1 Majin Archives - Albeu.com

Protestë për 1 Majin në Prishtinë, sindikatat dalin në mbështetje të punëtorëve

V K — Fri, 01 May 2026 06:56:11 +0000

Federata Sindikale e Punëtorëve të Sektorit Privat, ka njoftuar organizimin e një proteste paqësore këtë të premte, më 1 maj 2026, në Prishtinë, në kuadër të Dita Ndërkombëtare e Punës.

Sipas njoftimit, protesta do të nisë në orën 10:00, me vendgrumbullim në Sheshi Zahir Pajaziti, për të vijuar më pas drejt zonës ndërmjet ish-objektit të Gërmisë dhe ndërtesës së Qeverisë.

Sindikatat bëjnë të ditur se mobilizimi organizohet në mbështetje të të drejtave të punëtorëve në sektorin privat, duke theksuar nevojën për kushte më të mira pune dhe zbatim të standardeve ligjore.

1 Maji njihet në mbarë botën, si dita e punëtorëve dhe simbol i përpjekjeve për të drejta ekonomike e sociale. Kjo ditë lidhet historikisht me protestat për orarin 8-orësh të punës, që kulmuan me ngjarjet e Haymarket Affair në Chicago.

Sot, kjo ditë përkujtohet në shumë vende përmes protestave dhe aktiviteteve që synojnë mbrojtjen dhe avancimin e të drejtave të punëtorëve.

The post Protestë për 1 Majin në Prishtinë, sindikatat dalin në mbështetje të punëtorëve appeared first on Albeu.com.

Presidenti Begaj uron 1 Majin: Nderojmë dinjitetin e punës dhe përkushtimin ndaj saj

V K — Thu, 01 May 2025 07:44:10 +0000

Këtë të enjte, përmes një urimi në llogarinë e tij personale në “Facebook”, Presidenti i Republikës Bajram Begaj, në Ditën Ndërkombëtare të Punëtorëve, u është drejtuar me një mesazh urimi të gjithë qytetarëve shqiptarë që siç u shpreh ai, jetojnë dhe punojnë me punë të ndershme.

Presidenti uroi punëtorët për 1 Majin, duke nderuar dinjitetin e punës dhe në veçanti profesionet e vështira.

Gjithashtu, kreu i Shtetit shprehu ndaj tyre falenderim për kontributin që japin në ekonominë e vendit.

Mesazhi i Presidentit Begaj:

“Urimet e mia në këtë 1 Maj për të gjithë njerëzit e punës! Sot ne nderojmë punën e vështirë e të ndershme dhe përkushtimin ndaj saj, nderojmë dinjitetin e punës dhe kontributin që punëtorët kanë në ekonominë shqiptare”, shkruan Begaj.

“Për të gjithë punëtorët: Faleminderit!”, shkruan Presidenti Begaj në mesazhin për 1 Majin.

The post Presidenti Begaj uron 1 Majin: Nderojmë dinjitetin e punës dhe përkushtimin ndaj saj appeared first on Albeu.com.

Kryeministri Rama uron 1 Majin me pamje nga Thethi: Suksese njerëzve të punës

V K — Wed, 01 May 2024 07:18:36 +0000

Me anë të një video të publikuar në llogarinë e tij në “Facebook”, kryeministri i vendit Edi Rama, ka uruar sot 1 Majin, Ditën Ndërkombëtare të Punëtorëve, duke ndarë pamje nga Shkodra, ku sipas tij, njerëzit e punës po rrisin hap pas hapi ekonomi të shëndetshme.

Ditën e djeshme, kryeministri Edi Rama, vizitoi Thethin, ku prezantoi “Paketën e Maleve”, një program që vjen në mbështetje të investimeve në alpe.

Postimi i Ramës:

“MIRËMËNGJESI dhe nga Shkodra, ku njerëzit e punës po bëjnë të mundura deri edhe në majat e maleve, gjëra që deri dje dukeshin të pamundura, duke rritur hap pas hapi një ekonomi të shëndetshme për familjen e për vendin me besimin tek puna, respektin për punën e njëri-tjetrit, bashkimin e forcave për punë që s’bëhen dot vetëm, ju uroj në këtë një 1 maj vetëm të mira, shëndet e suksese të gjithë njerëzve të punës kudo ku janë”, shkruan Rama.

The post Kryeministri Rama uron 1 Majin me pamje nga Thethi: Suksese njerëzve të punës appeared first on Albeu.com.