“Do të vijë një kohë kur heshtja jonë do të jetë më e fuqishme, se zëri që ju po mbytni sot”.

Ishin këto fjalët e fundit të August Spies, një nga katër punëtorët e pafajshëm, që u ekzekutuan pas shpërthimit të një bombe në sheshin “Haymarket” në Çikago, në maj të vitit 1886, ku humbën jetën tetë drejtuesit kryesorë të lëvizjes së punëtorëve, “Krimi” për të cilin Spies dhe shokët e tij po dënoheshin ishte të qenurit militantë në luftën që punëtorët kishin ndërmarrë për të drejtat e tyre dhe punën 8-orëshe.

1 Maji është një festë e themeluar në kujtim të martirizimit në sheshin “Haymarket” dhe për të përkujtuar dhe festuar Ditën e Solidaritetit Ndërkombëtar të Punëtorëve.

Historia e dhunës në Shtetet e Bashkuara të Amerikës në vitet 1880, tregoi se punëdhënësit do të përdornin arsenalin e tyre, që nga gjykatat, deri të policia.

Ndërkohë, që vrasjet në një nga sheshet kryesore të Çikagos, treguan se sa shumë ishte përkeqësuar situata, por, përpjekjet e punëtorëve për ditën 8-orëshe të punës në vitin 1880 treguan vendosmërinë e tyre.

Lëvizja nisi më 1884, kur Federata e Tregut të Organizuar dhe Bashkimi i Punëtorëve (paraardhëse e Federatës Amerikane të Punëtorëve), hartoi rezolutën se; “duke nisur nga 1 maji 1886 orari i punës për të gjithë punëtorët duhej të ishte 8-orësh”.

Më 1 maj të vitit 1886 mbi 200 000 punëtorë, të mbledhur në sheshin qendror të Çikagos, do të nisnin grevat për të kërkuar të drejtat e tyre.

Ndërkohë që gazetat do t’i vlerësonin ato si “absurde”. Vdekja e 7 policëve gjatë protestave, të nisura prej shumë ditësh, ishte shkaku i reagimit të Policisë së Çikagos ndaj lëvizjes së punëtorëve.

Si pasojë e një bombe të hedhur nga forcat policore u vranë 8 udhëheqësit kryesorë të federatës së punëtorëve, duke e kthyer kështu majin në muajin e përkujtimit të përpjekjeve të punëtorëve për të fituar të drejtat e tyre.

Tre vjet më vonë nga ngjarja e Çikagos, më 1889, Internacionalja e Dytë Socialiste, që u zhvillua në Paris (Francë), vendosi kremtimin e 1 Majit si ditën e bashkimit, luftës dhe solidaritetit të të gjithë punëtorëve të botës.

The post 1 Maji, Dita Ndërkombëtare e Punëtorëve/ Si nisi në vitin 1884 lëvizja për të kërkuar dhe siguruar të drejtat, liritë dhe kushtet e punës appeared first on Albeu.com.

Ajo festohet në shumë vende më 1 maj, ndërsa në Shtetet e Bashkuara dhe Kanada, një festë e ngjashme, e njohur si Dita e Punës, kremtohet të hënën e parë të shtatorit.

Dita e Punës i ka rrënjët në një periudhë demonstratash të fuqishme, për të drejtat e punëtorëve të fabrikave gjatë Revolucionit Industrial në Shtetet e Bashkuara të Amerikës, të udhëhequr nga Shoqata e Urdhrit të Kalorësve Amerikanë të Punës (Knights of Labor).

Në vitin 1866, u miratua një ligj i cili caktonte që dita e punës do të ishte 8-orëshe. Ligji hyri në fuqi vetëm vitin e ardhshëm, më 1 maj 1867, ditën në të cilën u organizua një demonstratë e rëndësishme, me të paktën dhjetë mijë pjesëmarrës.

Lajmi arriti edhe në Evropë, ku në ditët e para të shtatorit 1864 lindi në Londër “Internacionalja e Parë”, ose Shoqata Ndërkombëtare e Punëtorëve, shumë pranë lëvizjeve të para socialiste dhe marksiste të kohës.

Sipas enciklopedisë “Britannica”, në Bashkimin Sovjetik udhëheqësit e përqafuan festën e re, duke besuar se ajo do të inkurajonte punëtorët në Evropë dhe Shtetet e Bashkuara të bashkoheshin kundër kapitalizmit.

Kjo ditë u bë një festë e rëndësishme në Bashkimin Sovjetik dhe në vendet e bllokut lindor, me parada të profilit të lartë, kryesuar nga funksionarë të qeverisë dhe Partisë Komuniste, duke nderuar punëtorët dhe duke shfaqur fuqinë ushtarake.

Në Gjermani, Dita e Punës u bë festë zyrtare në vitin 1933 pas ngritjes së Partisë Naziste. Për ironi, Gjermania shfuqizoi sindikatat e lira një ditë pas vendosjes së festës, duke shkatërruar praktikisht lëvizjen punëtore gjermane.

Me rënien e bllokut komunist, festimet e mëdha të 1 Majit erdhën duke u zbehur. Gjithsesi janë ende dhjetëra vende në të gjithë botën që e festojnë dhe e kanë shpallur si ditë pushimi, ku festimet janë reduktuar në piknikë dhe festa më të vogla, por ka edhe protesta e grumbullime në mbështetje të punëtorëve dhe kauzave të tyre.

The post Sot, 1 Maji, Dita Ndërkombëtare e Punëtorëve appeared first on Albeu.com.

Kështu deklaroi ministri i Brendshëm francez Gerald Darmanin, duke shtuar se në të gjithë vendin janë arrestuar 291 persona, mes të cilëve 90 në kryeqytet.

Një numër i tillë i policëve të plagosur “në 1 maj është jashtëzakonisht i rrallë”, vazhdoi ministri i Brendshëm, “duke dënuar ashpër këtë dhunë”.

Një oficer policie të cilit iu hodh një koktej molotov në Paris “ka djegie në fytyrë dhe duar…” pa lëndime të rrezikshme për jetën, shtoi Darmanen. /albeu.com

The post Franca “digjet” për 1 Majin, qindra policë të plagosur dhe mbi 290 të arrestuar appeared first on Albeu.com.

Partia Socialdemokrate e Kosovës ndërkaq akuzoi qeverinë për injorim të kërkesave dhe të të drejtave të punëtorëve.

Federata Sindikale e Punëtorëve Teknik, bëri thirrje në ditën ndërkombëtare të punëtorëve për rritje të pagës minimale, nënshkrim të marrëveshjes kolektive, trajtim të barabartë me punonjësit e sektorit publik, rritje të numrit të inspektorëve të punës si dhe krijim të një fondi për ata që humbin jetën në vend të punës.

“Nuk do të ju lusim më. Qeveri e nderuar të mirat që u kemi dhënë juve sipas të gjitha gjasave tani e tutje do t’i përfitojë dikush tjetër. Momenti i fundit që e keni humbur ju dhe ne, shpëtoni atë çfarë mund të shpëtohet përndryshe realiteti është realitet – në vitin 2021 dhe 2022 na kanë ikur nga Kosova mbi 100 mijë punëtorë si këta që kemi përballë”, tha kryetari i Sindikatës së Sektorit Privat të Kosovës, Jusuf Azemi.

Shoqata “Kolektivi për Mendim dhe Veprim Feminist” nëpërmjet një parakalimi në qendër të Prishtinës, shprehu pakënaqësinë me sic u tha, trajtimin e pabarabartë të punonjësve dhe shkallën e lartë të papunësisë në vend.

“Puna jashtë orarit, puna pa kontrata, paga minimale prej 170 eurosh, vendet e pasigurta të punës, vdekjet, abuzimet, krimet seksuale nuk janë simptoma të një sistemi të keqmenaxhuar, përkundrazi janë pjesë e një sistemi të mirëdizajnuar i cili mbahet e rritet përmes pabarazisë, shtypjes dhe dhunës”, tha Bjeshka Guri nga kjo shoqatë.

Brikena Hoxha nga Nisma e Kosovës për Stabilitet tha të hënën se ndër sektorët me më së shumti probleme janë gastronomia dhe hoteleria. Ajo i bëri këto komente në një konferencë për media, gjatë së cilës u njoftua për themelimin e shoqatave sindikale për këta dy sektorë, në bashkërendim me Bashkimin e Sindikatave të Pavarura të Kosovës.

“Ne besojmë që me formalizim, me ofrim të kontratave të punës, me trajtim të dinjitetshëm në punë, punëtorët e të rinjtë e Kosovës do të qëndrojnë në Kosovë dhe do të kenë perspektivë dhe do të ketë një zhvillim ekonomik edhe më të mirë”, tha ajo.

“Punëtori në Kosovë është llogaritur si vegël dhe jo si aset, pagat janë të mjerueshme e minimale, punëtorëve duhet t’u paguhet djersa, ta kenë një pagë të dinjitetshme që ta mbajnë veten dhe familjen. Duhet të punohet me qeverinë e Kosovës në vazhdimësi që nëpërmjet inspektorëve të punës të u krijohen kushte sa më të mira për punë me qëllimin e vetëm që të arrihet produktivitet”, tha nënkryetari i Bashkimit të Sindikatave të Pavarura të Kosovës, Selatin Sadiku.

Sipas të dhënave të fundit nga Agjencia e Statistikave të Kosovës, në tremujorin e parë të vitit 2022 papunësia në Kosovë është afër 17 për qind, një rënie në krahasim me vitin 2021 kur shkalla e përgjithshme e papunësisë ishte mbi 20 për qind. Ndërkohë të punësuarit vazhdojnë të përballen me probleme të trashëguara si mungesa e sigurisë në punë dhe paga e ultë minimale, më e ulta në Evropë, sipas Agjencisë Evropiane të Statistikave, Eurostat. /VOA

The post Protesta për 1 Majin në Kosovë, kërkohen kushte më të mira pune appeared first on Albeu.com.

The post Sot Dita Ndërkombëtare e Punëtorëve, festë apo protestë?! Ja çfarë zgjedhin shqiptarët appeared first on Albeu.com.

Pendarovski ka theksuar se 1 Maji është një mundësi reale për të kujtuar aspiratat tona për një shoqëri më të mirë dhe me të drejtë evropiane.

Presidenti shtoi se Maqedonia duhet të bëjë përpjekje të vazhdueshme për të promovuar të drejtat e të gjithë punëtorëve.

Mesazhi për 1 Majin, thekson ai, është për të gjithë qytetarët, punëtorët dhe luftëtarët për një të nesërme më të mirë.

“Të luftojmë për valorizimin real të çdo punëtori në vend, të çdo individi që me veprimtarinë e tij, me mundin dhe sakrificën e tij kontribuon për të mirën e përbashkët. 1 Maji është një mundësi reale për të kujtuar se aspirata jonë për një shoqëri më të mirë, me të drejtë, evropiane në çdo segment të jetës duhet të shndërrohet në jetë të përditshme me përpjekje të përbashkëta. Detyra jonë nuk është vetëm sigurimi dhe mbrojtja e tyre, por edhe promovimi i vazhdueshëm i të drejtave të punëtorëve. Të jemi të zëshëm ndaj padrejtësive, të respektojmë punëtorët dhe të drejtën e tyre për një jetë dinjitoze, sepse vetëm kështu do t’ia dalim në progresin e nevojshëm që meriton çdo punëtor dhe çdo qytetar. Gëzuar 1 Majin”, deklaron presidenti Pendarovski.

Sipas tij, si në kulmin e krizës, edhe sot të gjithë punëtorët respektohen.

“Me shpresën që ta dërgojmë në harresë pandeminë, sot ua uroj Ditën Ndërkombëtare të Punës të gjithë qytetarëve, punëtorëve dhe luftëtarëve për një të nesërme më të mirë. Si në kulmin e krizës, edhe sot i bëjmë nderim të gjithë punëtorëve pa të cilët vështirë se do të mund ta kalonim krizën shëndetësore dhe ekonomike e sociale”, thotë Pendarovski./albeu.com/

The post Pendarovski përkujton “1 Majin”: Maqedonia e Veriut duhet të bëjë përpjekje të vazhdueshme për të drejtat e punëtorëve appeared first on Albeu.com.

Urimin për 1 majin dhe falenderimin për punonjësit e rindërtimit Rama e bëri përmes një postimi në faqen e tij në Facebook.

“Mirë mëngjes dhe me falenderimin nga zemra për të gjithë njerëzit e punës që bënë realitet projektin e rindërtimit, pa të cilët nuk do mund t’u kthenim dot buzëqeshjet familjeve të prekura, ju uroj të diel të qetë”, shkruan kryeministri Rama./albeu.com/

The post Rama uron “1 Majin”: Njerëzit e punës bënë realitet projektin e rindërtimit (FOTO LAJM) appeared first on Albeu.com.

Një konflikt fillimisht verbal përfundoi në dhunë dhe goditje me karrige mes vëzhguesve dhe numëruesve të votave.

Aktualisht ka ndaluar procesi i numërimit të votave dhe  shërbimet e policisë vijojnë të kryejnë detyrën për ruajtjen e rendit dhe qetësisë.

Tiranë/Informacion paraprak

Rreth orës 22:45, tek shkolla “1 Maji”, në VNV nr.30, me kërkesë të KZAZ-së, sherbimet e Policisë, me Vendim nr. 262, të KZAZ-së, kanë ndërhyrë në ambientet e brendshme të KZAZ-së ku po zhvillohet procesi i numërimit të votave, pasi kishte një konflikt mes vëzhguesve dhe numëruesit të votave.

Sherbimet e Policisë kanë ndërhyrë menjeherë dhe kanë bërë shoqërimin e 8 personave për veprime të metejshme hetimore.

Aktualisht ka ndaluar procesi i numërimit të votave dhe  shërbimet e policisë vijojnë të kryejnë detyrën për ruajtjen e rendit dhe qetësisë.

The post Sherri me karrige dhe grushta në Tiranë, 8 të shoqëruar në polici appeared first on Albeu.com.

E pranishme ka qenë edhe kandidatja e PD-së në këtë zonë, Oriola Pampuri. Ajo ka reaguar pas ngjarjes, duke thënë se janë shkelur rregullat brenda në sallë.

“Shkelën rregullat brenda në sallë. Në momentin e rinisjes së numërimit, brenda u paraqiten persona me një listë të cilet e paraqiten te dera e shkollës. Ndërkohë që brenda u paraqiten dy persona me badgen e KQZ. Ata ngacmuan, dhunuan dhe përgjakën vëzhguesin e PD-së së bashku me të afërmin e tij duke krijuar atmosferë dhunë brenda, ndërkohë që pyetëm kush ishin kërta persona, ata nuk i njihnin. Ata janë persona të paautorizuar. Deri në këto momente janë të paidentifikuar. Kallëzimi është bërë nga djali që u dhunua. Më thonë që janë dhunuar dhe djem të tjerë nga PD-ja. Ishin dy persona që i ngacmuan vëzhguesit tanë dhe më pas i dhunuan. Unë kam qenë gjithë kohës brenda, në atë moment pashë që u dhunuan”, tha Pampuri.

Shkak i përplasjes ka qenë ndërprerja e numërimit të votave, ku fillimisht kishte debat mes komisionerëve dhe më pas situate agravoi në sherr fizik.

Ata janë goditur me njëri-tjetrin me grushte, shkelma dhe më pas kanë përdorur dhe karriget.

Tashmë situata është neautralizuar, ndërsa 7 persona janë shoqëruar në komisariat./albeu.com

The post Zbulohet pse nisi përplasja e komisionerëve në Tiranë, prezente edhe Oriola Pampuri appeared first on Albeu.com.