Bëhet fjalë për Vincent Dransfield nga Little Falls, që festoi ditëlindjen e 110-të më 28 mars në stacionin e zjarrfikësve ku dikur kishte punuar – duke u bërë personi i tetë më i moshuar, transmeton Telegrafi.

Është interesant se jetëgjatësia e tij nuk i atribuohet jetës së shëndetshme apo ndonjë terapie të veçantë. Përpos që ka disa ankesa për gjunjët, ai nuk vuan nga kokëdhembja, shpina, demenca apo kanceri.

Jeton i vetëm në shtëpi pa ndihmën e dikujt, gatuan ushqime të rëndomta për vete – ngjitet shkallëve të shtëpisë trekatëshe pa ndonjë problem, dhe nget veturën pa ndonjë pengesë.

Dransfield që u lind më 1914, thotë se nuk është i obsesinuar pas një jete të shëndetshme. Pranon se ka pirë cigare për 20 vite dhe ka punuar gjatë gjithë jetës, qysh në moshën 15-vjeçe filloi të punojë deri në fund të 70-ve.

I pëlqen të hajë hamburgerë, çokollata, të pijë birrë e kafe dhe kritikon ashpër ata që dalin për vrapim.

“Qesh me ata që dalin për vrapim. Thotë se ‘ku po shkojnë për të vrapuar ata”, thotë stërmbesa Erica Lista.

Thotë se sekreti i jetëgjatësisë së tij është fati, qumështi dhe të bëjë çfarë dëshiron.

“Kam qenë me shumë fat gjatë gjithë jetës time”, thotë ai.

Iu desh të braktisë shkollën e mesme për ta ndihmuar familje, në moshën 15-vjeçare filloi të punojë në një fermë ku shpërndau qumësht për pesë vite – dhe kishte benefite sepse i lejohej të merrte qumësht sa dëshironte ai.

The post Konsumoi cigare, nuk u ushqye shëndetshëm dhe në moshën 110-vjeçare nuk vuan nga ndonjë sëmundje – njihuni me burrin nga New Jersey appeared first on Albeu.com.