1 i vdekur Archives - Albeu.com

Përmbytje masive në Turqi, një i vdekur dhe një i zhdukur

V K — Sun, 25 Aug 2024 08:21:34 +0000

Një burrë ka humbur jetën dhe një shtetas tjetër është zhdukur në Turqinë qendrore, për shkak të përmbytjeve të shkaktuara nga reshjet e dendura të shiut.

Një 52-vjeçar vdiq si pasojë e përmbytjeve në qytetin e Kirsehirit, trupi i tij u gjet nga ekipet e kërkim-shpëtimit rreth katër kilometra larg vendit ku ai u zhduk.

Zona të tjera të Turqisë qendrore u prekën gjithashtu nga përmbytjet, veçanërisht provinca e Sivas.

Në shtator 2023, përmbytjet e shkaktuara nga shirat e rrëmbyeshëm shkaktuan pesë viktima në Turqinë veriperëndimore, duke përfshirë dy në Stamboll, ku rrugët u kthyen në lumenj të furishëm.

The post Përmbytje masive në Turqi, një i vdekur dhe një i zhdukur appeared first on Albeu.com.

Japoni/ Rrëzohen dy helikopterë ushtarakë, një i vdekur dhe shtatë të zhdukur

D Marku — Sun, 21 Apr 2024 07:45:01 +0000

Një person humbi jetën dhe shtatë të tjerë raportohen të zhdukur pas rrëzimit të dy helikopterëve. Një zëdhënës i forcave të mbrojtjes japoneze tha se përplasja ndodhi të shtunën dhe një person u gjet dhe më vonë u konfirmua i vdekur.

Ministri i Mbrojtjes, Minoru Kihara, tha se ekipet e shpëtimit “panë atë që besohet të jetë pjesë e avionit në det dhe ne besojmë se dy helikopterët u rrëzuan”.

Helikopterët duket se janë rrëzuar gjatë stërvitjes gjatë natës në ishujt Izu në Paqësor.

Japonia po rrit shpenzimet e mbrojtjes dhe po thellon bashkëpunimin me SHBA-në dhe vendet e tjera në Azi, në përgjigje të vendosmërisë në rritje të Kinës në rajon dhe një Koreje të Veriut të paparashikueshme.

Në prill 2023, një helikopter i ushtrisë japoneze me 10 persona në bord u rrëzua në ishullin Miyako në Okinaëa jugore.

Nuk kishte të mbijetuar.

The post Japoni/ Rrëzohen dy helikopterë ushtarakë, një i vdekur dhe shtatë të zhdukur appeared first on Albeu.com.

Shpërthim i fuqishëm në Serbi, 1 viktimë dhe 4 të plagosur

D Marku — Tue, 16 Jan 2024 11:45:25 +0000

Një fabrikë në Serbi është përfshirë nga flakët pas një shëprthimi të fuqishëm, ndërsa për pasojë ka ndërruar jetë një punonjës dhe janë plagosur katër të tjerë. Ministria e Punëve të Brendshme ka konfirmuar se shpërthimi ka ndodhur në fabrikën “Trail” në Krushevc, ndërsa të plagosurit janë dërguar nën kujdesin mjekësor. Sipas mediave serbe pas [...]

Aksident i frikshëm në autostradë, një i vdekur dhe katër të plagosur

E S — Fri, 19 Aug 2022 16:45:36 +0000

Një person ka vdekur dhe katër të tjerë janë lënduar rëndë në një aksident në autostradën “Ibrahim Rugova”.

Ky aksident ka ndodhur në kilometrin e 56-të të autostradës, konkretisht në drejtimin Vermicë-Gjurgjicë.

Sipas fotografive, shihet që aksidenti ka qenë i rëndë, dhe makina ka përfunduar poshtë rrugës.

“Sot, më 19.08.2022, rreth orës 13:30, në autostradë drejtimi Vërmicë-Gjurgjicë (kilometri i 56-të), ka ndodhur një aksident trafiku. Në aksident është përfshirë vetëm një veturë (vet-aksident). Si pasojë e aksidentit një person ka humbur jetën dhe katër të tjerë kanë pësuar lëndime. Policia dhe ekipe tjera kanë dalë në vend-ngjarje”, ka thënë për Express zëdhënësi i Policisë së Kosovës, Bajram Krasniqi./Express/

The post Aksident i frikshëm në autostradë, një i vdekur dhe katër të plagosur appeared first on Albeu.com.

Zjarri në spitalin COVID në Selanik, digjet një pacient, ende nuk dihet fati i 20 të tjerëve

E S — Wed, 06 Apr 2022 07:31:58 +0000

Spitali Covid në Papanikolaou në Selanik është përfshirë nga flakët, ku si pasojë ka ndërruar jetë një person. Sipas informacioneve të para, pacienti është gjetur i karbonizuar në katin e dytë të godinës. Ndërkohë, sipas asaj që ka deklaruar drejtori i spitalit zjarri është vënë nga një pacient që po trajtohej për koronavirusin. Forcat zjarrëfikëse [...]