Ata u prangosën në 7 janar për rastin e trafikut të 119 kilogramë kokainë të sekuestruara në 30 dhjetor në një magazinë në Tiranë.

Kokaina e cila ishte e fshehur në 7 arka bananesh në një kontejner të ardhur nga Ekuadori, nuk u konstatua gjatë kontrolleve në Portin e Durrësit, duke ngritur dyshime për mos ndjekjen e procedurës standarde të kontrollit./albeu.com/

The post U prangosën me bujë për 119 kg kokainë, gjykata liron 2 agjentët doganorë dhe punonjësin e AKU appeared first on Albeu.com.

Kujtojmë se dje, janë shoqëruar rreth 9 persona në polici të cilët janë pyetur në lidhje me skanerin në portin e Durrësit dhe mes tyre ishin dhe agjente doganorë dhe punonjës të Autoritetit Kombëtar Ushqimor.

Shoqërimi i tyre u bë sepse skaneri e nxori kontejnerin të pastër dhe pse në të kishte sasi të konsiderueshme kokaine. Mësohet se është sekuestruar e gjitha praktika dhe dokumentet, ndërsa rezulton se fleta shoqëruese e mallit të firmosur nga AKU ka rezultuar me probleme./albeu.com

The post 119 kg kokainë në kontejnerin me banane, arrestohet një agjent doganor dhe inspektori i AKU appeared first on Albeu.com.

Kamioni me banane pasi kaloi i pastër skanerin, ku nuk rezultoi se kishte ngarkesë kokaine brenda doli nga porti dhe u nis drejt Tiranës.

Shoferi denoncoi se iu bë pritë në rrugën e vjetër teksa po shkonte drejt magazinës për të shkarkuar. Kontenieri me banane vinte nga Ekuadori. Mes bananeve u gjetën të fshehura 119 kg kokainë, por gazetari Artan Hoxha deklaroi se në total sasia mund të ketë gati 2 ton.

Shoferi i kamionit, Hasan Salihu, i arrestuar për trafik droge, ka treguar përballë hetuesve se kishte shkuar në portin e Durrësit për të marrë kontejnerin me banane për llogari të firmës “Ziço Sh.a”.

Në kthim drejt kryeqytetit, rreth orës 17:30, në vendin e quajtur Romanat, 4 persona që u prezantuan si punonjës të policisë, i prenë rrugën dhe ushtruan kontroll në kamionin me banane.

Kur u larguan e kërcënuan që mos tregonte asgjë. Salihu ka deklaruar se pas kësaj ka vërejtur kutitë me banane që ishin të çrregullta si dhe gomat e mjetit ishin të rëna dhe për këtë kërkoi ndihmën e kolegut, Gëzim Kalaja.

Shoferi i kamionit pretendon se ishte shumë i frikësuar dhe nuk njoftoi policinë, por vuri në dijeni menaxherin e firmës, Marson Muratajn, ndërsa kamioni u transportua drejt magazinave në Vaqarr.

Ishte menaxheri që njoftoi pronarin e kompanisë, Trifon Murataj që jeton në SHBA, dhe ky i fundit më 29 dhjetor telefonoi drejtorin e përgjithshëm të policisë Gledis Nanon, për çfarë kishte ndodhur.

Nano njoftoi drejtorin e policisë kriminale dhe një ditë më pas, efektivët shkuan në magazinat e firmës në Vaqarr ku gjetën në 7 kuti me banane, sasinë prej 119 kg kokainë që ishte ndarë në 100 pako.

Gjykata ka lënë në burg, Hasan Salihun, Gëzim Kalanë dhe Marson Muratajn me akuzën e trafikut të drogës të kryer në bashkëpunim./ Abcnews.al

The post Kamionin me kokainë e nxorën të pastër, pyeten punonjësit e skanerit dhe doganës Durrës appeared first on Albeu.com.

Oficerët ishin dërguar në 30 dhjetor 2021 për të kryer veprime në ambjentet e skanerit, paralelisht me veprimet që po kryenin kolegët e tyre në zonën e Vaqarrit në Tiranë, por nuk janë lejuar.

Drejtuesit e kompanisë së skanerit kanë kërkuar që policët të tregonin autorizim nga prokuroria për të kryer veprime, procedurë që është realizuar disa orë më vonë.

Ngarkesa prej 119 kg kokainë mësohet se i përket një grupi të fuqishëm kriminal në Tiranë i cili vepron me bazë prodhimi në Ekuador dhe trafikimin në disa vende të Europës, përfshirë dhe Shqipërinë.

Prokuroria e Tiranës ka thirrur gjithë personelin e skanimit të kontenjerëve që kanë qenë në detyrë në datën 28 dhjetor 2021, pasi nuk kanë dalluar asgjë të dyshimtë.

Skaneri dhe punonjësit nuk kanë arritur të dallojnë asnjë nga 7 kutitë e mbushura me kokainë.

Për rrjedhojë ngarkesa kaloi pa shqetësime në port dhe më pas kontenjeri u transportua me kamion drejt Tiranës për tu kapur në Vaqarr vetëm pasi administratori njoftoi krerët e policisë për një tentativë grabitje të ngarkesës.

Nga verifikimet e kryera, rezulton se brenda kontenjerit mungojnë 106 kuti, të cilat besohet se janë hequr në Itali dhe Shqipëri.

Hetimet tashmë janë fokusuar në operatorët e vëzhgimit në skanerin e Durrësit.

Çështja në fjalë pritet ti kalojë për hetime të mëtejshme Prokurorisë së Posaçme SPAK, pasi Prokuroria e Tiranës, në ditët në vijim pritet të shpallë moskompetencën./Ora News

The post Hetimi për 119 kg kokainë, policët nuk u lejuan të kontrollonin skanerin pa autorizim nga Prokuroria appeared first on Albeu.com.

Ka qenë  pronari i kompanisë Trifon Murataj ai i cili ka telefonuar Drejtorin e Përgjithshëm të policisë Gledis Nano. Kjo telefonatë sipas dosjes me dëshmitë, ka ardhur pasi administratori i kompanisë Marson Murataj ka folur me pronarin duke i  treguar si ka ndodhur ngjarja, referuar tregimit të shoferëve të firmës që po transportonin kontejnerin, Hasan Saliaj dhe Gëzim Kalaja, shkruan abcnews.al.

Shoferi i kamionit, Hasan Salihu, ka treguar përballë hetuesve se më 28 dhjetor kishte shkuar në portin e Durrësit për të marrë kontejnerin me banane për llogari të firmës “Ziço Sh.a”. Në kthim drejt kryeqytetit, rreth orës 17:30, në vendin e quajtur Romanat, 4 persona që u prezantuan si punonjës policisë, i prenë rrugën dhe ushtruan kontroll në kamionin me banane.

Kur u larguan e kërcënuan që mos tregonte asgjë. Salihu ka deklaruar se pas kësaj ka vërejtur kutitë me banane që ishin të çrregullta si dhe gomat e mjetit ishin të rëna dhe për këtë kërkoi ndihmën e kolegut, Gëzim Kalaja.

Shoferi i kamionit pretendon se ishte shumë i frikësuar dhe nuk njoftoi policinë, por vuri në dijeni menaxherin e firmës, Marson Muratajn, ndërsa kamioni u transportua drejt magazinave në Vaqarr. Ishte menaxheri që njoftoi pronarin e kompanisë që jeton në SHBA, dhe ky i fundit më 29 dhjetor telefonoi drejtorin e përgjithshëm të policisë.Nano ia ka kaluar çështjen drejtorit të policisë kriminale Tonin Vocaj, i cili ka marrë në telefon shoferin e kompanisë për ti sqaruar ngjarjen. Të nesërmen punonjësit e policisë kanë zbarkuar në magazinat e kompanisë në Vaqarr.

Si u  zbulua droga në kompani

Me pas punonjësit e  policisë kanë vazhduar me procedurat e tyre kqyrje etj. Gjatë shkarkimit të arkave punonjësit kanë vërjetur se disa prej tyre ishin më të rënda. Punonjesit e policisë ndërhynë dhe panë që poshtë shtatë arkave ishin disa pako drejtëkëndëshe me kokainë.

“Unë Artur Leka, Oficer i Policisë Gjyqësore, në bazë të nenit 293 të K.Pr.Penale, me këtë akt i referoj Prokurorit te Prokurorise Prane Gjykates se Shkallës së Parë Tiranë, se me date 31.12.2021, në ambientet kompanise ZICO SHA, e cila ndodhet në Vaqarr, Tirane, është gjetur një sasi lende narkotike e llojit kokainë. Pas njoftimit të marre nga punonjës të kompanisë ZICO SHA, e cila ndodhet né Vaqarr, Tirane, më date 30.12.2021, rreth orës 10.30, është shkuar në ambientet e magazinsve të kësaj kompanie, ku është konstatuar një automjet kamion me targe AA126RE, i cili kishte të  ngarkuar arka bananeah në kontenjerin i cili u gjend i hapur dhe jashtë këtij kontenjeri ishin dhe 4 paleta me arka bananesh sipër, të cilat ishin shkarkuar nga ky kontenjer dhe ishin në ambjentet e magazines së firmes ZICO SHA.

Gjatë kontrollit të ushtruar arkat e bananeve të këtij kontenjeri u konstatuan poshtë bananeve ne shtatë arka bananesh, pako ne forme drejtkendeshi të mbéshjella me natriban transparent poshtë të cilit ka qese ngjyre jeshile, brenda te cilave ka material pluhur te ngurtesuar, me të bardhë të dyshuar si lëndë narkotike kokainë. Pasi u numëruan pakot me lëndë të dyshuar narkotike renultuan 100 pako. Pakot u futen nga ana jone në qese provash”, tha thënë oficeri.

Në total në kontejner janë gjetur 119 kg kokainë që ishte ndarë në 100 pako. Pavarësisht se denoncimi u bë nga vetë kompania  një ditë më parë, gjykata ka lënë në burg, Hasan Salihun, Gëzim Kalanë dhe Marson Muratajn me akuzën e trafikut të drogës të kryer në bashkëpunim.

Skaneri në Durrës

Kontejeri doli i pastër në Durrës. Gjatë kontrollit me skander nuk u zbulua dot sasia prej 119 kg kokainë që sekuestrua në Vaqarr. Kjo ka sjellë edhe  nisjen e hetimeve. Në ditët në vijim pritet që hetimet për këtë rast të kryhen nga prokuroria e posaçme SPAK, ku do të verifikohen veprimet e kontrollorëve dhe zyrtarëve të portit në lidhje me skanimin e kontejnerit.

Nisja nga Ekuadori

Gjithçka ka nisur në një nga portet e Ekuadorit. Droga u gjet pikërisht në kontejnerin me banane të nisur nga Amerika Latine dhe që kishte kaluar transit në portin e Goia Tauro në Itali. Autoritetet doganore në vendin fqinj kanë konstatuar se kontejnerit i mungonte plumbçja apo vula. Për këtë arsye kanë ushtruar kontroll dhe kanë vënë re mungesë të arkave me banane. Pas kësaj kontejneri është mbyllur, riplumbosur. Kontejneri ka mbërritur në portin e Durrësit dhe pas zhdoganimit dhe kontrollit në skaner ka rezultuar i pastër dhe ka dalë nga porti, me destinacion magazinat e firmës në periferi të Tiranës./abcnews.al

The post Dosja e 119 kg kokainë/ Nga Ekuadori në Vaqarr, “prita” e maskave, telefonata me Nanon dhe rrethimi i magazinave appeared first on Albeu.com.

Ata janë Marson Murataj, 34 vjeç, banues në Tiranë, administrator i firmes import-eksporti me vendet e Amerikës Latine, Gëzim Kalaja dhe Hasan Saliu drejtues të automjeteve të firmës.

The post U kapën me 119 kg kokainë në portin e Durrësit, dalin para gjykatës të arrestuarit appeared first on Albeu.com.