Kreu i qeverisë, deklaroi se ky është një institucion që na përfaqëson si një model i asaj që duhet të jenë institucionet e pavarura të vendit.

Sipas tij, nuk është e lehtë të thuhet e njëjta gjë për shumë institucione të tjera të cilat ende janë “në proces formimi dhe konsolidimi”.

“Mendoja që BSH është në mos i vetmi ndër shumë të paktit institucione të Republikës sonë që mund të quhet i tillë me plot gojën, institucion. Në atë kuptim dhe me ato standarde që kemi parasysh kur flasim për institucionet që i duhen një vendi dhe që bëjnë që ky vend të përmbushë kriteret e të qenit një vend në botën e zhvilluar dhe tryezën e BE. Nuk është e lehtë të thuhet e njëjta gjë për institucione të tjera që janë në formim e sipër.

Do të ishte e dobishme, që historia e zhvillimit dhe e përpjekjeve të BSH për tu formësuar dhe konsoliduar si institucion të merrej përsipër dhje të shkruhej për tu dhënë të tjerëve një pasqyrë si u ngrit një institucion i tillë që sot është një institucion i integruar në botën ku jetojmë, dëshmi e thjeshtë e këtij fakti ishin edhe dy adresimet e bërë nga dy personalitete që përfaqësojnë botën e zhvilluar ku operon BSH.

Fara e mbjellë në 1913 bëri që BSH të lindte dhe edhe pse historia edhe me BSH nuk ka qenë bujare ashtu si me gjithë institucionet e tjera, e përsëris që për arsye që do duhej të studioheshin, ky është një institucion që na përfaqëson si një model i asaj që duhet të jenë institucionet e pavarura të vendit”, tha ndër të tjera kryeministri Rama.

The post Edi Rama: Banka e Shqipërisë nga të paktat që mund të quhet institucion me plot gojën, na përfaqëson si model në botën e zhvilluar dhe tryezën e BE appeared first on Albeu.com.

Sejko tha se sfida e parë lidhet me rritjen e tensioneve gjeopolitike në arenën ndërkombëtare, të cilat kanë sjellë një “realitet të ri ekonomik” me barriera më të larta tregtare dhe lëvizje më të kufizuara të kapitalit.

Ai deklaroi se; “rreziqet që vijnë nga këto sfida tejkalohen si në cilësi dhe sasi nga oportunitetet që ofron procesi i anëtarësimit në BE”.

Gent Sejko: Sfida e parë është rritja e tensioneve gjeopolitike në ambientin e huaj. Rritja e barrierave tregtare janë një realitet i ri ekonomik.

Sfida e dytë është inovacioni i shpejtë financiar. Gjatë dekadës së fundit ne jemi bërë dëshmitarë të një revolucioni të shpejtë financiar i cili ka potencialin të tranformojë këtë industri. Dixhitalizimi i sistemit të pagesave dhe përdorimi i teknologjisë ka përfitimet dhe rreziqet e veta.

Sfida e tretë ka të bëjë me vetë stadin e zhvillimit të Shqipërisë. Si një vend me të ardhura të mesme Shqipëria është e ekspozuar ndaj një konkurrence më të fortë për kapital e fuqi punëtore në tregun evropian. Shqipërisë i duhet të bazojë më shumë modelin e zhvillimit te rritja e produktivitetit dhe avantazheve të saj krahasuese. Kjo sfide e fundit bëhet edhe me komplekse në prani të trendëve të pafavorshme demokratike që vendosin një premiom të lartë për fuqi punëtore të kualifikuar.

Rreziqet që vijnë nga këto sfida tejkalohen si në cilësi dhe sasi nga oportunitetet që ofron procesi i anëtarësimit në BE.

The post 100-vjetori i Bankës së Shqipërisë/ Guvernatori Gent Sejko: Anëtarësimi në BE, oportunitet për tejkalimin e sfidave appeared first on Albeu.com.

“Në historinë e Besës gjejmë edhe historinë e Kavajës sonë të dashur”, – u shpreh Presidenti Begaj, duke e cilësuar Kavajën si qytetin e njerëzve të besës, të besimit fetar dhe respektit ndaj besimit të tjetrit, si qytetin pishtar të demokracisë në Shqipëri dhe që futbollin e ka pjesë të identitetit të vet.

Kreu i Shtetit, gjatë fjalës së tij, përmendi emrat legjendarë të ekipit të futbollit Besa, si: Qamil Teliti, Qemal Vogli, Shefqet Topi, Agim Dizdari, Dhimitër Dimroçi, Naim Allaj, Muharrem Karriqi, Nimet Mërhori, Zenel Kashami, Bujar Pagria, Xhavit Daiu, Agron Kariqi, Besnik Dyla, Dash Bajaziti, Sotir Shkurti, Altin Raklli, Sokol Cikalleshi e Andi Lila, e deri te më të rinjtë, Mario Dajsninani dhe Tedi Cara, që nderuan e vijojnë ta nderojnë fanellën e Besës ndër vite.

“Vlera e madhe e Besës, – theksoi Presidenti Begaj, – qëndron te shpirti i tifozërisë së saj, që e ndoqi kudo dhe vijon ta mbështesë me gjithë shpirt, siç kavajasit bëjnë kur duan dhe besojnë te një vlerë”.

Kreu i Shtetit, u shpreh se ekipi i Besës duhet të mbështetet jo vetëm për këto vlera dhe jetëgjatësinë e një shekulli si ekip, por edhe për faktin se futbolli mbetet gjithmonë një frymëzim për të rinjtë dhe është një investim i vlefshëm për çdo komunitet.

Në këtë 100-vjetor të ekipit Besa të Kavajës, Presidenti i Republikës shprehu mirënjohje për të gjithë ata që e ndërtuan këtë histori, trajnerët që formuan breza sportistësh, futbollistët që dhanë gjithçka për fanellën, tifozët kavajas që kurrë nuk e lanë skuadrën vetëm, në fitore apo humbje, si dhe ata që kanë kontribuar për dokumentimin e historisë së Besës.

The post 100-vjetori i Klubit të Futbollit “Besa” të Kavajës/ Presidenti Begaj në ceremoni: Vlera e madhe qëndron te tifozët appeared first on Albeu.com.

Kjo ekspozitë erdhi këtë të premte në kuadër të 100 vjetorit të themelimit të institucionit të KMSH-së në vendin tonë.

Ekspozita u zhvillua në xhaminë “Et’hem Beu”, ku ishin të pranishëm Kryetari i KMSH, H. Bujar Spahiu, Drejtori i Arkivave të Përgjithshme të Shtetit, Ardit Bido, Drejtori i Kulturës pranë KMSH-së, Dorian Demetja, Myftiu i Tiranës, Lauren Luli, imamë dhe besimtarë.

Në fjalën e tij, Spahiu, falenderoi Drejtorinë e Përgjithshme të Arkivit të Shtetit për bashkëpunimin në realizimin e kësaj ekspozite, u ndal shkurtimisht në etapat më të rëndësishme të institucionit në këtë 100-vjetor.

“Ka qenë një shekull plot me sfida. Ka patur momente të vështira si në fillimet e të funksionuarit si institucion i pavarur po ashtu edhe në periudhat e mëvonshme, siç është sprova e rëndë e komunizmit, rithemelimi pas viteve ’90, i cili vinte në kushte me kontekst krejtësisht të ndryshëm nga ç’ka qenë më parë. Por, falë Zotit, ia kemi dalë. Dëshmitë historike të gjithë këtij shekulli nuk mungojnë. Ashtu siç e shohim edhe sot në këtë ekspozitë të përbashkët ato flasin për një histori të lavdishme të Komunitetit Mysliman.” – tha Spahiu gjatë fjalës së tij.

Ndërsa, Bido, në 100-vjet të Komunitetit Mysliman të Shqipërisë, theksoi rolin e klerikëve në historinë e shtetformimit tonë. Sipas tij, ata kanë një kontribut për tu vlerësuar në hedhjen e bazave të forta të kulturës, arsimit, dhe identitetit tonë kombëtar.

Pas fjalëve përshëndetëse për mediat e pranishme, ekspozita u hap edhe për publikun e gjerë, të cilët shprehën interes për ta vizituar dhe për tu njohur nga afër me zhvillimet kryesore të institucionit këto 100 vite.

The post “Themelimi i Komunitetit Mysliman Shqiptar, ngjarje historike kombëtare”, ekspozitë para xhamisë Et’hem Beu për 100 vjetorin e KMSH appeared first on Albeu.com.

“Teksa mendojmë për 100-vjetorin e marrëdhënieve SHBA-Shqipëri këtë vit dhe 30-vjetorin e përfundimit të komunizmit, le t’i kujtojmë njëri-tjetrit rolin dhe përgjegjësinë solemne që të gjithë ne këtu kemi për të çmuar, ruajtur, mbrojtur, forcuar, dhe bashkëndarë demokracinë – demokracinë për të cilën secili nga popujt tanë – amerikanë dhe shqiptarë – kanë luftuar aq shumë. Unë shpresoj se do të vazhdojmë t’a nxisim njëri tjetrin për ta kapur historinë, për ta jetuar dhe për t’i dhënë formë historisë sonë në mënyrën veprore – në Shtetet e Bashkuara dhe Shqipëri. Gëzuar! Edhe një qind”! Ambasadorja e Shteteve të Bashkuara Yuri Kim në festimin e Ditës së 246-të të Pavarësisë së Shteteve të Bashkuara dhe 100 vjetorin e marrëdhënieve midis SHBA dhe Shqipërisë”, ka shkruar ambasada amerikane në një postim .

The post Sot 100-vjetori i marrëdhënieve Shqipëri-SHBA, Kim dhe Meta trokasin gotat appeared first on Albeu.com.