Në fjalën e tij, kreu i qeverisë deklaroi se financimi në kuadër të kësaj nisme mund të arrijë deri në 1 miliard euro.

Rama tha se, në periudhën aktuale, sa më të mira të jenë të dhënat ekonomike, aq më shumë irritim shkaktojnë ato te qytetarët.

Sipas tij, edhe lajmi për shtimin e numrit të bizneseve prodhon një reagim të kundërt nga ai që pritet prej një zhvillimi pozitiv. Kryeministri u shpreh se këtë e konsideron një tregues domethënës të zhvillimit.

Ai argumentoi se ky reagim nuk tregon se shoqëria nuk e dallon progresin, por se ajo kërkon shumë më tepër dhe e dëshiron atë menjëherë, pa u interesuar se si arrihet.

Sipas Ramës, ka ndryshuar tërësisht qasja e brezave që dikur i jepnin rëndësi rrugës së përshkuar për realizimin e objektivave. Gjithnjë e më pak njerëz duan të dinë se ku kemi qenë, ndërsa përmendja e vazhdueshme e rrugës së bërë i acaron ata.

Kreu i qeverisë shtoi se arritjet e të tjerëve nxisin secilin të kërkojë suksesin e vet, ndërsa çdo diferencë kthehet në shkak pakënaqësie kur kërkohet durim.

Për këtë arsye, sipas tij, nisma ka rëndësi të veçantë. Qytetarët kërkojnë mundësi të reja dhe kanë të drejtë t’ia kërkojnë ato edhe qeverisë, ndërsa marrëdhënia e besimit ndërtohet nga pritshmëritë dhe jo nga arritjet.

Rama theksoi se pritshmëritë përcaktojnë përditshmërinë e njerëzve dhe se qeveria ka detyrimin t’u përgjigjet atyre në fushën e punës dhe të sipërmarrjes, duke ofruar më shumë instrumente të ngjashme me këtë program.

Ai e krahasoi pozicionin e guvernatorit me atë të Papës, duke thënë se askush nuk proteston përpara Vatikanit, por nënvizoi se qeveria është e gatshme ta çojë mbështetjen deri në 1 miliard euro.

Sipas kryeministrit, edhe guvernatori ka deklaruar se fondet do të shtohen nëse lind nevoja. Rama përsëriti se deri në 1 miliard euro mund të vihen në dispozicion të bizneseve të vogla dhe të mesme që kërkojnë financim, por sqaroi se aplikantët duhet të paraqesin një plan, miratimi i të cilit do të bëhet nga banka.

Ai sqaroi se fondet nuk do të tërhiqen drejtpërdrejt në sportel. Për personat që kanë një plan, do të ofrohet asistencë në mënyrë që propozimet e tyre të fitojnë besimin e bankave. Kushdo që paraqet një plan mund të aplikojë dhe të përfitojë kredi deri në 2 milionë euro, me normë interesi 2-3%, deklaroi Rama.

The post Gati të japim 1 miliard euro për bizneset e vogla/ Rama: Kushdo që ka një plan serioz, të aplikojë dhe merr 2 milionë euro kredi me 2-3% interes appeared first on Albeu.com.

Në një videomesazh të publikuar në rrjetet sociale, Rama tha se; “lufta me kancerin dhe shëndetësia në Projekt-Buxhetin 2026, do jenë një kapitull i ri angazhimesh në respekt të 83 mandateve që na janë besuar, si një detyrim madhor i PS-së”.

Rama thekson se buxheti i shëndetësisë 2026, është në vlerën e mbi 1 miliard eurove për shëndetësinë dhe mirëqenien sociale, duke u përllogaritur si afro 4% e Prodhimit të Përgjithshëm Kombëtar.

“Për herë të parë, hapim një linjë financimi nga Buxheti i Shtetit vetëm për këtë nevojë jetike duke futur 15 milionë euro ekstra në shërbim të pacientëve të Onkologjikut. Për herë të parë shërbimi i rikonstruksionit të gjirit për gratë dhe vajzat që kalojnë kancerin do të jepet i plotë për të gjitha dhe falas. Ndërkohë, ministrja e Shëndetësisë e shpallur së fundmi ndër 100 gratë më influente në mjekësinë botërore për çështjen e kancerit do të udhëheqë projektin kombëtar të ngritjes së Institutit Kombëtar të Tumoreve për Shqipërinë 2030. Një institucion i ri ekselence, i cili do t’i bashkohet rrjetit ndërkombëtar të instituteve që luftojnë me kancerin”, tha Kreu i Ekzekutivit.

Rama u shpreh se; “4600 mjekë, infermierë dhe farmacistë si edhe 14 200 teknikë dhe laborantë do të përfitojnë një rritje të re pagash çka është një mesazh i qartë për gjeneratën e re të bluzave të bardha, se në Shqipëri qëndrohet dhe punohet me dinjitet”.

“Shqipëria 2030 do të bëhet vendi ku ikja do të jetë thjesht zgjedhje individuale, jo imponim nga pamundësia për të qëndruar dhe punuar këtu”, u shpreh Kryeministri Rama.

The post Edi Rama: Mbi 1 miliard euro për shëndetësinë, linjë financimi nga buxheti për pacientët e Onkologjikut appeared first on Albeu.com.

Në njoftimin për media thuhet se që nga themelimi i doganës e deri tani kjo është hera e parë që me datën 1 gusht arrihet kjo shumë.

“Kjo arritje përfaqëson një pikë të rëndësishme për institucionin dhe për ekonominë e vendit tonë, duke reflektuar përpjekjet e vazhdueshme për të përmirësuar proceset dhe për të rritur efikasitetin e shërbimeve tona”, bëhet e ditur.

Sipas Doganës, ky rekord i ri është rezultat i një kombinimi faktorësh, duke përfshirë përmirësimin e procedurave doganore, lufta kundër kontrabandës dhe evazionit fiskal, transparenca dhe edukimi publik.

Drejtori i Përgjithshëm i Doganës së Kosovës, Agron Llugaliu, shprehu mirënjohjen për stafin e Doganës dhe për partnerët strategjikë që kanë ndihmuar në arritjen e këtij suksesi.

“Ky është një moment i rëndësishëm për Doganën e Kosovës dhe për të gjithë qytetarët e vendit tonë mbledhja e 1 miliard eurove të hyra është dëshmi e punës së palodhshme, përkushtimit dhe profesionalizmit të Doganës së Kosovës”.

The post Dogana e Kosovës: Mbi 1 miliard euro të mbledhura, që nga themelimi, hera e parë që kjo shumë arrihet në gusht appeared first on Albeu.com.

Për këtë arsye drejtuesit vendosën të shpenzojnë një shumë të madhe për Cristiano Ronaldon. Që atëherë, klubi ka vazhduar të hedhë para, por sa më shumë investojnë, aq më i dobët bëhet ekipi, shkruan albeu.com.

Që nga sezoni 2018/19, Juventusi ka shpenzuar 1.068 miliardë euro për lojtarë të rinj, sipas Football Italia. Kështu, ata tejkaluan me disa qindra milionë konkurrentët e tyre italianë. Megjithatë, nuk u bë më mirë.

Juventusi është larg nga top 4 në Serie A dhe rrezikon të humbasë në fazën e eliminimit të Champions League. /G.D albeu.com/

The post Juventus shpenzoi më shumë se 1 miliard euro në pesë sezone appeared first on Albeu.com.

Francezi ka nënshkruar një kontratë pesëvjeçare dhe ka një klauzolë lirimi plot një miliard euro, e cila tanimë është bërë e zakonshme nga shumë klube.

Kounde është përforcimi i parë i Barcelonës për prapavijën dhe pritet të pasohet edhe nga të paktën 2 lojtarë të tjerë në vazhdim./albeu.com

The post Tani është bërë e zakonshme, Barcelona i vendos klazolën e frikshëm Kounde-s appeared first on Albeu.com.

“BE po rrit mbështetjen e saj financiare për Kievin. Ministrat sapo kanë miratuar një kredi prej 1 miliard eurosh”, shkroi në Twitter nënpresidenti i Komisionit Europian Valdis Dombrovskis.

“Është pjesë e paketës së re të jashtëzakonshme të ndihmës makro-financiare. Ukraina është një ekonomi në luftë. Ajo ka nevojë dëshpërimisht për financim afatshkurtër. BE është atje për të ndihmuar”, tha ai.

BE planifikon të propozojë një paketë të re sanksionesh kundër Rusisë. Parashikohet që paketa të miratohet në javët e ardhshme, sipas Bloomberg, duke cituar burime të njohura,

Nëse miratohet, do të ishte paketa e shtatë e sanksioneve./albeu.com

The post BE i vjen në ndihmë Ukrainës, miraton një kredi prej 1 miliard eurosh appeared first on Albeu.com.