Në vitin 1990 popullsia e vendit ishte rreth 3,2 milionë banorë, ndërsa me të dhënat e cens 2023 ishte vetëm 2.4 mln banore më një tkurrje 25 % nga rënia e komunizmit. Gjithashtu struktura e familjes ka pësuar rënie të ndjeshme në numrin e anëtareve.
Në vitin 2023 nga të dhënat e cens u zbulua se nga banesat e banueshme mbi 12 % e tyre kishte vetëm një banor.

Gjithsej në të gjithë vendin janë rreth 91 mijë banesa në të cilat jeton një person e vetëm. Këto banesa zotërohen kryesisht nga persona të moshuar, me fëmijë në emigracion dhe kur njëri nga bashkëshortët është ndarë nga jeta.

Nga stoku i njësive të banueshme rreth 202,8 mijë banesa banohen vetëm nga dy persona. Ekspertë të statistikave tregojnë numri i lartë shtëpive që banohen nga person ose vetëm dy persona tregon për fluksin e lartë të emigrimit te të rinjve të cilat kanë lënë të vetëm prindërit e tyre.

Personat që jetojnë të vetëm në banesa janë zakonisht të moshuar mbi 65 vjeç. Të dhënat e censit 2023 referuan se në të gjithë vendin, rreth 64 mijë persona mbi 60 vjeç jetonin vetëm.

Nga 103 mijë persona të cilët jetonin vetëm, 62,5 për qind e tyre ishin 60 vjeç e lart (64,375 persona).

Bërthamat familjare më të shpeshta përbëheshin nga çifte të martuara ose bashkëjetues me fëmijë, 52,2 për qind, e ndjekur nga çifte të martuara ose bashkëjetues pa fëmijë, 37,5 për qind, ndërkaq prindërit e vetëm me fëmijë përbënin vetëm 10,3 për qind të tyre.

Siç tregojnë të dhënat e Cens 2023 gati gjysma e familjeve në vend kanë 2 ose më pak persona. Kjo tregon një zhvendosje të madhe nga struktura tradicionale e familjeve shqiptare me shumë anëtarë ku dominojnë moshat e reja.

Madhësia mesatare e njësive familjare është 3,2 anëtarë në Cens 2023, krahasuar me 3,9 anëtarë për Censin e 2011. Rreth një në katër ose 24,3 për qind kanë si person reference grua, personi i cili përgjithësisht merr vendimet kryesore dhe njihet si i tillë nga të gjithë anëtarët e saj.

Shumica e familjeve 82,5 për qind janë pronarë të banesës ku jetojnë, 11,4 për qind zotërojnë panele diellore, 8,7 pikë përqindje më shumë, krahasuar me Censin 2011, ndërsa banesat e zakonshme të pabanuara zënë 32,9 për qind të totalit.

Të dhënat e Cens 2023 tregojnë se një në pesë individë (19,7 për qind) janë 65 vjeç e lart, krahasuar me një në nëntë individë (11,3 për qind) në Censin e vitit 2011 dhe 7,5 për qind në Censin e 2001./ MONITORI

The post Shpopullimi i Shqipërisë, në 12% të shtëpive të banueshme, jeton vetëm një person appeared first on Albeu.com.

Gjatë orëve në vijim nuk do jeni shumë të duruar me njerëzit. Dyshimet do të mbizotërojnë. Mos u shqetësoni: së shpejti do të shëroheni. Nëse shihni se dikush mbetet kundër jush ose ka njerëz që po testojnë rezistencën tuaj fizike, përpiquni ta hiqni problemin nga burimi.

DEMI

Sipas horoskopit të Paolo Fox (e premte 12 janar 2024), ju pret një ditë tjetër produktive. Do të duhet të merrni një vendim brenda dy muajsh, veçanërisht nëse dikush nuk ju ka dhënë atë që dëshironi ose nëse ka çështje të papërfunduara biznesi.

BINJAKËT

Në këtë moment mund të ketë shumë tension në jetën tuaj. Duhet të jeni shumë të kujdesshëm në marrëdhënie, sepse mund të ndiheni paksa të dobët. Herë pas here përjetoni momente tensioni, kjo ndodh sepse e doni lirinë dhe kur kuptoni se dikush po përpiqet t’ju manipulojë, distancoheni shpejt. Kundërshtimi i Venusit mund të gjenerojë disa konflikte në çiftet afatgjatë…

GAFORRJA

Dita e ardhshme është një nga ato ditë në të cilën duhet të distancoheni nga provokimet. Hëna në kundërshtim gjeneron disa dyshime. Ky muaj mbyllet me shumë probleme dashurie. Ata që janë mbyllur paksa shumë do të mund të flasin, të çlirojnë disa momente pasigurie.

LUANI

Sipas horoskopit të Paolo Fox (e premte 12 janar 2024), pas një krize dashurie dhe një situate të madhe pasigurie, dikush do të mund të rizbulojë ndjenjat. Problemi i vetëm mund të lindë për ata që jetojnë me një person, që nuk e duan më për një kohë të gjatë. Shumë prej jush do të përjetojnë një periudhë inovative në vendin e punës.

Sipas horoskopit të Paolo Fox, pas një krize dashurie dhe një situate të madhe pasigurie, dikush do të mund të rizbulojë ndjenjat. Problemi i vetëm mund të lindë për ata që jetojnë me një person, që nuk e duan më për një kohë të gjatë. Shumë prej jush do të përjetojnë një periudhë inovative në vendin e punës.

VIRGJËRESHA

Yjet favorizojnë ata që kanë më shumë dëshirë për të qenë pranë njerëzve. Tani ka më shumë dëshirë për të folur dhe diskutuar. Çdo dyshim në dashuri mund të zgjidhet në fund të muajit. Për sa i përket punës, ky moment mbetet interesant për të filluar vlerësimin e situatave që duhet të shtyni.

PESHORJA

Periudhë me interes të madh. Ata që kanë një dashuri dhe duan të konfirmojnë një ndjenjë në këtë periudhë duhet të përpiqen të takojnë personin që duan… Marrëdhëniet pak më të komplikuara me Demin dhe Bricjapin.

AKREPI

Sipas horoskopit të Paolo Fox (e premte 12 janar 2024), kjo periudhë flet për dashurinë: do të jetë dita më e mirë për t’i bërë përshtypje dikujt. Megjithatë, mund të bëhet edhe më shumë për të vendosur projekte për ditët në vijim. Përballë Jupiterit tregoni gjithmonë rrugën e maturisë në financa, kurse çështjet e shtëpisë dhe shitjet mund të zhbllokohen pas majit.

SHIGJETARI

Yjet premtojnë mirë, sepse Venusi është në shenjën tuaj të zodiakut. Gjithçka do të ishte më e qartë nëse nuk do të kishte Saturn disonant. Ata që kanë një histori të bukur dashurie mund të fillojnë një projekt: kushtojini vëmendje lidhjeve me Binjakët dhe Virgjëreshën.

BRICJAPI

Periudha është e favorshme, por ndoshta jetoni paksa shumë për punën. Shumë varet nga roli që keni. Nëse mundeni, duhet t’i kushtoni pak kohë vetes. Për fat të mirë, në fund të janarit do të ketë një përqendrim shumë të rëndësishëm të planetëve në shenjën tuaj. Ata që kanë përjetuar një krizë sentimentale ose një moment shqetësimi të madh duhet të përpiqen të shërohen.

UJORI

Sipas horoskopit të Paolo Fox (e premte 12 janar 2024), kur të jeni të lodhur, mezi bini për të fjetur; në fakt, ju keni më shumë gjasa të filloni të grindeni. Jeni njerëz që ju pëlqen të jeni social, të keni miq, por duke qenë të sunduar nga Saturni, duhet të izoloheni herë pas here, për të reflektuar dhe kuptuar se çfarë të bëni për të ardhmen e afërt.

PESHQIT

Këto ditë po ndiheni në një slitë. Yjet janë të favorshëm në këtë ditë, por bëni kujdes: mund të lindë tension i fortë. Në dashuri qielli nuk ju buzëqesh shumë, të gjithë ata që kanë përjetuar një krizë duhet ta harrojnë atë bashkë me personin që e ka shkaktuar.

The post Horoskopi 12 Janar 2024, duhet të jeni shumë të kujdesshëm në marrëdhënien tuaj appeared first on Albeu.com.

Burimet nga tregu pohuan se, muajt e fundit shpenzimet e aktivitetit për njësitë e përpunimit të qumështit janë rritur me 20 për qind, ndërkohë rritja në treg është reflektuar vetëm me 12%.

Për të mos transmetuar të gjithë rritjen e kostos në çmime fabrikat po punojnë vetëm 4 -5 ditë në javë.

Një nga përpunuesit e mëdhenj të qumështit pohoi se çmimi i qumështit nga fermerët gjatë marsit u rrit me 15%, çmimi i energjisë ketë vit është rritur me 300%, gazi është shtrenjtuar me 200%, çmimi i plastikës është rritur gjithashtu.

“Ka një valë kostosh që na ka ardhur si ortek këtë vit dhe jemi munduar ta transferojmë në çmime në mënyrë të përshkallëzuar” tha një nga operatorët.

Rritja më e fundit e çmimeve të qumështit dhe nënprodukteve të tij me rreth 10% ishte me 1 mars të këtij viti.

Prodhuesit thanë se shtrenjtimi i marsit reflektoi kostot e çmimeve më të larta të naftës, energjisë dhe heqjes të skemës të TVSH-së të kreditueshme 6% që nisi zbatimin nga 1 janari 2022.

Aktualisht përpunuesit po përballen me mungesë në gjetjen e qumështit të prodhuar nga fermerët e vegjël. Oferta në treg për qumësht është më e ulët sesa kërkesa për produkte bulmeti, çka po sjell që përpunuesit të përballen çdo ditë me presionin e fermerëve për rritje të çmimit.

Shumë fermerë të vegjël që rrisin 1 apo 2 lopë po largohen në emigracion. Fermat e mëdha janë rritur, por numri i tyre është shumë më i vogël krahasuar me fermerët e vegjël, çka nuk arrin të ekuilibrojë sasinë e qumështit të prodhuar në treg. Mungesa e prodhimit në tregun e brendshëm me rënien e krerëve po sjell edhe rritjen e çmimeve të bulmetit.

Përpunuesit e qumështit janë në mes dilemave për faliment pasi edhe rritja e mëtejshme çmimeve i bën ato të konkurueshme nga produktet e importit. Psh fabrikat në Itali e blejnë një litër qumësht të fermerët 20-30 cent me lirë se në Shqipëri./Monitor

The post Përpunuesit bëjnë gati rritjen e çmimeve të bulmetrave me 12% në ditët në vijim appeared first on Albeu.com.