12 të vdekur Archives - Albeu.com

Humb jetën 31-vjeçari në Pogradec, dy muaj më parë tentoi të hidhej nga pallati

M C — Mon, 27 Jan 2025 15:50:09 +0000

Dy muaj më parë, 31 vjeçari Klajdi Dumbo në Pogradec ka tentuar të hidhej nga kati i gjashtë i banesës në lagjen Nr. 3 të qytetit ndërsa u shpëtua nga dy të rinj.

Vetëm pak momente më parë ai është gjetur i vetëvarur në banesën e tij ku jetonte i vetëm me nënën.

31 vjeçari njihej si person me probleme nga lëndët narkotike ndërsa nuk ishte hera e parë që tentonte t’i jepte fund jetës.

Ndërkohë, policia ndodhet në vendngjarje për zbardhjen e plotë të rrethanave.

The post Humb jetën 31-vjeçari në Pogradec, dy muaj më parë tentoi të hidhej nga pallati appeared first on Albeu.com.

Të paktën 12 të vdekur dhe 55 të plagosur nga sulmet në Donetsk dhe Luhansk

D Marku — Sat, 06 Jul 2024 06:30:31 +0000

Të paktën shtatë persona u vranë dhe 29 u plagosën nga sulmet ruse në Ukrainën lindore të premten.

Ndërkohë sulmet ukrainase në territorin e pushtuar vranë pesë persona dhe plagosën 26 të tjerë, njoftuan zyrtarët lokalë.

Guvernatori rajonal i Donetskut njoftoi se një grua u vra dhe 20 të tjerë u plagosën nga zjarri i artilerisë ruse në qytetin Komar, ku u shkatërruan shtëpi, dyqane dhe një ndërtesë që shërbente si zyrë.

Një i vdekur dhe një i plagosur ishte numri i një sulmi me raketa në qytetin e Ukrainsk në të njëjtin rajon, tha Guvernatori.

“Është e rrezikshme të jetosh këtu, si në pjesën tjetër të rajonit të Donetskut”, shkroi Vadim Filaskin në një postim në rrjetet sociale, duke i kërkuar sërish popullatës civile të largohet për arsye sigurie.

Pesë persona u vranë dhe tetë u plagosën në dy bombardime ruse, të cilat ndodhën një orë larg njëri-tjetrit, në qytetin Selindove, pranë vijës së frontit, tha më herët guvernatori rajonal i Donetsk.

Ndërkohë, në territoret e pushtuara të Ukrainës lindore, zyrtarët e emëruar nga Moska thonë se tre persona u vranë dhe 10 u plagosën nga një raketë HIMARS e lëshuar nga forcat ukrainase në qytetin Volnovakha në rajonin e Donetsk.

Shtatë persona të tjerë u plagosën nga bombardimet ukrainase në Pervomaysk në rajonin fqinj të Luhanskut.

Dy vdekje u raportuan më vonë në të njëjtën zonë nga një goditje që i atribuohet forcave të armatosura ukrainase.

The post Të paktën 12 të vdekur dhe 55 të plagosur nga sulmet në Donetsk dhe Luhansk appeared first on Albeu.com.

E rëndë në Stamboll/ Përfshihet nga flakët kati i parë i një pallati, 12 të vdekur

V K — Tue, 02 Apr 2024 13:52:42 +0000

Një zjarr shpërtheu në katin e parë të një pallati 16-katësh në Sisli të Stambollit, ku humbën jetën 12 persona dhe 11 morën lëndime, shtatë prej të cilëve janë në gjendje të rëndë.

Në vendngjarje kanë mbërritur forcat e policisë, zjarrfikëset dhe ekipet mjekësore.
#SONDAKİKA | Can kaybı artıyor

📌Şişli’de 16 katlı binada yangın: 7 ölü

🔗https://t.co/CmMMGIaTas pic.twitter.com/xtIctU9tUa

— Halk TV (@halktvcomtr) April 2, 2024
Në njoftimin e administratës së Stambollit, thuhet se zjarri dyshohet të jetë shkaktuar nga punimet e rinovimit.

Sipas njoftimeve, një shpërthim ka ndodhur në skenën e klubit të natës të quajtur Masquerade, që ndodhet në katin përdhes të një pallati 16-katësh, i cili ishte i mbyllur për Ramazan teksa po rinovohej.

Pas shpërthimit ka rënë zjarr në lokalin e natës. Ndërsa zjarri u përhap, klubi dhe ndërtesa u mbushën me tym.

Në atë moment, ata që ishin në klub dhe në ndërtesë mbetën të bllokuar.

The post E rëndë në Stamboll/ Përfshihet nga flakët kati i parë i një pallati, 12 të vdekur appeared first on Albeu.com.

Tragjike/ Kishin shkuar në piknik, përmbyset varka me nxënës shkolle, 12 të vdekur

V K — Fri, 19 Jan 2024 07:21:16 +0000

Një ngjarje e rëndë ka ndodhur në Indi, ku të paktën 12 fëmijë dhe dy mësuesit janë mbytur në momentin kur varka me të cilën po udhëtonin gjatë një pikniku, u përmbys në një liqen në shtetin Gujarat.

Ekipet e shpëtimit arritën të nxirrnin nga uji 19 nxënës dhe dy mësues të tjerë, të cilët po i nënshtrohen trajtimit në një spital aty pranë.

Ndërsa shkaku i incidentit nuk dihet ende, dëshmitarët okularë thonë se varka ishte e mbushur përtej kapacitetit të saj prej 14 pasagjerësh.

Shumë prindër, kanë pretenduar se fëmijët nuk kanë pasur jelekë shpëtimi dhe kanë akuzuar autoritetet se rrezikojnë jetën e tyre, duke shkelur normat e sigurisë.

“Ky incident është rezultat i neglizhencës…ka përgjegjësinë e drejtpërdrejtë të sistemit, qeverisë dhe shkollës”, tha një prind.

Disa prindër kanë pretenduar se nuk ishin të informuar për udhëtimin me varkë dhe incidentin.

Qeveria e Gujarat, ka urdhëruar një hetim për incidentin dhe ka kërkuar një raport brenda 10 ditëve.

The post Tragjike/ Kishin shkuar në piknik, përmbyset varka me nxënës shkolle, 12 të vdekur appeared first on Albeu.com.