Trembëdhjetë personat e arrestuar me datë 27 Janar të këtij viti në operacionin e koduar “Kepi i Vozajve” janë njohur me vendimin e gjykatës së Shkallës së Parë Mat nën akuzën e “Kultivimit të bimëve narkotike, kryer në bashkëpunim”.

Seanca maratonë e nisur të premten e kaluar dhe mbyllur pasditen e sotme me vendimin final të gjykatës së Shkallës së Parë në Mat, dënoi me 71.6 vite burg 13 të akuzuarit nga prokuroria e Matit.

Prokurori i çështjes Abaz Muça kërkoi nga gjykata dënimin me 73 vite, ndërsa për shkak të gjykimit të shkurtuar që kishin kërkuar të akuzuarit, masa e dënimit për secilin është ulur me 1/3.

Gjyqtarja e çështjes Suela Lika, pas pretencës së akuzës dhe palës mbrojtëse vendosi:

1 – Gëzim Ali Koleci 7 vite – 4.8 me ulje të 1/3

2 – Vilson Koleci 5.6 vite – 3.8 nga gjykimi shkurtuar

3 – Mehmet Koleci 6 vite, 4 vite burgim nga ulja me 1/3

4 – Idajet Koleci 6 vite, 4 vite me ulje të 1/3

5 – Gestjan Koleci 6 vite, 4 vite burgim nga ulja me 1/3

6 – Albert Koleci 6 vite, 4 nga zbritja e 1/3

7 – Lezan Riza Koleci 5 vite, 3.4 nga zbritja e 1/3

8 – Lezan Dyle Koleci 5 vite, 5 vite kusht (për shkak të moshës)

9 – Agim Koleci 5 vite, 3.4 vite burg nga zbritja e 1/3

10 – Afrim Haspepa 5 vite, 3.4 vite burg nga zbritja e 1/3

11 – Besmir Koleci 5 vite, 3.4 vite burg nga zbritja e 1/3

12 – Rasim Xheçuka 5 vite, 5 vite kusht (për shkak të moshës)

13 – Gazmir Xheçuka 5 vite, 2 vite burg

Të arrestuarit në fund të Janarit të këtij viti ishin vendosur në përgjim nga prokuroria që në vitin 2019, ndërsa aksioni për arrestimin e tyre u zhvillua në Mat e Tiranë.

The post EMRAT/ U kapën “mat” nga përgjimet, merret vendimi për “fisin” e arrestuar për drogë në Mat appeared first on Albeu.com.

Ndër hapësirat e tjera, trafikantët kishin marrë me qira një magazinë industriale në Lérida për të kultivuar drogën, destinacioni përfundimtar i së cilës ishte Evropa.

Sipas mediave spanjolle, mëngjesin e kësaj të mërkure pronari i një magazine industriale në Lérida zbuloi se ajo përdorej për të kultivuar marijuanë, nga një grup i përbërë nga 13 shqiptarë.

Pronari sipas burimeve nga hetimi, e kishte marrë me qira magazinën përmes një agjencie imobiliare dhe nuk ishte në dijeni se aty ndodhej një plantacion ‘indoor’ i marijuanës.

Qiraja ishte e ligjshme, por trafikantët, si zakonisht, kishin modifikuar godinën dhe sipas furnitorit të energjisë kostoja e vjedhjes së rrymës elektrike shkon në 300,000 euro dëm për shtetin spanjoll, me grupin që ka shpenzuar energji të mjaftueshme për të furnizuar më shumë se 400 shtëpi.

Hetimet nisën nëntorin e kaluar, kur agjentët nga Komanda e Tarragonës filluan të gjurmonin organizatën. Hetuesit zbuluan se grupi i shqiptarëve kishte krijuar gjithsej gjashtë plantacione në katër provinca katalanase.

I ashtuquajturi operacion “Thunder” ka përfshirë dislokimin e 300 policëve, një duzine kërkimesh për të çmontuar organizatën që pas kultivimit të drogës në Katalonjë, me aksionin që u shpërnda edhe në vendet evropiane ku droga transportohej për të trefishuar vlerën e saj.

Policia ka sekuestruar 2500 bimë, 22 kilogramë kanabis në gjendje për t’u shitur dhe 50 mijë euro cash.

13 arrestimet përfaqësojnë një goditje të re për kultivimin e marijuanës në komunitet, i cili e ka kthyer Barcelonën në një nga fidanishtet kryesore në Evropë.

Në fakt, qershorin e kaluar, një operacion i përbashkët i Policisë Kombëtare dhe Gardës Civile rezultoi në kapjen e ngarkesë më të madhe deri më sot në Spanjë, plot 6 tonë drogë.

The post “Shkatërrohet” banda shqiptare në Barcelonë, 13 të arrestuar appeared first on Albeu.com.

Specialistët për Hetimin e Krimeve në Stacionin e Policisë Selenicë arrestuan në  flagrancë V.N., 35 vjeç, banues në fshatin Vajzë. Në afërsi të banesës së tij, në ambient të hapur,  policia gjeti  të kultivuara fidanë  cannabis sativa.

Kurse, Specialistët për Hetimin e Krimeve në Komisariatin e Policisë Sarandë arrestuan në flagrancë për “Dhuna në familje”,   K. J., 28 vjeç, banues në Sarandë, pasi ka ushtruar dhunë fizike ndaj hallës së tij.

Specialistët për Hetimin e Krimeve në Komisariatin e Policisë Himarë proceduan në gjendje të lirë për veprën penale “Organizim i llotarive të palejuara”,  E. M., 32 vjeç, banues në Dhërmi, pasi gjatë kontrollit në ambientet e lokalit të këtij shtetasi u gjet dhe u sekuestrua 1 pajisje elektronike  me të cilën dyshohej se ushtronte aktivitetin e kundraligjshëm të lojërave të fatit. /albeu.com/

The post Njëri mbushi shtëpinë me finadë kanabisi e tjetri rrahu hallën, bien në pranga dy shtetas në Vlorë appeared first on Albeu.com.

Operacioni i gjerë i organizuar nga antimafia përfshiu mbi 100 policë.

Të arrestuarit janë shtetas shqiptarë, shumë prej të cilëve punonin në qendrën historike dhe që në këtë mënyrë shfrytëzuan mbulesën e një biznesi të ligjshëm për të lëvizur me lehtësi në kanalet veneciane.

Grupi kriminal kishte një strukturë piramidale, i ndarë në detyra specifike dhe nivele të përgjegjësisë.

Hetimet zgjatën një vit, të drejtuar nga Prokuroria e Anti-Mafias së Venecias dhe bënë të mundur mbledhjen e provave të forta të grupit që menaxhonte trafikimin dhe tregtimin e kokainës.

Gjatë operacionit, 13 persona u arrestuan dhe tre të tjerë nuk janë gjurmuar ende. Gjithashtu  3 kilogramë kokainë me një shkallë pastërtie 80% (shumë e lartë) dhe një kilogram e gjysmë marijuanë. Një fluks i dukshëm droge mbërriti në qendrën historike të Venecias, me lidhje gjithashtu nga Milano. Janë disa kilogram kokainë në muaj që janë shitur në zonës sipas asaj që hetuesit kanë arritur të zbulojnë.

Droga e dorëzuar me anije

Ata mbanin drogë me anije të vogla në qendrën historike dhe doza kokainë dhe marijuanë që shpërndaheshin në vende të përcaktuara dhe në shtëpi. Rrjeti i shitjes përbëhej nga tre nivele të ndryshme.

Struktura piramidale: Italianët në nivelin më të ulët

Rrjeti i shitjes së drogës kishte një strukturë solide, piramidale dhe të organizuar, të ndarë në detyra dhe tre nivele.

Në krye ishin tregtarët shqiptarë të drogës, që ishin shefat , në nivelin e dytë ndërmjetësit me origjinë kryesisht shqiptare, në pjesën e poshtme tregtarët italianë të drogës, përfshirë venecianët, të cilët bënin takime me klientët dhe shpërndanin drogën. Tregtarët ishin të moshës midis 25 dhe 38 vjeç dhe disa me punë të padyshimta, të tilla si punëtorë, tregtarë dhe profesionistë të cilët gjithashtu tregtonin në mes të zonës së kuqe dhe gjatë bllokimit.

The post Shkatërrohet banda në Itali: 13 “shefat” nga Shqipëria kontrollonin Venecian appeared first on Albeu.com.