Banka e Shqipërisë njoftoi gjatë mesditës së sotme se një euro u këmbye mesatarisht me 107.19 lekë duke humbur plotë 0.78 pikë brenda ditës në raport me lekun.

Një ditë më parë, një euro këmbehej me 107.97 lekë. Euro është në një kurs zhvlerësimi të vazhdueshëm ndaj lekut gjatë muajve të fundit.

Besohet se gjithçka po ndodh për shkak të flukseve të mëdha të valutës së huaj që është futur në Shqipëri pasi vendi është kthyer në një parajsë të pastrimit të parave.

Kjo po korrespondon edhe me sezonin turistik ku numri i lartë i vizitorëve po ashtu ka futur në vend një sasi të konsiderueshme valute.

Përballë lekut kanë humbur pikë sot edhe dollari amerikan që këmbëhet me 98.08 lekë si edhe paundi britanik që këmbehet me 125.27 lekë. /albeu.com

The post Java e kaluar ishte një mirazh, Euro “gropë” sot ndaj Lekut: Dramë me kursin e këmbimit appeared first on Albeu.com.

Mësohet se sot, një euro blihet me 105.4 lekë dhe shitet me 106.7 lekë me një rritje të vogël krahasuar me ditën e djeshme.

Mbetet për t’u parë nëse kjo është një rritje e momentit në këtë ditë të shtune apo Euro kapi fundin dje dhe tashmë ka filluar të rikuperohet disi.

Me rritje vërehen edhe monedhat e tjera në raport me lekun, por pavarësisht kësaj, monedha jonë kombëtare paraqitet sërish mjaft e fortë përballë tyre pasi dje euro kapi minimumin historik, kurse USD iu afrua treguesve të 20 viteve më parë. /albeu.com

The post TABELA/ Rikthehet Euro? Si i këmbyen sot monedhat e huaja me Lekun appeared first on Albeu.com.

Sipas të dhënave të Bankës së Shqipërisë, të publikuara pak më parë, 1 euro u këmbye sot me mesatarisht 106.39 lekë si KURRË më parë. Euro po humb pikë dita ditës ndaj Lekut, një cikël i cili është përshpejtuar sidomos gjatë ditëve pas zgjedhjeve lokale.

Ndërkohë, pikë ndaj Lekut është duke humbur edhe Dollari Amerikan, i cili sot është këmbyer me 99.15 lekë.

Në mos spekulim i madh në treg, duket se situata është krijuar për shkak të sasisë së madhe të parasë së pistë që po qarkullon në Shqipëri, e cila ka gjetur terrenin e përshtatshëm për t’u pastruar. /albeu.com

The post Euro nuk mban më, sot kapi fundin fare! Leku “palos” edhe Dollarin me Paundin appeared first on Albeu.com.

Banka e Shqipërisë raportoi pak më parë se një euro u ble sot me mesatarisht 108.73 lekë dhe u shit mesatarisht me 109.07 lekë duke shënuar një kurs me lekun si asnjëherë më parë që prej fillimit të përdorimit të saj.

Euro është në rënie te lirë prej disa muajsh, gjë e cila u përshpejtua gjatë fushatës zgjedhore.

Dy ditë më parë euro ra nën 110 lekë dhe tashmë duket se ai ishte kufiri psikologjik dhe tani rënie vijon nga ora në orë.

Arsyet kryesore të rënies së euron lidhen me sasinë e madhe të monedhës europiane në treg për shkak se vendi është kthyer në një parajsë të pastrimit të parave, por edhe për shkak të nisjes së sezonit turistik. /albeu.com

The post Tërmet në treg, euro nuk mban më! Thyhet rekordi negativ, sot si KURRË më parë appeared first on Albeu.com.

Atij i duhej të braktiste projektin pasi nuk mund të gjente punëtorë për ta ndihmuar atë në rinovimin e shtëpisë.

Sipas mediave të huaja, për të “përfituar” shtëpinë i vetmi kusht ishte që blerësi të rinovonte shtëpinë brenda tre viteve që nga dita e blerjes. Por, kjo gjë siç duket ka qenë tepër e vështirë për 58-vjeçarin.

Mungesa e fuqisë punëtore ka goditur industrinë e ndërtimit të Italisë muajt e fundit, aq sa Danny, një kuzhinier që ka punuar për Fondacionin “Fifteen” të Jamie Oliver nuk mund të gjente askënd që ta ndihmonte të rinovonte shtëpinë e tij të ëndrrave.

Për këtë arsye ai u detyrua që t’ia shiste pronën një agjencie pronash duke i kthyer pagesën prej 1 euro.

Duke folur për mediat e huaja, ai tha:

Ishte shumë e vështirë të gjeje një ndërtues dhe me kalimin e kohës shtëpia u përkeqësua. Megjithatë, ai bleu një shtëpi tjetër të lirë, këtë herë për 8.000 euro, e cila kishte nevojë për më pak punë.

The post Bleu shtëpi për vetëm 1 euro në Itali, detyrohet ta braktisë appeared first on Albeu.com.

Përfaqësuesi i Shoqatës së Bareve dhe Restoranteve, Enri Jahaj, tha për “Monitor” se pavarësisht rritjes së çmimeve të produkteve bazë. ndryshimi nuk është reflektuar te produktet finale, pasi kostoja është amortizuar nga subjektet e shërbimit.

Jahaj thotë se situata do të jetë e përkohshme dhe çmimet pritet të ndryshojnë edhe në këto struktura.

“Aktualisht, çmimet e produkteve ushqimore janë rritur 20 deri 30% apo deri në 40% siç është produkti i vajit të lulediellit që përdoret në sasi të lartë në fast food.

Rritja e produkteve bazë nuk është reflektuar të çmimet finale të bareve dhe restoranteve. Produktet bazike siç është uji dhe kafeja, pavarësisht se plastika është rritur, në bare nuk kanë ndryshuar. Shtrenjtimi i produkteve është amortizuar nga fitimet e bizneseve.

Sot më e leverdishme është të konsumosh vaktin e drekës (për 2 persona) në restorant sesa në shtëpi. Pandryshmëria e çmimeve do të jetë e përkohshme, pasi dhe bizneset nuk do të kenë më mundësi të mbajnë koston e rritjes së çmimeve. Edhe kostoja e biznesve informale është amortizuar nga bizneset e licencuara. Pra kjo periudhë nuk do të zgjasë shumë. Çmimi i kafesë do të arrijë 1 euro, ndërsa baret që tregtojnë kafe me çmim 50 lekë, kryesisht të lagjeve, nuk do të arrijnë të mbijetojnë, do të mbyllen”, nënvizon Jahaj.

Sipas tij, në këtë periudhë kur çmimet për produktet janë rritur, konsumi në restorante ka pasur ulje. “Konsumatori po tregohet i kujdeshëm në shpenzime për shkak të rritjes të çmimeve, që duket se do të vazhdojë. Për pasojë klientët kanë tkurrur shpenzimet”.

Konsumi në këto struktura shërbimi pati rënie edhe vitin e kaluar për shkak të pandemisë. Përfaqëuesit e Shoqatës të Bareve dhe Restoranteve nënvizuan se Covid-19 për baret dhe restorantet për vitin 2021 krijoi një model të ri të sjelljes së klientit, pasi shumica prej tyre u mësuan të konsumojnë kafenë dhe vaktin kryesor në zyra dhe shtëpi dhe për këtë arsye konsumi ra ndjeshëm.

Në vend ka rreth 14 mijë bare dhe rreth 4 mijë restorante, duke na bërë ndër të parët në botë për numrin e lokaleve në raport me popullsinë. Ky segment ka dhe nivelin më të lartë të vetëpunësimit në vend, me rreth 37% të totalit. Vetëm në sektorin e akomodimit dhe shërbimit ushqimor ka 18% të të punësuarve në biznesin e vogël. /D.Azo-Monitor

The post Rritja e çmimeve, Shoqata e Bareve dhe Restoranteve paralajmëron shtrenjtimin e kafesë deri në 1 euro appeared first on Albeu.com.