Kopshti zoologjik ka shprehur entuziazmin për lindjen e katër breshkave të vogla që shënon herën e parë në historinë 150-vjeçare të institucionit.

Breshkat u përkasin Mommy dhe Abrazo, dy banorëve më të vjetër të kopshtit të cilët rrezikohen seriozisht nga zhdukja.

Sipas CNN, katër të vegjlit po mbahen në Shtëpinë e Zvarranikëve dhe Amfibëve, “duke ngrënë dhe duke u rritur siç duhet”, ka deklaruar kopshti.

Ata peshojnë rreth 70-80 gramë, sa një vezë pule. Veza e parë çeli më 27 shkurt dhe të tjerat që mund të çelin po vëzhgohen nga stafi.

Mommy mbërriti në kopshtin zoologjik të Filadelfias më 1932. Ajo konsiderohet një nga breshkat e Galapagosit më të çmuara gjenetikisht në programin e mbijetesës së llojeve nga Shoqëria e Kopshteve Zoologjike dhe Akuariumeve.

Kopshti zoologjik ka planifikuar prezantimin e breshkëzave më 23 prill si dhe një konkurs për emrat e tyre.

The post Breshkat gjigante lindin të vegjlit e parë në moshën 100-vjeçare appeared first on Albeu.com.