisë, që ka futur familjarët e vet te financa e UKT-s, ku vetë ishte drejtor dhe vet me institucionin e vet paguan kompanitë e veta, dhe nuk dëgjova njeri dje që të fliste për këtë. Ku janë këta analistët që u shqetësuan për posterin?”-tha Këlliçi.

Ai u ndal te angazhimet e tij për Tiranën, ndërsa theksoi edhe para banorëve të Njësisë Nr.7, se pas 14 majit, transporti publik do të jetë falas, ndërsa u shpreh se përfitues do të jenë shtresat e thjeshta të shoqërisë.

“Po falas do të jetë! Pas 14 majit ua garantoj unë se në autobus do të hipni pa paguar. Do të hipni në autobusa shumë herë më të mirë se këta që janë sot. Pse? Sepse janë paratë, ne nuk jemi të varfër por jemi të vjedhur. Kur paska para 430 milionë euro për incenerator fantazëm, shqetësohen këta pse kam gjetur unë 16.5 milionë euro për studentët, për pensionistët, për të hipur në autobus falas, pse do t`ua lehtësojë unë jetën 200 mijë qytetarëve në ditë, pse do t`i mundësoj unë atyre banorëve të Shëngjergjit që të mos paguajnë më 2 mijë lekë biletën për të vajtur nga Shëngjergji në Kinostudio! Apo pse do t`i lehtësojë jetën mijëra e mijëra studentëve në Tiranë, të cilët vetëm në masën 22% mund të marrin një abone”-tha Këlliçi.

Kandidati i koalicionit “Bashkë Fitojmë”, Belind Këlliçi theksoi gjithashtu se 14 maji pritet me padurim edhe nga socialistët, të cilët kërkojnë të largojnë sektin e Erion Veliajt nga drejtimi i bashkisë.

“Se edhe ata janë goditur nga banda e “G99” dhe “Mjaft-it” në Bashkinë e Tiranës. Unë betejën e kam me Erion Veliajn dhe sektin e tij të “G99” dhe të “Mjaft-it” në Bashkinë e Tiranës. Ka socialistë të ndershëm, ma besoni, që më shkruajnë çdo ditë. Mbi gjysmën e denoncimeve që unë marr, e marr nga brenda bashkisë së Tiranës, që janë të parët që me zor presin 14 majin për të shpëtuar nga përçudnimi dhe poshtërimi që u bën Erion Veliaj çdo ditë me  bukën e gojës”-u shpreh Këlliçi.

The post Belind Këlliçi me qytetarët e Njësisë Nr.7: Luftë korrupsionit në Bashki, 5 prioritetet për qytetarët appeared first on Albeu.com.

Përmes një videomesazhi, Noizy shprehet se dikur i vinte turp të sillte miqtë e tij në kryeqytet, ndërsa sot Veliaj e ka kthyer Tiranën në një qytet europian.

 

View this post on Instagram

 

A post shared by Erion Veliaj (@erionveliaj)

“Lalo, ky mesazh vjen për ty, për gjithë mbështetjen, jo se jemi shokë, por puna flet vetë, për gjithë këto vite që e ke kthyer Tiranën në një qytet Europian. Dikur më vinte turp të sillja shokët e mi ose miqtë e mi që vinin nga jashtë, në Tiranë t’u tregoja që ky është kryeqyteti im ku jetoj. Por puna jote flet dhe me të vërtetë uroj të kesh forcë akoma më shumë seç ke, dhe të uroj vetëm suksese dhe të na nderosh sikurse kë bërë gjithë këto vite. Njëri një ditë më pyeti se ç’punë ke ti me Tiranën? Ti je nga Durrësi. Tirana është edhe kryeqyteti im, jo vetëm i yti. Kështu që forca vëlla! Të uroj fat dhe fitoren e kemi në xhep! Ju dua”, thekson Noizy.

The post Noizy në krah të Veliajt: E ke kthyer Tiranën në një qytet europian, fitoren e kemi në xhep appeared first on Albeu.com.

Gjatë fjalës së tij Berisha është shprehur se qytetarët e Roskovecit dhe mbarë Shqipërisë në datë 14 maj do të votojnë për të ardhmen e tyre.

Sipas tij e vetmja mënyrë për të ndalur boshatisjen e vendit ëhstë vota për ndryshim në datë 14 maj, për t’i thënë stop regjimit.

“14 maji është një datë shumë e madhe. Është një datë në të cilën ne, vërtetë votojmë për qytetarët vendorë, por votojmë më shumë se kurrë për veten tonë, për të ardhmen tonë, votojmë më shumë se kurrë për të ardhmen e Roskovecit, të Fierit dhe mbarë Shqipërisë.

Ne jemi në këtë shesh sot në një moment kur vendi po shpërbëhet, në një moment kur Roskoveci tokë e të gjitha pasurive përrallore, vend i njerëzve punëtorë, vendi i burimeve të mëdha të naftës, i fermerëve të shkëlqyer, nuk begaton banorët e vet, nuk i prosperon ata, përkundrazi ata detyrohen të largohen, ata detyrohen të përcjellin fëmijët e vetë jashtë  vendit.

Shkojnë dhe punojnë në vende të tjera. Pse kjo, çfarë ndodh. Unë ftoj çdo socialist, çdo demokrat, çdo paparti të shtrojnë pyetjen çfarë po ndodh me ne dhe nëse shpjegojnë, i japin përgjigje të drejtë, të ndershme këtyre pyetjeve atëherë jam i sigurtë se do të marrim vendimet më të drejta.

Pse po ikin fëmijët tanë. Fëmijët tanë po ikin sepse rrogat tona janë aq të ulëta sa nuk plotësojnë dot askërkund nevojat e tyre. Pse po ikin fëmijët tanë, fëmijët tanë po ikin se shkolla, dyert e universitete praktikisht janë pothuajse të mbyllura. Pse po ikin të rinjtë tanë, po ikin sepse edhe kur marrin diplomën nuk gjejnë punë dhe e kanë diplomën vetëm si biletë për të ikur nga Shqipëria.

Pse po ikin shqiptarët? Po ikin sepse pasuritë e tyre, nafta, pyjet, minierat, ujërat janë shndërruar në një mallkim për ta. Nafta kishte rentën, akti i parë që bëri Edi Rama hoqi rentën, por renta ishte e juaja, ishte e komuniteteve lokale. Në të gjithë botën, përveç se në sistemet koloniale, renta u takon komuniteteve lokale. E hoqi, sepse e blenë sipërmarrësit e naftës.

Pse po ikin, pse ka varfëri. Ka varfëri sepse u katandisëm me rrogat më të ulëta në rajon. Nuk kemi qenë të pasur ndonjëherë, por problemi është se në vitin 2013 ne kishim rrogat më të larta në rajon dhe ajo ishte shpresë, ishte ngjitje, kurse tani na vidhisi në fund të tjerëve dhe natyrisht nuk shohin dritë në tunel njerëzit”, u shpreh Berisha.

The post Berisha: Në 14 maj votojmë të ardhmen tonë appeared first on Albeu.com.