Policia njofton se qytetari kishte gjetur paratë dhe më pas i ka dorëzuar në stacionin policor në Prizren. “Një qytetar nga Komuna e Prizrenit, me inicialet A.P., ka gjetur një kuletë me shumë prej 525 euro, 6100 Lekë Shqiptar para metalike prej 1 dollari Amerikan si dhe dokumente personale: (Letërnjoftimin dhe Patën shoferin). Ai, menjëherë e ka njoftuar Policinë dhe të hollat e gjetura i ka dorëzuar në Stacionin Policor në Prizren”, thuhet në njoftim.

Tutje, në njoftim thuhet se personit që i kishte humbur kuleta ishte A.D, nga Republika Shqipërisë.

“Pranim – dorëzimi i kuletës mes palëve është bërë në Stacionin Policor në Prizren”, thuhet mes tjerash në komunikatë.

Me këtë rast, Drejtoria Rajonale e Policisë në Prizren, e ka falënderuar qytetarin A.P., për gjestin human dhe shembullor me rastin e dorëzimit të hollave të gjetura në Stacionin e Policisë.

The post Gjeti në rrugë kuletën me mbi 500 euro, qytetari nga Prizreni e dorëzon atë në polici appeared first on Albeu.com.

Cikloni Belal, ka shkaktuar dëme të mëdha. Vendi ishullor i Oqeanit Indian, Mauritius ka ngritur alarmin për shkak të situatës.

Shërbimi meteorologjik i vendit, tha se stuhia po lëvizte drejt lindjes, por paralajmëroi për “rreziqe të tjera mjedisore”.

Videot e publikuara në media treguan përmbytje të forta në Port Louis, si dhe makina të të përmbytura.

Dy persona kanë humbur jetën dhe mijëra banesa kanë mbetur pa energji elektrike.

Federata Ndërkombëtare e Kryqit të Kuq të Afrikës, tha se më shumë se 1,000 njerëz ishin evakuuar dhe rreth 8,400 njerëz në Mauritius ishin pa energji elektrike.

Paralajmërimi i nivelit 4, niveli maksimal, u vendos pasi stuhia goditi afër bregdetit jugor të vendit të martën në mëngjes. Shpejtësia e lëvizjes është llogaritur 18 km/h.

Qytetarëve u është kërkuar të qëndrojnë në vende të sigurta dhe të mos dalin në det ose të ecin përgjatë brigjeve, për shkak të potencialit për stuhi.

Aeroporti ndërkombëtar në Mauritius, u mbyll të hënën për shkak të stuhisë, megjithëse të martën disa fluturime për në Rodrigues aty pranë dukej se po funksionojnë.

The post Cikloni “Belal”/ Evakuohen 1000 qytetarë, 8400 mbesin pa energji, dy humbje jete appeared first on Albeu.com.