Reshjet e herëpashershme të shiut, parashikohen të bëhen prezente që në orët e para të 24-orëshit me intensitet të ulët në pjesën më të madhe të territorit.

Gjatë ditës reshjet e herëpashershme të shiut, parashikohet të vijojnë me intensitet të ulët në pjesën më të madhe të territorit, lokalisht shtrëngata afatshkurtra.

Në zonën e Alpeve, në lartësinë mbi 700-900 metër në Verilindje-Lindje, dhe në lartësinë mbi 1000 metër  në Juglindje reshje bore me intensitet të ulët e lokalisht deri mesatar.

Era do të fryjë me drejtim Verilindje-Juglindje me shpejtësi mesatare 10 m/s, përgjatë vijës bregdetare e zonave luginore era pritet të fitojë shpejtësi deri 22 m/s.

Deti-Valëzimi në detet Adriatik dhe Jon i forces 3-5 ballë.

The post Vranësira dhe reshje shiu/ Njihuni me parashikimin e motit, 1 Prill 2026 appeared first on Albeu.com.

Reshje shiu që në orët e para të mëngjesit fillimisht në veriperëndim e gradualisht do të shtrihen edhe në pjesën tjetër të vendit.

Reshjet pritet të jenë me intensitet të ulët në jug ndërsa në veriperëndim dhe qendër me intensitet mesatar e lokalisht të lartë.

Hera-herës reshje në formën e shtrëngatave shoqëruar me shkarkesa elektrike dhe breshër.

The post Parashikimi i motit për datën 1 prill 2023 appeared first on Albeu.com.

Derisa pak më parë artisti Alban Ramosaj tha se është caktuar për të qenë pjesë e filmit “House of Dragon”, reperi Arkimed Lushaj – Stresi erdhi me një deklaratë tjetër.

Ai ka publikuar një fotografi të vetes që duket të jetë e shkëputur nga një videoklip i tij, i maskuar e me një triko Nike.

“Nuk është faji im përse nuk besoj asnjë ditë jo vetëm për 1 prill”, ka thënë ai.

Kjo mbase duket se ka të bëjë me dikë, por që nuk ka zbuluar më shumë krahas shkrimit.

Tradita për Ditën e Gënjeshtrave thuhet se u përhap në Britani gjatë shekullit të 18-të. Madje, ishte bërë një ngjarje dyditore në Skoci.

Ndërkohë që ka aludime të shumta për mënyrën se si ka lindur dhe në cilat vende.

View this post on Instagram

A post shared by STRESI (@stresi)

The post Stresi: Nuk është faji im përse nuk besoj asnjë ditë, jo vetëm për 1 prill appeared first on Albeu.com.

Ambasada amerikane ka shpërndarë sot një foto të Yuri Kim me aplikanten e parë së cilës iu dha viza e parë amerikane e vlefshme për 10 vjet.

Ambasada shton se sot mund të jetë 1 prilli por kjo nuk është shaka.

Njoftimi i ambasadës amerikane:

Sot mund të jetë 1 prill, por kjo nuk është shaka! 1 Prilli shënon ditën e parë të zgjatjes 10 vjeçare të vizave për shqiptarët të cilët marrin viza turistike dhe biznesi për në Shtetet e Bashkuara.

Mëngjesin e sotëm, Ambasadorja Yuri Kim përshëndeti aplikanten shqiptare të cilës iu dha viza e parë amerikane e vlefshme për 10 vjet. Ambasadorja Kim e uroi atë dhe bisedoi mbi planet e udhëtimit të saj për në Shtetet e Bashkuara këtë verë.

Siç njoftuam këtë javë, vlefshmëria e vizave për aplikantët shqiptarë të kualifikuar për viza të reja turistike dhe biznesi do të zgjatet nga 3 vjet në 10 vjet, gjë që do të thotë se vizat turistike dhe të biznesit të dhëna pas ditës së sotme, do të jenë të vlefshme për udhëtime deri në vitin 2032.

Ky është një lajm i jashtëzakonshëm ndërsa festojmë 100-vjetorin e marrëdhënieve midis Shteteve të Bashkuara dhe Shqipërisë.

The post “Sot 1 Prilli, por nuk është shaka”, Yuri Kim prezanton shqiptaren e parë që merr vizën amerikane 10-vjeçare appeared first on Albeu.com.

Ajo është ndër aktoret më të dashura për publikun shqiptar. Zamira është artistja që ka zgjedhur të jetojë në qytetin e saj Korçë, ku prej vitesh zhvillon karrierën e saj, jo vetëm më teatër, por edhe në spektakël si moderatore.

Konsiderohet një nga aktoret që mundohet të mbajë gjallë humorin në qytetin e Korçës. Për Zamira Kitën humori i ditëve të sotme ka një prirje drejt banalitetit e vulgaritetit, ndaj ajo bën të pamundurën për të ruajtur standardin.

Ajo lindi në Korçë më 1 prill 1963, dhe ka mbaruar Akademinë e Arteve të Bukura (sot Universiteti i Arteve) në vitin 1985. Që nga ai vit ka debutuar si aktore pranë teatrit “A.Z. Çajupi”, teatri që sot ajo drejton. Në fillim ka luajtur pranë trupës së estradës dhe më pas duke realizuar role në komedi e dramë. Janë të shumta bashkëpunimet me TVSH-në në koncerte e spektakle, kryesisht ato të Vitit të Ri.

Në vitin 1997 fitoi çmimin “Aktorja më e mirë” në Festivalin Mbarëkombëtar të Teatrit të zhvilluar në Tiranë. Ndër rolet e saj do të veçonim “Kohë për t‘u çmendur”, “Vello e bardhë”, “Pamje nga ura”, “Yllka” “Tifozet”, “Njerëz në rrymë”, etj.

The post Mban postin e rëndësishëm në qytetin e Korçës, aktorja e njohur feston sot ditën e saj të lidnjes (FOTO LAJM) appeared first on Albeu.com.

Dikur, 1 prilli festohej si dita e Vitit të Ri, por me ndyshimin e kalendarit nga Julian në Gregorian, në 1582 nga Papa Gregory XIII, dita e Vitit të Ri u vendos më 1 janar. Megjithatë, disa njerëz vazhdonin të gënjenin veten dhe e festonin këtë ditë më 1 prill, ndërsa të tjerët talleshin me ta.

Profesori Joseph Boskin e shpjegonte dikur kështu këtë ditë:

1 Prilli e ka prejardhjen gjatë periudhës së sundimit të Kostantinit, kur një shakaxhi i quajtur Kugel i tha perandorit se ai mund ta drejtonte më mirë perandorinë. Kostantini e mori me të qeshur këtë deklaratë dhe e lejoi Kugel-in të bëhej perandor për një ditë, në datën 1 prill, të cilën Kugeli e shpalli ditën e gënjeshtrave.

Ky shpjegim u publikua në vitin 1983 nga “Associated Press”, por doli një problem akoma më i madh! E gjithë historia ishte trilluar nga profesori Boskin për të bërë një shaka për 1 prillin.

“Associated Press” iu desh disa kohë që ta kuptonte që kjo ishte gënjeshtër dhe t’i kërkonte falje lexuesve.

Sot 1 prilli festohet në Europë si Dita e Gënjeshtrave dhe njerëzit bëjnë rrengje dhe shaka me njëri-tjetrin.

Gënjeshtra më të famshme të 1 Prillit:

Në 1957, mijëra shikues të “BBC” besuan një raport të publikuar nga gjiganti i informimit, sipas të cilit shkencëtarët kishin zbuluar në Zvicër pemë që prodhonin makarona. N

Në vitin 2012 Louis Tomlinson, anëtar i grupit muzikor “One Direction”, gënjeu fansat, duke i thënë se do të bëhej baba.

Gjithashtu, një grua amerikane që u arrestua nga policia, pasi deklaroi se kishte vrarë burrin e saj.

The post Pse 1 Prilli është Dita e Gënjeshtrave? Historia dhe rrengjet më të famshme appeared first on Albeu.com.

Ata kanë postuar një foto të Messit, i cili është duke u prezantuar te klubi i tyre.

“Bëj ëndrrat e tua realitet, Leo”, ka qenë mbishkrimi i tyre në foton e postuar.

Argjentinasi është ende i pavendosuar për të ardhmen, ndaj edhe Cadiz ka vendosur të bëjë këtë shaka. /albeu.com/

Make your dreams come true, Leo ? #AprilFoolsDay pic.twitter.com/e8QBITZ03K

— Cádiz CF ?? (@Cadiz_CFIN) April 1, 2021

The post 1 prilli, Cadiz prezanton Messin: Bëj ëndrrat e tua realitet, Leo appeared first on Albeu.com.