Legjendës kuqezi, titulli iu dha gjatë Samtimit të Diasporës, të mbajtur në Tiranë.

Pas dekorimit, Cana u shfaq shumë i lumtur, duke thënë se nuk e merr këtë titull në emrin e tij, por në emrin e familjes.

“Kur jemi përballë një paneli dhe kemi të mbledhur njerëzit tanë, që kanë spikatur dhe kanë dhënë një kontribut të jashtëzakonshëm për ne. Kemi luajtur me stadiume plot me qindra milionë njerëz që na kanë parë. Unë sot nuk e pranoj vetëm në emrin tim, por në emrin e familjes sime. Babit, Agimit, gjyshërve të mi, Ganiut, xhaxhait tim, deri tek i gjithë. Ky brumë na ka shfrytëzuar. Ne kosovarët jemi detyruar të emigrojmë. Në këtë Samit të Diasporës, rikthehem si një shqiptar i Kosovës. Kemi emigruar dhe jemi munduar të bëjmë mirë, jo vetëm për familjarët tanë, por jemi munduar të ngremë sa më shumë nderin dhe emrin e shqiptarëve.

Kjo besoj se ka qenë krenaria më e madhe që unë kam përjetuar dhe familjarët e mi. Duke pasur një mjet si futbolli, aty kupton se përgjegjësia është e madhe. Unë kam 10 vite që jam në pension. Kur ia them këtë njerëzve, ata qeshin. Është një jetë e tërë, ku dashuria dhe kontributi për atdheun nuk mungon asnjëherë. Jemi munduar ta ngrejmë komunitetin tonë”, u shpreh Cana.

The post Lorik Cana dekorohet me titullin “Kalorës i urdhrit të Skënderbeut” appeared first on Albeu.com.

Nga plagët e marra nga të shtënat me armë, ndërroi jetë sot sulmuesi 20-vjeçar që luante në elitën e futbollit ganez.

Frimpong, mbeti fillimisht i plagosur. Sot u raportua vdekja e tij, pasi ishte në gjendje të rëndë.

Deklarata e klubit para se Frimpong të ndërronte jetë:

“Gjatë rrugës për në Berekum nga Samreboi, autobusi i ekipit tonë u sulmua nga një grup grabitësish të armatosur, të cilët bllokuan rrugën për të na penguar kalimin.

Burra të maskuar, të cilët ishin me armë, filluan të qëllonin drejt autobusit tonë, ndërsa shoferi përpiqej të kthehej mbrapsht. Lojtarët dhe stafi ikën në shkurret aty pranë për t’u fshehur.

Fatkeqësisht, një nga lojtarët tanë është plagosur rëndë dhe po merr ndihmë mjekësore në një spital aty pranë, duke pritur të transferohet në spitalin rajonal.

Jemi mirënjohës ndaj ekipit të patrullave të policisë për reagimin e tyre të shpejtë, gazetarëve sportivë që shpejt e shpërndanë informacionin, qytetit të Ashirusit, i cili ofroi strehim të përkohshëm për lojtarët tanë dhe zyrtarëve të Bibiani Gold Stars, të cilët kanë ofruar mbështetje të jashtëzakonshme. Jemi gjithashtu mirënjohës ndaj të gjithë atyre që na uruan mirë dhe së fundmi, por jo më pak e rëndësishme, Presidentit të Shoqatës së Futbollit të Ganës për reagimin e tij të shpejtë në këtë moment të vështirë.

Do ta informojmë publikun e gjerë ndërsa zhvillohen zhvillimet dhe i urojmë lojtarit tonë shërim të shpejtë nga Zoti”.

The post Vrasja e futbollistit 20-vjeçar, çfarë deklaroi klubi: Bashkë me stafin shkuan te… appeared first on Albeu.com.

Shoqata e Futbollit të Ganës, njoftoi se grabitësit qëlluan drejt autobusit, teksa 20-vjeçari, Frimpong-un u plagos në kokë e më pas humbi jetën në spital.

Në një incident të ngjashëm në vitin 2023, autobusi i ekipit të Legon Cities u sulmua pas një ndeshjeje në Samartex, megjithëse nuk u raportua askush i lënduar.

GFA COMMISERATES WITH BEREKUM CHELSEA FOLLOWING REPORTED ARMED ROBBERY ATTACK AND TRAGIC PASSING OF DOMINIC FRIMPONG https://t.co/n3nooVTEzV

— 🇬🇭 Ghana Football Association (@ghanafaofficial) April 13, 2026

The post Momentet tragjike/ Sulmohet autobusi i ekipit, grabitësit vrasin futbollistin 20-vjeçar appeared first on Albeu.com.

“Ëndrra e titullit? Nuk është se është shuar, kemi gjashtë ndeshje të mbetura. Është një ëndërr e lidhur me atë se kush është përpara nesh. Dhe duke parë shifrat e Interit deri më tani, ishte sigurisht një ëndërr e guximshme për t’u ndjekur. Do të vazhdojmë të bëjmë atë që po bëjmë. Vijmë pas pesë fitoresh dhe sot barazuam”.

“Është zhgënjyese sepse mund të kishim marrë dy pikë të tjera për Ligën e Kampionëve dhe të përpiqeshim t’i afroheshim majës. Do të vazhdojmë në mënyrën më të mirë, kanë mbetur gjashtë ndeshje. E dimë se çfarë ka qenë ky kampionat, jemi krenarë për të dhe do të vazhdojmë në këtë rrugë”.

The post Napoli ndalet nga Parma, Conte: Ëndrra e titullit? Varet nga Interi appeared first on Albeu.com.

Kompania në fjalë, në vitet e fundit në mënyrë direkte apo indirekte ka filluar të mbledhë një numër të madh futbollistësh shqiptarë nën ombrellën e saj, duke përfaqësuar tashmë shumë lojtarë të Kombëtares kuqezi apo edhe ata që aspirojnë të bëhen pjesë e saj.

Kësisoj, nën kontrollin e Ramadanit dhe bashkëpunëtorëve të tij janë edhe emra si Bajrami, Ramadani, Uzuni, Berisha, Pajaziti apo edhe Armando Sadiku që kanë veshur rregullisht fanellën kuqezi duke i shtuar këtu binjakët Shpendi si Luis Hasën si edhe talenti Nuredini. Pa harruar këtu se edhe trajneri i Kombëtares, Silvinjo, prej një viti përfaqësohet nga “supermenaxheri” i cili mori emër në arenën ndërkombëtare me transferimin e bujshëm të serbit Luka Joviç te Real Madrid në vitin 2019.

FUTBOLLISTËT SHQIPTARË QË MENAXHOHEN NGA LIAN Sports Group

Nedim Bajrami

Myrto Uzuni

Ylber Ramadani

Medon Berisha

Adrion Pajaziti

Luis Hasa

Kristian Shpendi

Stiven Shpendi

Xhoi Nuredini

Redi Kasa

Armando Sadiku

Marash Kumbulla

The post Shtohen kuqezinjtë nën kontrollin e “supermenaxherit”, Fali Ramadani tani ka në dorë të ardhmen e mbrojtësit të Kombëtares appeared first on Albeu.com.

Sipas lajmeve të fundit në Itali, Lacio e ka rikthyer seriozisht interesimin për sulmuesin shqiptar të lindur në vitin 2003, një emër që ishte në radarët e klubit edhe gjatë vitit 2024.

Forma e tij e mirë dhe vazhdimësia në paraqitje kanë bërë që drejtuesit e klubit të shohin te ai një investim për të ardhmen.

Në sezonin aktual, Shpendi ka arritur të shënojë rreth 10 gola dhe 4 asistime në 33 ndeshje në të gjitha kompeticionet, duke u shndërruar në një nga lojtarët më të rëndësishëm të Çezenës.

Këto shifra kanë rritur ndjeshëm vlerën e tij në treg dhe interesimin nga klube të ndryshme europiane. Në këtë moment, Lacio duket se është një nga klubet më serioze në garë.

Klubi bardhekaltër e sheh Shpendin si një profil të ri, me potencial rritjeje dhe mundësi për t’u zhvilluar në një sulmues të rëndësishëm në Serie A në vitet e ardhshme.

Interesime për Shpendin ka edhe nga klube të tjera si në Itali, ashtu edhe jashtë saj dhe bëhet fjalë për Katarin apo edhe Premier Ligën Angleze, teksa pritet një verë e nxehtë për sulmuesin.

The post Lacio e ka seriozisht për sulmuesin e Kombëtares, vera mund të sjellë lëvizje appeared first on Albeu.com.

E ardhmja e trajnerit Silvinjo mbetet në pikëpyetje te Shqipëria. Braziliani ka kontratë të vlefshme deri në korrik, ndërsa deri tani nuk ka ardhur rinovimi apo mbyllja e bashkëpunimit.

Silvinjo nuk po e mendon një dorëheqje aktualisht, ndërsa mbetet në dorën e FSHF-së që deri tani po respekton kontratën. Italia ndërkohë dha një shembull së fundmi, ku edhe mund të kuptohet se çfarë ndodh nëse Silvinjo shkarkohet, por nuk është vendosur për pasuesin e tij.

Trajneri Alban Bushi që drejton ekipin U-21 të Shqipërisë, mund të vendosej në stol për sfidat e muajit qershor. Silvio Baldini u vendos sot si trajner i përkohshëm i Italisë, për të qenë në krye të ekipit në miqësoret me Luksemburgun dhe Greqinë.

Baldini është në krye të Italisë U-21, që nga korriku i vitit të kaluar. Deri në emërimin e trajnerit që pason Gatuzon, do punojë edhe për ekipin e parë.

The post Italia i “tregon” rrugën Shqipërisë, çfarë ndodh nëse shkarkohet trajneri Silvinjo dhe nuk ka një pasues appeared first on Albeu.com.

Detyrë që e ushtronte nga muaji korrik i vitit të kaluar.

Magiera si lojtar fitoi dy tituj kampion me Legian e Varshavës, katër Kupa dhe një Superkupë. Ish-mesfushori realizonte 25 gola në kampionatin polak.

Si trajner kontribuoi në disa ekipe polake. Së fundmi, vendosi të angazhohej me Jan Urban te përfaqësuesja polake.

Magiera ndodhej në stol si pjesë e stafit polak në mars, teksa Shqipëria luajti sfidën historike në transfertë. Eliminimi për Poloninë erdhi në fundin e muajit mars nga Suedia.

The post E trishtë/ Futbolli në zi, ndahet nga jeta trajneri i njohur (EMRI) appeared first on Albeu.com.

36-vjeçari duket se do e mbyllë karrierën në Zvicër, aty ku edhe nisi çdo gjë për të. Abrashi më parë ishte përfolur edhe për një kalim në kampionatin shqiptar, por asgjë nuk u konkretizua.

“Grasshopers është shtëpia ime, e ndërtova karrierën time këtu dhe i detyrohem shumë këtij klubi. Do të thotë edhe më shumë për mua të vazhdoj të jem pjesë e tij. Besimi dhe vlerësimi nuk janë diçka që e marr si të mirëqenë dhe jam shumë mirënjohës për to. Të gjithë e dinë sa shumë rreh zemra ime për Grasshoperin. Do të vazhdoj të jap gjithçka për klubin”, u shpreh Abrashi për rinovimin e tij.

Drejtori sportiv, Alain Suter, tha fjalën e tij pas vendimit për të zgjatur bashkëpunimin.

“Amiri mishëron në mënyrë të përsosur vlerat që përfaqëson Grasshopers. Mentaliteti i tij, përvoja dhe prania e tij kanë një vlerë të jashtëzakonshme për ekipin tonë. Ai ka përjetuar të gjitha ulje-ngritjet me klubin dhe gjithmonë ka treguar përkushtimin e tij të plotë”, u shpreh drejtori sportiv i Grasshopers për Abrashin.

The post Abrashi e mbyll karrierën në Shqipëri? Ish-mesfushori i Kombëtares firmos kontratën e re appeared first on Albeu.com.

Një qëllim që aktualisht duket i ndërlikuar, edhe pse trajneri Karlo Ançeloti vazhdon ta monitorojë atë.

Duke ardhur nga një tjetër sezon i mbushur me lëndime, Nejmar megjithatë ka treguar cilësi me Santosin, duke shënuar tre gola dhe tre asiste në gjashtë paraqitje gjithsej. Këto shifra ringjallin shpresën, por nuk i zhdukin dyshimet rreth gjendjes së tij fizike.

Ndërkohë, ka disa lëvizje në tregun e transferimeve. Sipas The Athletic, bisedimet janë duke u zhvilluar midis rrethit të brazilianit dhe klubit të MLS-së, Sinsinati.

“Palët janë ende në fazat e hershme, por po diskutojnë konkretisht një transferim të mundshëm”, thuhet në deklaratë.

Negociatat, megjithatë, nuk janë aspak të thjeshta, klubi amerikan do të duhet të lirojë një vend të caktuar lojtari për të bërë një lëvizje. E ardhmja e Nejmar mbetet e hapur, midis ëndrrave të Kupës së Botës dhe sfidave të reja.

The post Po largohet nga Brazili për Botërorin? Nejmar nis bisedimet me klubin e MLS-së appeared first on Albeu.com.