Ai u akuzohet për veprën penale “Mashtrim kompjuterik”.

Bazuar në njoftimin zyrtar, nigeriani ishte denoncuar nga një shtetas që administronte një biznes detergjentësh, pasi i kishte përvetësuar shumën prej 25.000 eurosh nga një pagesë.

Njoftimi:

Prokuroria pranë Gjykatës së Shkallës së Parë të Juridiksionit të Përgjithshëm, Tiranë kërkon deklarimin fajtor dhe dënimin me 10 vite burg të të pandehurit, shtetasit nigerian S.N. për veprën penale ‘Mashtrim kompjuterik’ parashikuar nga nenet 143/b/2 të Kodit Penal.

Ky shtetas u denoncua nga shtetasi E.B. i cili prej 10 vitesh administron biznesin e tij të detergjentëve që i importon nga Italia në Sauk. Prej vitesh ai komunikonte me një adresë emaili me palën italiane, ku bënte porosinë dhe pasi merrte mallin u dërgonte transferten nëpërmjet bankës.

Një ditë, nga emaili i palës Italiane i vjen një kërkesë që pagesën të mos ta bënte më në llogarinë e kompanisë në Itali por në Gjermani me faturën përkatëse. Kallëzuesi duke parë që emaili ishte i njëjtë (më pas u konstatua se ndryshonte vetëm një gërmë) dhe aty ishte dhe fatura e saktë e kompanisë italiane e dërguar në komunikimet elektronike të mëparshme dhe duke ditur që janë kompani shumëkombëshe, kreu pagesën.

Pas disa kohësh ai kontaktohet nga kompania Italiane pasi nuk kishin marrë shumën prej 25000 eurosh nga ku kuptoi se pagesën e kishte bërë në një adresë tjetër.

Nga hetimet e Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, u zbulua se përfituesi ishte shtetasi S.N., dhe se ai ka kryer aktivitetin kriminal të “Mashtrimi kompjuterik” parashikuar nga nenet 143/b/3 i K.Penal duke i përvetësuar viktimës shumën prej 25.000 euro.

Gjate hetimit dhe gjykimi u zbulua dhe mekanizmi i kryerjes së këtij mashtrimi kompjuterik, i cili ka arritur të mashtrojë disa biznese në Shqipëri. Prokuroria zbuloi se emailet dhe faqet e kompanive me nivel mbrojtjeje të ulët apo pasëorde të thjeshta, hakeroheshin nga hackera ndërkombëtarë të cilët gjurmojnë këto faqe dhe bisedat që kanë lidhje me pagesa faturash dhe transferta monetare me destinacion nga brenda për jashtë territorit të Republikës së Shqipërisë.

Më pas, ata hyjnë në komunikime me bizneset duke u paraqitur vetë si subjektet furnizuese të mallrave. Këtë e bëjnë duke hapur faqe të ngjashme dhe adresa emaili te ngjashme dhe për t’u bërë të besueshëm i referohen bisedave të mëparshme të bëra nga subjektet me furnizuesit e vërtetë në rrugë telematike (biseda këto te hakeruara). Pasi bëhen të besueshëm nxjerrin justifikime menaxhimi dhe kërkojnë që pagesat të kryhen në llogari të tjera, duke përvetësuar gjithë pagesat e bizneseve, të cilët mendojnë se po paguajnë partnerin e tyre.

Si një rast i përsëritur, Prokuroria pranë Gjykatës e Shkalles se Parë të Juridiksionit të Përgjithshëm, Tiranë gjen rastin tu bëjë thirrje bizneseve që të mos bien pre e këtyre mashtrimeve, duke marrë masa për një mbrojtje të lartë të sistemeve të tyre kompjuterike, të faqeve të tyre të biznesit si dhe të emaileve apo pasëordeve si dhe të kontrollojnë me kujdes autenticitetin e çdo faqeje biznesi dhe të çdo adrese emaili e komunikim që bëhet apo ku kërkohet ndryshimi i destinacionit të pagesës së faturave të furnizimit.

The post I mori 25 mijë euro një biznesi nëpërmjet mashtrimit, Prokuroria kërkon 10 vite burg për hackerin nga Nigeria appeared first on Albeu.com.

Disa media të pavarura ruse treguan foto të Skotsilenkos duke buzëqeshur gjerësisht teksa hynte në sallën e gjyqit, e prangosur dhe e shoqëruar nga dy oficerë policie, nën duartrokitjet e mbështetësve të saj.

32-vjeçarja ndiqet penalisht për “përhapje të informacionit të rremë” për ushtrinë ruse dhe nxitje të “urrejtjes politike”, vepër kjo e futur në kodin penal pas pushtimit të Ukrainës. Sipas aktakuzës, ajo ka ngjitur “letra që përmbajnë informacione qëllimisht të rreme” për çmimet e produkteve në një supermarket më 31 mars. Ajo u arrestua dhjetë ditë më vonë, më 11 prill, pasi u kontrollua shtëpia e saj.

Prokurori tha të enjten, sipas medias së pavarur Mediazona, se kartat përmbanin vlerësime të numrit të ushtarëve rusë të vrarë në Ukrainë në fillim të luftës, ose të civilëvë të vrarë në bombardimin e një teatri gjatë rrethimit të Mariupol.

Skotsilenko pranon se ajo vuri letrat, por mohon fajin e saj, duke siguruar se ato nuk përmbajnë informacion të rremë.

“Ku është krimi në “Stop Luftës”? pyeti ajo prokurorin, sipas medias së pavarur SOTA.

Mbështetësit e saj thonë se gjatë ndalimit ajo ka vuajtur probleme shëndetësore pasi nuk ka mundur të ndjekë dietën e vendosur në rastin e saj për shkak të intolerancës ndaj glutenit.

Që nga fillimi i luftës në fund të shkurtit, mijëra janë gjobitur dhe qindra njerëz janë dënuar me burg për kritikimin e pushtimit të Ukrainës. Dy disidentë moskovitë, Ilya Yashin dhe Alexei Gorinov, u dënuan së fundmi me 9 dhe 7 vjet burg, me akuzën e “përhapjes së informacionit të rremë” për ushtrinë ruse. Gjyqi i Skotsilenkos do të vazhdojë më 20 janar.

The post Artistja ruse rrezikon të dënohet me 10 vite burg për vendosjen e tabelave kundër luftës në Ukrainë appeared first on Albeu.com.

Pooladrag u arrestua në tetor të vitit 2020, i akuzuar për spiunazh të anëtarëve të MEK.

Poolagrad akuzohet për një sërë veprash penale si organizatë terroriste, sulme ndaj sistemit kompjuterik, ndërhyrje në të dhëna kompjuterike të paautorizuara etj. Ai dyshohet se ka qenë pjesë e anëtarëve të muxhahedinëve dhe ka qenë banor i kampit në Manëz. Polagrad vepronte si i infiltruar mes muxhahedinëve të strehuar në Shqipëri dhe ndërkohë dyshohet se po planifikonte sulmin terrorist./albeu.com

The post Vidhte të dhënat e anëtarëve të MEK, SPAK kërkon 10 vite burg për iranianin appeared first on Albeu.com.

Hasankolli nga Papëri i Elbasanit ishte dënuar me 10 vite burg ngas Gjykata në vitin 2016-të, për veprën penale “Prodhimi dhe shitja e narkotikëve”.

Njoftimi i Policisë:

Finalizohet me sukses operacioni policor i koduar “Papër”, i zhvilluar nga Komisariati i Policisë Elbasan.

Vihet në pranga një 38-vjeçar i shpallur në kërkim për veprën penale “Prodhimi dhe shitja e narkotikëve”.

Shërbimet e Komisariatit të Policisë Elbasan, në vijim të punës për kapjen e personave në kërkim dhe vënien para përgjegjësisë ligjore të tyre, bazuar dhe në informacionet e marra në rrugë operative, organizuan dhe finalizuan operacionin policor të koduar “Papër” në kuadër të të cilit bënë kapjen dhe ndalimin e shtetasit:

– Ervis Hasankolli, 38 vjeç, banues në fshatin Papër, Elbasan.

Ky shtetas ishte shpallur në kërkim pasi Gjykata e Krimeve të Rënda Tiranë, në vitin 2016, e ka dënuar me 10 vjet burg për veprën penale “Prodhimi dhe shitja e narkotikëve”.

Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

The post I dënuar me 10 vite burg nga Krimet e Rënda, vihen në pranga narkotrafikanti 38-vjeçar në Elbasan appeared first on Albeu.com.