Në takim ishin të pranishëm Ervin Salianji, Ilir Alimehmeti (më i votuari në Qarkun Tiranë), Hysen Kadiu (më i votuari në primare), Aulon Kalaja (më i votuari në listën e hapur të Durrësit), Gent Cela (Qarku Fier), Qani Xhafa (Qarku Elbasan), Ted Kopliku (Qarku Shkodër), Xhemal Gjunkshi (Qarku Diber), Alma Kore (Qarku Gjirokastër), Pardid Mahmutaj (Qarku Berat), Nada Daullja (Qarku Vlorë), si dhe një sërë kandidatesh të votuara dhe fitues të primareve.

Sipas burimeve nga takimi, qëllimi kryesor ishte dëgjimi i mendimeve dhe eksperiencës së fituesve për të nxjerrë zgjidhjet më të mira për PD-në në këtë moment të rëndësishëm politik.

Diskutimet u fokusuan mbi rikthimin e ADN-së fituese të partisë, promovimin e meritokracisë, hapjen e strukturave dhe forcimin e besimit qytetar.

Ky takim shihet si një hap i rëndësishëm drejt rifreskimit të frymës dhe modelit organizativ të PD-së, duke vënë në qendër zërin e qytetarëve dhe votuesve që kanë besuar tek kandidatët më të votuar.

“Rikthimi te ADN-ja fituese, meritokracia, hapja dhe besimi qytetar janë shtyllat mbi të cilat duhet të ndërtojmë të ardhmen e partisë”, thanë burimet nga takimi.

Ky moment nënvizon rëndësinë e bashkëpunimit dhe dëgjimit të njerëzve që kanë marrë vota reale, duke u shndërruar në një mesazh pozitiv për demokratët dhe elektoratin e PD-së

The post PD nis procesin e rifreskimit, Ervin Salianji mbledh më të votuarit e primareve dhe listave të hapura në 11 maj appeared first on Albeu.com.

Teksa i cilësoi zgjedhjet parlamentare si ‘farsë elektorale’, Berisha publikoi sot video të reja nga disa qendra votimi në Krujë, që sipas tij faktojnë manipulimin e votave.

Në videot e publikuara dhe të shpjeguara nga PD, vërehen votime familjare dhe patronazhistë që shoqërojnë zgjedhësit në kutinë e votimit.

“Votim familjar nën mbikëqyrjen e kamerës së qeverisë”, tha PD përmes videove të transmetuara.

Berisha: Tani, rikthehemi tek problemi themelor, shkatërrimtar për Shqipërinë dhe shqitparët. Farsa elektorale 11 maj, 2025.
Në themel te shkretimit të Shqipërisë, të përgjysmimit në 10 vite të popullatës së saj.

Në themel të rritjes së madhe të varfërisë në këtë vend. Në themel të dominimit total të Shqipërisë nga kartelet e drogës dhe krimi, qëndron mungesa e votës së lirë të shqiptarëve me një ndërthurje të këtyre faktorëve, ndaj dhe PD është e vendosur të paraqesë para shqiptarëve të gjithë farsën e shëmtuar që ndodhi më 11 maj, me besimin e plotë se, do të jetë një motiv i madh për ta për t’u ngritur dhe rivendosur me çdo çmim dhe me çdo kusht votën e lirë në Shqipëri, për t’u përballur me narkoshtetin.

Sot, këtu kemi video, nga një seri qendrash të Bashkisë së Krujës, ku ju do të shihni se si u votua në këtë bashki, ndërkohë që, policia politike e patronazhistëve kontrollonte në mënyrë anti-ligjore, anti-kushtetuese votën e qytetarëve, ose qytetarët votonin kolektivisht, ose votonin duke patur kamerat mbi kokë, në mënyrë që t’u lexohej vota. Kjo është fshehtësia e votës.

The post Berisha publikon video të reja nga zgjedhjet e 11 Majit: Ja se si patronazhistët shoqërojnë zgjedhësit në… appeared first on Albeu.com.

Në total, janë 290 kuti që do të rihapen, ku do të përfshihet edhe vota e diasporës për këtë qark.

Në këtë qark, beteja është mes Aulon Kalasë dhe ish-prokurorit Arjan Ndoja. Ky i fundit fitoi me një diferencë prej 1047 votash.

Kalaja nuk u mbështet nga PD në betejën e tij për rinumërim, por u ndihmua nga Partia Lëvizja e Legalitetit, i cili ishte në koalicionin PD-ASHM.

Kalaja protestoi edhe dje para Pallatit të Sportit “Farie Hoti”, ku po rinumëroheshin kutitë e fundit të Fierit, duke kërkuar korrektësi nga KAS dhe rinumërim të plotë të kutive të votimeve për Durrësin.

Ai kërkoi gjithashtu edhe këqyrjen e pamjeve filmike, me pretendimin se i janë transferuar votat brenda partisë.

Pritet të shihet nëse me rinumërimin e këtyre kutive, Kalaja do të mund të rikuperojë votat e nevojshme për të përmbysur rezultatin e Ndojës.

The post Pas Tiranës e Fierit, sot hapen kutitë në Durrës/ Garë brenda PD-së mes Aulon Kalasë dhe Arjan Ndojës appeared first on Albeu.com.

Sipas Dumanit, janë ekzekutuar 20 vendime gjykate që lejuan kontrolle në ambiente të ndryshme, nga ku janë sekuestruar dokumente dhe prova të rëndësishme që pritet t’i shërbejnë procesit hetimor.

“Janë ushtruar disa kontrolle në banesa, zyra dhe ambiente të tjera. Janë sekuestruar prova të rëndësishme. Por sfidat nuk mungojnë. Kallëzimet e depozituara nga partitë politike në SPAK kanë qenë të paplota dhe të pamjaftueshme për të ndërtuar një hetim të plotë”, u shpreh Dumani.

Ai theksoi nevojën për më shumë ndërgjegjësim qytetar dhe mbështetje për denoncimet publike, përmes fushatave informuese dhe garantimit të mbrojtjes ligjore për dëshmitarët.

The post Hetimi i zgjedhjeve të 11 majit/ Altin Dumani: Kemi sekuestruar prova të rëndësishme, janë kontrolluar zyra dhe… appeared first on Albeu.com.

“Tani po bëj video denoncuese për mbrapshtitë. Qeveria jep leje ndërtuese, rritet çmimi i metrit katror jo vetën në Tiranë por kudo. “Lëvizja bashkë” nuk është parti elektorale.

Për mua dita para dhe pas zgjedhjeve nuk ka rëndësi. Një parti nuk mund të mbyllë qepenin dhe ta hapë një herë në dy vite, edhe pse partitë këtë bëjnë dhe llogarisin 3 muajt e pashimeve. Nuk kemi as etikën për të bërë diçka të tillë, as komoditetin. Partitë opozitare duhet ta intensifikojnë aktivitetin.

Ylli Rakipi: PD është ngritur dhe thotë se zgjedhjet janë vjedhur e shqyer, treni bullgar dhe meksikan. Dakord ju keni problematika. Këto zgjedhje ç’janë për ju?

Arlind Qori: Pyetja nuk shtrohet nëse do të njihen zgjedhjet, se nëse nuk njeh zgjedhjet do të thotë të marrësh armët dhe dalësh malit. Këto zgjedhje nuk ishin të lira dhe të ndershme. Ne duhet të analizojmë defektet.

Partitë e tjera shpenzuan miliona euro. Kush i dha ato para? Po të marr rastion e kohës televizive, më 11 prill-9 maj. “Lëvizja bashkë” del shumë më poshtë se partitë që nuk hynë në Kuvend. Qytetari shqiptar voton lirisht. Unë mendoj se një pjesë e konsiderueshme e qytetarve ndjejnë frikë ditën e votimit dhe para votimit. Është përballë kërcënimit me vendin e punës, biznesin, bukën e fëmijëve. 25 mijë vetë që votuan për “Lëvizja bashkë” votuan lirisht, por fakti se të tjerë trajtohen si bujkrobër, ne nuk mund të jemi të dakord me këtë.

Ne nuk biem dakord me Sali Berishën se 53 për qind e votave që ka marrë Edi Rama i ka marrë në këtë mënyrë, pra që askush nuk do ta votonte Edi Ramën nëse nuk do të bënte presione. Edi Rama përmes këtyre makinacioneve, presionit, oligarkisë, financimeve, arrin të krijojë një marzh mbështetjeje që nuk e ka në mënyrë organike. Ka njerëz në Shqipëri që vazhdojnë të votojnë për PS dhe Edi Ramën dhe pyetja që më shqetëson mua është pse? Ta kuptoj dhe ta ndryshoj në zgjedhjet e tjera. Le ta marrim se 13 për qind të votave i ka marrë me këto mënyrat e abuzimit. Prapë mua më shqetëson ai 40 përqindëshi, këta njerëz e votojnë me gjithë këto gjëma të qeverisjes dhe një nga argumentet që unë gjej është figura e Sali Berishës. Berisha në mendjen e shumë qytetarëve të Shqipërisë është mishërimi i një të keqeje më të madhe se Edi Rama”- tha Qori.

The post A u vodhën zgjedhjet? Ja ç’thotë Arlind Qori appeared first on Albeu.com.

“Rinumërimi do ndodh. Kur, si do përcaktohet. Janë një sërë procedurash që duhen bërë me dije. Mua si palë ende nuk më është bërë me dije. Është precedent pozitiv. Ndodhi se në fillim nuk u numërua siç duhet. Tani herën e dytë presim të marrin notë pozitive. KQZ-ja. Ata i vënë vulën këtyre elementëve.

Është një e drejtë e madhe e çdo qytetarët që të kërkojë transparencë përkatëse për votën. Rinumërimi do bëhet do e ndjekim procesin deri në fund. Është fatkeqësi që janë gjithnjë kandidatë që duhet të prodhojnë provat dhe krahu tjetër nuk e bën. Kemi një qasje katërcipërisht të kundërt. Rama me forcë ndaloi socialistët të merreshin me videon. Në dijeninë time i kanë. Publike janë videot. Nga krahu jonë, doktor Berisha ka dalë vetë duke thënë se mbështesim çdo kandidat që kërkon rinumërim të votave preferenciale.”

Më tej, ai shtoi se çdo votë duhet të hidhet në procesverbal ashtu siç është dhe jo të tjetërsohet.

“Ne nuk duhet të kemi më institucione që nuk dinë të bëjnë punën e vet. U bën shumë palë zgjedhje në Shqipëri. Kjo çështja hapni kutitë, u vë shumë e vjetër me dekada. Duhet të bëjmë zgjedhje të lira dhe të ndershme. Që ti besojmë procesit duhet  transparencë në çdo pikë. Nuk është e rëndësishme kjo.

Kanë votuar 1 mln e gjysëm shqiptarë për këdo subjekt. U detyrohet atyre politika për zgjedhje të lira. Pasi zgjidhet kjo këtu që vullneti në kuti numërohet siç duhet, atëherë diskutohet kodi zgjedhor, që duhet hedhur në plehra. E shfokuson garën. Gara duhet të jetë mes PD dhe PS, jo mes kandidatëve të së njëjtës listë. E kam kundërshtuar këtë sistem. E largon zgjedhësit nga i zgjedhuri.

Numërimi bëhet në fillore. KQZ ka ngelur në fillore. Nuk e ka vetëm me kandidatët e PD-së por edhe kandidatët e PS-së. Vullnetin ta çojmë në letër fiks, ashtu siç është.”

Sakaq, Alimehmeti shprehet se nuk do tërhiqet nga ky proces pavarësisht se paraprakisht nuk do jetë në parlamentin e ardhshëm.

“Nuk do jem kurrë imponues i mendimit të publikut. Në diskutimin që sapo bëmë e thatë qartë se njerëzit po ndjehen mirë me këtë rinumërim. Kjo është detyra e PD. Është çështje pozitive. Duhen korrigjuar gjëra e bërë gabim. Do zgjidhim të parat. Të mësosh të numërosh është për klasat e para. Të fillojmë nga të parat, numëro siç duhet.

Jam i bindur se mbi 18 mijë qytetarë të Tiranës nuk kanë votuar që të tërhiqemi. Kam votuar për një rrugë më të gjatë. Nuk kam qenë kurrë lojtar sporti. Kam qenë lojtar maratone. Jemi për një sistem të qëndrueshëm afatgjatë. Brezi duhet të fillojë të lërë gjëra të qëndrueshme brezit më poshtë.”

Sa i përket mundësisë që ai të kandidojë për kryebashkiak të Tiranës, Alimehmeti thotë se jemi në mes të një procesi për zgjedhjet parlamentare dhe është një etapë që nuk lihet në mes

“Në radhë të parë jemi në mes të procesit të zgjedhjeve parlamentare. Jemi ende në proces numërimi. Pavarësisht se kemi bërë kërkesë dhe bashkia është ilegjitimitet. Ka muaj që kryebashkiaku nuk është në zyrë. Zgjedhjet parlamentare ende nuk kanë mbaruar. Jemi këtu për të ndryshuar edhe disa gjëra që nuk kanë shkuar mirë. Po kërkojmë transparencën e zgjedhjeve parlamentare. Nuk jam njeri që djeg etapat. Kjo është e rëndësishme, zgjedhjet parlamentare. Preferencën nuk e shfaq nëpër media, e shfaq me vendime politike”.

The post Kandidati i ardhshëm i PD-së për kryebashkiak të Tiranës? Alimehmeti: Nuk kanë mbaruar ende zgjedhjet parlamentare, nuk jam njeri që djeg etapat appeared first on Albeu.com.

“Janë evidentuar zyrtarë të lartë të shtetit, kanë shkuar në qendra votimi dhe kanë ushtruar presion në qendra votimi. Pas trenit bullgar, kemi denoncuar edhe bexhat false. Zyrat ilegale të PS janë kapur nga ne. Do vijojmë të denoncojmë krimet zgjedhore. Nëse zgjedhjet do ishin normale, Aleanca për Shqipërinë Madhështore do të fitonte. Edhe narko-shteti nuk e kishte llogaritur se vjedhja do shkonte deri në këtë nivel. Nëse do kishte zgjedhje të parakohshme, do ndodhte kur pranohet se zgjedhjet janë vjedhur. Në Shqipëri zgjedhjet ishin false”, tha Balliu.

I pyetur nëse PD duhet të analizojë vetveten, Balliu u shpreh se puna e demokratëve në terren nuk çalon askund.

“Ne do vazhdojmë betejën për të pasur zgjedhje të lira dhe të ndershme, është tradhti ndaj kësaj kauze nëse tërhiqemi”, deklaroi ai.

“Nëse biem dakord që zgjedhjet janë vjedhur, s’ka nevojë për veprime analitike, por ka nevojë për veprime ligjore. PD po mbledh prova për vjedhjen e zgjedhjeve. Në një moment të dytë do të bëhet dhe analiza. Unë e njoh PD-në dhe askujt nuk mund t’i them që pse nuk fitove dot me bandat. Shkodra dhe Kruja u fituan, sepse në këto zona nuk veprojnë më bandat. Puna e demokratëve në terren nuk çalon askund. Analiza është e nevojshme në të gjitha rastet. Ne do vazhdojmë betejën për të pasur zgjedhje të lira dhe të ndershme, është tradhti ndaj kësaj kauze nëse tërhiqemi”, u shpreh Balliu.

The post Ku gaboi PD më 11 maj? Klevis Balliu: Aleanca për Shqipërinë Madhështore do të fitonte nëse zgjedhjet do të ishin normale appeared first on Albeu.com.

Nga këta, 245,935 aplikime janë miratuar, dhe 202,309 zarfe votimi kanë mbërritur në KQZ, duke përfaqësuar një pjesëmarrje të konsiderueshme të diasporës nga 85 shtete të botës.

Procesi është shoqëruar me masa të larta sigurie kibernetike dhe një fushatë të gjerë ndërgjegjësimi në rrjete sociale dhe platforma online.

Njoftimi:

VOTIMI NGA JASHTË!

Të dhëna dhe statistika mbi procesin e votimit nga jashtë:

Të dhëna kyçe:

339,893 krijuan profil në PER

245,935 aplikime të miratuara

227,097 zarfe të marra nga votuesit (92%)

202,309 zarfe të mbërritura në KSHZ (82.2%)

Votues nga 85 shtete të botës

Procesi logjistik:

680 persona të angazhuar në 6 muaj

14 kuti të posaçme për votat nga jashtë

Monitorim me kamera 24/7

Fushata ndërgjegjësuese:

7.1 mln klikime në Facebook & Instagram

9.5 mln klikime në Google Ads

Fokusi: Itali, Greqi, Gjermani, SHBA, MB

Siguria kibernetike:

192 mln kërkesa në 7 ditë

Mbi 5,700 kërkesa/sek

Sulme të organizuara, të krahasueshme me rastet në Estoni, Francë, Gjermani

The post Vota e diasporës/ KQZ jep detaje: 339.893 persona krijuan profil në PER, votues nga 85 shtete të botës appeared first on Albeu.com.

Fillimisht ishte një numëruese e Partisë Demokratike në njësinë 9 në Tiranë.

Ajo ngriti dyshimin se përse një tufë fletësh votimi, ishin palosur në të njëjtën mënyrë dhe kishin votuar të gjitha për Partinë Socialiste.

Më pas, përfaqësuesit e opozitës e përdorën këtë term edhe pasi në qendrën e numërimit te “Sami Frashëri” u gjetën disa fletë, të cilat kishin ngjyrë pak më të zbehtë se e verdha e fletëve të tjera.

“Treni bullgar” është një skemë e përdorur për herë të parë në Bullgari në vitin 2009, ku qytetarët që shisnin votën, merrnin në hyrje të qendrave të votimit një fletë të plotësuar dhe pasi hynin brenda votonin me fletën e plotësuar dhe dilnin nga qendra me fletë boshe. Fleta boshe plotësohej dhe i jepej një tjetër zgjedhësi.

Me këtë skemë rezultoi në atë kohë se ishin blerë rreth 300 mijë vota, kryesisht nga komuniteti i varfër i romëve të Bullgarisë.

“Treni bullgar”, deri tani, nga opozita është pretenduar se është aplikuar në Tiranë dhe në Elbasan./Lapsi

The post Çfarë është “treni bullgar” që opozita thotë se u përdor nga PS në zgjedhje appeared first on Albeu.com.

“Zgjedhjet e 11 majit” ishin një farsë elektorale”.,tha ndër të tjera kryedemokrati Sali Berisha.

FJALA E BERISHËS

Dje u ktheva nga Brukseli, ku mora pjesë në forumin e Bashkimit Demokrat Ndërkombëtar, organizatë që grupon 87 parti politike të qendrës së djathtë dhe konservatore nga të gjitha vendet e botës.

Qëllimi i këtij udhëtimi ishte mbrojtja e votës së qytetarëve shqiptarë.

Denoncimi i farsës më të shëmtuar elektorale, të 34 viteve të fundit, farsës së zgjedhjeve të 11 majit 2025.

Gjatë dy ditëve të qëndrimit tim në Bruksel, 15 dhe 16 maj, unë pata takime intensive me drejtuesit më kryesorë të Bashkimit Demokrat Ndërkombëtar, presidentin Stefan Harper, sekretaren e përgjithshme, Tina Mercep.

Ndër të tjera takova shumë miq të vjetër, por dhe miq të rinj udhëheqës të forcave politike kryesore të qendrës së djathtë në Europë dhe botë.

Takova Europarlamentar me interesa për zhvillimin e proceseve elektorale në Shqipëri.

Përfaqësues të rëndësishëm të qendrës së djathtë në Parlamentin Europian.

Në të gjitha këto takime, unë njoha bashkëbiseduesit e mi, me vjedhjen e madhe të hapur dhe publike të votës së qytetarëve shqiptarë, nga narkodiktatori Edi Rama, dhe në këtë aspekt u paraqitën vendimet e qeverisë për bonusin famoz, 100 euro për votë për çdo pensionist, 76 mln euro.

Vendimi për të falur gjobat, 200 mln euro. Punësimet dhjetëra, e mijëra punësime për votë. Dhjetëra mijëra hektarë kanabis për votë. Janë këto akte të cilat rrëzojnë në mënyrë përfundimtare farsën elektorale të 11 majit.

Pa llogaritur këtu ndërhyrjet e fuqishme të krimit të organizuar në 20 bashki të vendit dhe në 10 qarqe. Rezultatet e këtyre ndërhyrjeve kulmuan me më të votuarit e të votuarve në Shqipëri, persona anonim si Sara Mila, Arkend Balla, etj.

Pra, në totalitet do ta përmbledh se çfarë ishin zgjedhjet në Shqipëri me një fjalën e një miku të çmuar të Shqipërisë. Zgjedhjet në Shqipëri, deklaroi ai, ishin të njëjta me ato që kisha parë dekada me parë në Zimbabve, të diktatorit Mugabe.

Nga ana tjetër, së bashku me Fatmir Mediun, në seancën plenare të byrosë ekzekutive ku merrnin pjesë kryetarët dhe përfaqësues e të gjitha partive politike, të aderuara në IDU, ai ishte një rast i artë për të bërë avokatinë e votës së vjedhur të qytetarëve shqiptarë, para lidershipit ndërkombëtar të qendrës së djathtë dhe forcës konservatore.

Në këtë kuadër raporti i vëzhguesve ndërkombëtar, OSBE-ODIHR, Parlamenti Europian dhe Këshilli i Europës, janë një dokument jashtëzakonisht i çmuar.

Por faktet tronditëse të marra nga ky raport dhe gjetjet tona u paraqitën në seancën plenare, të debateve për gjendjen në botë, dhe zgjuan indinjatë dhe dënim nga të pranishmit, të cilët kuptuan se gjendja në Shqipëri, ishte gjendja e një narkodiktature e ngjashme me Venezuelën e Maduros, apo regjime të tjera të ngjashme të drogës dhe krimit.

Si përfundim, mund ti them shqiptarëve se, ky hap i parë shumë i rëndësishëm në mbrojtje të votës së tyre, që vinte pas një seri aktesh madhore të mishëruara me 4 rezoluta që dënojnë narkoregjimin e Edi Ramës, ishte pra edhe një vazhdimësi dhe një sukses tjetër në realizimin e qëllimit tonë.

Beteja për mbrojtjen e votës, është një betejë që do zhvillohet në Shqipëri, por do zhvillohet dhe jashtë saj, por zgjedhjet janë një proces që janë sa kombëtar, aq dhe ndërkombëtar. 

Ne jemi të angazhuar të bëjmë çdo përpjekje për të mbrojtur, për të rikthyer të drejtën e shqiptarëve për të votuar si qytetar të lirë.

Ky është qëllimi më madhor i PD-së dhe opozitës së vërtetë shqiptare. Sot ata që nuk përcaktojnë si qëllimin më madhor këtë objektiv, janë thjeshtë një stoli i narkodiktatorit, altoparlant, apo lakej të tij.

Ne do të qëndrojmë me të gjithë potencialin dhe fuqinë tonë.

Qëndrimi ynë është ky; ne kemi të dhëna të sigurta, të manipulimeve monstruoze që janë bërë me votën e emigrantëve në Greqi, në Itali, në Romë veçanërisht dhe disa zona të tjera, por edhe në ndonjë vend tjetër.

Ne kemi të dhëna, kemi dhe mekanizmin, por ne po ndjekim procesin, sepse ndjekja e procesit, çka do të thotë; qëndrimi në proces është një domosdoshmëri që buron nga respekti për ligjin dhe shtetin ligjor.

Kurse rezultati në kutitë e votimit është i tëri i gatuar nga kriminelë elektoralë të PS-së dhe nuk ka asgjë të bëjë me vullnetin e lirë të shqiptarëve në diasporë. Kjo është e vërteta.

Absolutisht kam bindjen më të thellë, se faktori ndërkombëtar do të qëndrojë i palëkundur në anën e votës së lirë të shqiptarëve. Jam shumë i bindur në këtë.

Janë shumë të paktën ata që për hir të karriges së Edi Ramës, do të pranonin të sakrifikonin të drejtën e votës së lirë të shqiptarëve. Ne do të dokumentojmë çdo blerje, çdo dhunim të hapur, publik dhe të fshehur të ligjeve të vendit. Zgjedhjet ishin farsa elektorale më e shëmtuar e 34 viteve në Shqipëri. Kjo është e vërteta…

Partia Demokratike do të angazhohet si në lëvizje të fuqishme të fuqishme brenda vendit, por dhe në dialog intensiv dhe takime intensive me organizatat ndërkombëtare dhe vendet partnere mike, për të vërtetuar të gjithë shëmtinë e farsës elektorale të datës 11 maj 2025.

The post Berisha ngul këmbë: Zgjedhjet e 11 majit na u vodhën, ishin farsë appeared first on Albeu.com.