Ai tha se largimi ishte një zgjedhje personale, e lidhur me dëshirën për t’i kushtuar më shumë kohë projekteve të tij.

“Unë mora një vendim që nuk kishte të bënte fare me situatën që po ndodh në Shqipëri. Ishte diçka që lidhej me një zgjedhje timen dhe me dëshirën për t’u fokusuar te projektet e mia”, u shpreh Zebervoki.

Ai tregoi se pas njoftimit për largimin e tij, në media u publikuan tituj ku cilësohej si “hero i popullit”, por tha se nuk ndihej mirë me këtë perceptim.

“Pasi bëra statusin, më kishin dedikuar tituj, ‘heroi i popullit’ e të tjera. Kjo nuk më pëlqeu, sepse isha i qartë në statusin tim se pse e mora atë vendim”, deklaroi ai.

Zebervoki theksoi se arsyeja e vërtetë e largimit do të mbetet private dhe se në të ardhmen dëshiron të fokusohet te projektet artistike.

“Vendimin tim publiku nuk do ta marrë vesh, dua ta mbaj për vete. Nga unë në vazhdim do të bëj publike vetëm projektet artistike, nuk dua të bëhem pjesë e titujve të tillë”, tha ai.

Ai shtoi se nuk e ka ndjerë veten pjesë të kauzave apo interpretimeve që iu dhanë largimit të tij nga policia.

The post Zebervoki sqaron largimin nga Policia e Shtetit: Më quajtën hero i popullit, por nuk ishte e vërtetë… appeared first on Albeu.com.

Klodian Hoxha i është bashkuar kastit të një seriali serb, i cili do të shfaqet në televizionin publik të Serbisë.

Gjatë një interviste në emisionin “Në Shtëpinë Tonë” në Top Channel, aktori shqiptar tregoi prapaskenat e përfshirjes së tij në këtë projekt. Sipas Hoxhës, një agjent e ndihmoi të kapërcente kufijtë. Fillimisht ai kishte zhvilluar një audicion për një personazh tjetër, por e refuzoi ofertën për shkak se roli ishte në gjuhën serbe dhe nuk mund ta realizonte.

Më pas, aktorit iu propozua një rol ku përdoren shqipja, anglishtja dhe gjermanishtja. Hoxha interpreton një bos që jeton në Beograd, ndërsa zgjodhi të mos nxirrte hollësi të tjera rreth personazhit dhe serialit.

Ai bëri të ditur gjithashtu se së shpejti pritet të prezantojë një projekt të madh personal, me të cilin do të jetë pjesë e Festivalit të Kanës. Hoxha tha se po punojnë për të krijuar diçka të tyren në aspektin e produksionit, të cilën e cilësoi shumë interesante. Synimi është realizimi i një filmi shqiptar, ku ai do të angazhohet edhe si pjesëtar i produksionit.

I diplomuar në Akademinë e Arteve në Tiranë, Klodian Hoxha e ka zhvilluar karrierën e tij si në teatër, ashtu edhe në kinematografinë shqiptare e ndërkombëtare. Krahas aktrimit, ai thotë se në të ardhmen e afërt e sheh veten edhe në rolin e producentit të filmave.

The post Klodian Hoxha pjesë e një seriali serb, aktori shqiptar rrëfen si e fitoi rolin appeared first on Albeu.com.

Albumi “Confessions on a Dance Floor Part II” ka sjellë një afrim të rëndësishëm mes Madonnës dhe vajzës së saj 29-vjeçare, Lourdes Leon. Projekti përmban një duet të tyre, ide që, sipas këngëtares, u propozua nga vetë Lourdes si një përpjekje për të shëruar raportin mes tyre.

Marrëdhënia e nënë e bijë ka kaluar periudha të ndërlikuara, siç bëjnë të ditur burime pranë artistes. Lourdes e konsideronte Madonnën tepër strikte gjatë viteve kur po rritej, ndërsa ylli i muzikës ndihej në faj që vajza e saj ishte rritur mes famës ndërkombëtare dhe vëmendjes së pandërprerë publike.

Në këngën që interpretojnë së bashku, Madonna e quan Lourdes “yll i vogël”. Këtë nofkë ajo e kishte përdorur edhe në albumin “Ray of Light”, të publikuar në vitin 1998, kur e bija ishte vetëm dy vjeçe.

Një mik i këngëtares ka shpjeguar se largësia mes tyre lidhej gjithashtu me dëshirën e Lourdes për të krijuar identitetin e vet dhe për të mos u perceptuar vetëm si vajza e një superylli.

Madonna është kritikuar prej vitesh për disiplinën e fortë me të cilën ka rritur gjashtë fëmijët e saj. Raportimet thonë se në shtëpi ajo zbatonte rregulla të rrepta, kufizonte përdorimin e teknologjisë dhe këmbëngulte në një mënyrë jetese të disiplinuar.

Edhe vetë Lourdes ka deklaruar më parë se e ëma ishte “një maniake e kontrollit”. Ajo ka treguar gjithashtu se, pasi përfundoi shkollën e mesme, ndjeu nevojën të jetonte në mënyrë të pavarur dhe të ndërtonte jetën e saj.

Tashmë, megjithatë, lidhja e tyre duket se ka ndryshuar ndjeshëm për mirë. Sipas personave pranë familjes, puna për këngën e përbashkët i ka ndihmuar të kapërcejnë përplasjet e mëparshme dhe të afrohen përsëri.

Miku i artistes tha për Page Six se Madonna dhe Lola kanë përjetuar vështirësi në marrëdhënien e tyre, por tani raporti mes tyre po ecën shumë mirë falë realizimit të kësaj kënge.

Përveç historisë me Lourdes, albumi i ri prek edhe pjesë të tjera personale nga jeta e Madonnës. Page Six raporton se disa këngë përmbajnë referenca ndaj vëllait të saj të ndjerë, njerkës dhe ish-bashkëshortit Sean Penn, me të cilin pati një martesë të bujshme gjatë viteve ’80.

Në një nga këngët, këngëtarja përshkruan “ndjesinë e kërcënimit” që kishte përjetuar gjatë marrëdhënies me Penn, duke iu referuar aktorit me tone kritike.

Pavarësisht kësaj, një mik i afërt i “Mbretëreshës së Popit” ka zbuluar se aktori fitues i çmimit Oscar vazhdon të jetë dashuria më e madhe e jetës së saj. Sipas tij, Sean Penn mbetet personi që Madonna ka dashur më shumë se kushdo tjetër.

The post Sean Penn, dashuria më e madhe e Madonnës, ndërsa albumi i ri forcon lidhjen e saj me Lourdes appeared first on Albeu.com.

Sam Neill, aktori neozelandez me një karrierë mbi pesëdhjetëvjeçare, është ndarë nga jeta në moshën 78-vjeçare.

Familja e konfirmoi lajmin nëpërmjet një deklarate të publikuar në profilin zyrtar të aktorit në Instagram. Sipas njoftimit, Neill vdiq në Sydney të Australisë, pranë njerëzve të tij më të dashur.

Të afërmit bënë të ditur se humbja e tij ishte e papritur dhe se aktori u largua nga jeta me dinjitet, i rrethuar nga familja. Ata theksuan se ndihen të bekuar që ai kishte mbetur pa kancer, falënderuan personelin e Spitalit Privat të Shën Vincentit për përkujdesjen e jashtëzakonshme dhe kërkuan respektimin e privatësisë gjatë kësaj periudhe të vështirë.

Arsyeja e vdekjes nuk është zbuluar. Neill kishte treguar më parë se e kishte mposhtur kancerin, pasi në vitin 2022 ishte diagnostikuar me limfomë angioimunoblastike të qelizave T në fazën e tretë, një lloj i rrallë i kancerit të gjakut.

Kryeministri i Australisë, Anthony Albanese, nderoi kujtimin e aktorit pas njoftimit për vdekjen e tij, duke vlerësuar rolin që ai pati në kinematografinë australiane dhe atë ndërkombëtare.

Albanese shkroi se Sam Neill ishte pjesë e shumë historive të dashura australiane dhe kishte fituar një vend të veçantë në zemrat e australianëve. Ai kujtoi gjithashtu se aktori e përballoi sëmundjen me forcë, humor dhe dinjitet, duke shtuar se do t’u mungojë shumë, do të mbahet gjithmonë mend dhe duke i uruar prehje në paqe.

I lindur në vitin 1947 në Omagh të Irlandës së Veriut, Sam Neill u rrit në Zelandën e Re. Famën ndërkombëtare e fitoi përmes interpretimit të Dr. Alan Grant në “Jurassic Park”, filmin e Steven Spielberg.

Në filmografinë e tij përfshihen edhe prodhime të njohura si “The Piano”, “The Hunt for Red October”, “The Tudors”, “Peaky Blinders”, “Event Horizon” dhe “The Hunt for the Wilderpeople”, mes shumë titujve të tjerë.

Përgjatë më shumë se pesë dekadave në skenë dhe ekran, Neill luajti në mbi 150 filma dhe seriale televizive, duke u renditur mes emrave më të njohur të kinemasë botërore. Për kontributin e dhënë në art, Zelanda e Re e nderoi me titullin “Sir”.

Sam Neill lë pas katër fëmijë, si edhe gjashtë nipër e mbesa.

The post Vdes në moshën 78-vjeçare Sam Neill, aktori i njohur nga “Jurassic Park” dhe “The Piano” appeared first on Albeu.com.

Në një rrëfim tepër personal për “Grida Duma Podcast”, Egli Tako ka ndarë këndvështrimin e saj për dashurinë, miqësinë dhe marrëdhëniet, si edhe për jetën pas Big Brother VIP dhe mënyrën se si e percepton tashmë botën.

Sipas Eglit, ajo që ndodh brenda shtëpisë nuk mund të kuptohet plotësisht nga dikush që nuk e ka provuar atë përvojë. Ajo shpjegoi se, pasi bëhesh pjesë e formatit, humbet ndjesinë nëse jeta jashtë po vazhdon. Egli pranoi gjithashtu se i kishte dhënë besën partnerit dhe nuk mund të tërhiqej, ndonëse e dinte se publiku po e gjykonte.

Gjatë bisedës, ajo u ndal edhe te mënyra se si konceptohet dashuria në kohët e sotme.

Egli tha se njerëzit nuk dashurojnë më vetë personin dhe nuk i kushtojnë kohën e nevojshme njëri-tjetrit. Në këndvështrimin e saj, brenda një marrëdhënieje vajza mund të jetë më e përkëdhelur dhe duhet të trajtohet si princeshë, jo djali. Ajo shtoi se edhe partneri duhet ta pëlqejë këtë qasje, pasi do ta bënte më burrë.

Ajo foli gjithashtu për materializmin, duke vënë në dukje se shumë djem përpiqen t’u bëjnë përshtypje vajzave përmes luksit, në vend që të ndërtojnë një lidhje të vërtetë.

Në intervistë, Egli shpjegoi edhe arsyen pse zgjodhi të mos e mbante më fizikun shumë muskuloz që kishte formuar në palestër. Ajo tregoi se ndihet më mirë me trupin që ka aktualisht, më të hollë dhe më femëror.

Kur u pyet për aspektin sentimental, Egli pranoi se i mungon prania e një partneri, veçanërisht gjatë fundjavave. Megjithatë, ajo theksoi se nuk do të hynte në një marrëdhënie që nuk i sjell lumturi.

The post Egli Tako hap zemrën për dashurinë: I qëndrova besës, në një marrëdhënie vajza duhet trajtuar si princeshë appeared first on Albeu.com.

Ylli i muzikës latine Marc Anthony dhe bashkëshortja e tij Nadia Ferreira kanë ndarë gëzimin e tyre me publikun duke konfirmuar ardhjen në jetë të fëmijës së dytë të përbashkët.

E sapoardhura në familje është pagëzuar me emrin Myla, duke shënuar kështu fëmijën e dytë për çiftin dhe të tetën për këngëtarin 55-vjeçar.

Njoftimi u dha përmes një postimi të përbashkët në Instagram, ku çifti publikoi edhe disa fotografi të para të foshnjës. “Është një bekim i jashtëzakonshëm që mund t’ju tregojmë se Myla jonë e dashur ka ardhur në jetë. Nuk mund ta përshkruajmë dot lumturinë që mbush shtëpinë tonë”, shprehen ata në mesazhin e postuar.

Vogëlushja Myla tani bëhet pjesë e familjes së bashku me të vëllanë e madh, Marcos, i cili kishte lindur në muajin qershor të vitit 2023.

Lajmi i shtatzënisë së dytë ishte bërë i ditur që në janar të këtij viti, pikërisht në ditën e përvjetorit të tretë të lidhjes së tyre. Në atë kohë, ata publikuan një imazh ku Marcos i vogël vendoste dorën mbi barkun e rrumbullakosur të nënës, duke shkruar: “Në këtë përvjetor të tretë, jeta na dhuron një mrekulli. Zoti është i madh.”

Disa javë pas këtij njoftimi, modelja nga Paraguai zbuloi edhe gjininë e foshnjës përmes një fotografie me këpucë të vogla në ngjyrë rozë.

Marc Anthony dhe Nadia Ferreira u kurorëzuan në janar të vitit 2023 në një ceremoni në Miami, rreth tetë muaj pas fejesës së tyre. Për të renë kjo përfaqëson martesën e parë, ndërsa për artistin është bashkëshortorja e katërt.

Me këtë ardhje të re, Marc Anthony ka gjithsej tetë fëmijë nga marrëdhënie të ndryshme. E para ishte Arianna, e lindur në vitin 1994 nga lidhja me Debbie Rosado, gjatë së cilës ai adoptoi edhe djalin Chase. Më vonë, nga martesa me ish-Miss Universe Dayanara Torres, erdhën në jetë Cristian dhe Ryan.

Një prej periudhave më të komentuara të jetës së tij ishte ajo pranë Jennifer Lopez, me të cilën qëndroi i martuar për një dekadë. Ish-çifti kanë së bashku binjakët Maximilian dhe Emme.

Së fundi, emri i Marc Anthony është përfolur në shtyp pasi ai nuk ishte i pranishëm në ceremoninë e diplomimit të binjakëve. Pak kohë më pas, Jennifer Lopez pranoi në një intervistë se i kishte rritur fëmijët me shumë pak mbështetje, një deklaratë që shkaktoi reagime të shumta në platformat sociale.

The post Marc Anthony mirëpret fëmijën e tetë, çifti zbulon emrin e veçantë të vajzës së porsalindur appeared first on Albeu.com.

Në një intervistë për “Prive”, ai foli për raportin që vazhdon të ketë me ish-bashkëshorten e tij, Teutën, nënën e vajzës së tyre, Tarës. Blero u shpreh me shumë respekt për të, duke zbuluar se ajo e kishte uruar për ardhjen në jetë të djalit.

“Realisht, ajo që për mua dhe për Nitën sigurisht ka qenë shumë e normale dhe e natyrshme, urimi i Teutës, nënës së Tarës, është shumë i mirëpritur për neve dhe ne jemi falënderues,” u shpreh ai.

Megjithatë, kur u pyet për pjesën tjetër të së kaluarës së tij, këngëtari e bëri të qartë se nuk dëshiron të komentojë apo t’i japë hapësirë spekulimeve.

“Kjo është me rëndësi për neve, nëna e Tarës. Për të tjerët absolutisht nuk ka asnjë farë lidhje as që merrem me ato,” tha Blero.

The post U bë baba i një djali me partneren aktuale, e zbulon vetë Blero: Ish-partnerja më ka uruar për lajmin e ëmbël appeared first on Albeu.com.

Përmes një fotografie të publikuar në InstaStory, ku shfaqen të përqafuar, Çunmulaj i ka kushtuar disa fjalë plot dashuri dhe mirënjohje partnerit të saj.

“Gëzuar ditëlindjen, dashuria ime. Kam pasur fatin të festoj 16 ditëlindjet e tua me ty dhe mund të them me gjithë zemër se je bërë versioni më i mirë i vetes”, ka shkruar modelja.

Emina Çunmulaj dhe Sam Nazarian janë prej vitesh bashkë dhe kanë tre fëmijë.

The post Emina Çunmulaj i bën dedikim të veçantë bashkëshortit: Gëzuar ditëlindjen dashuria ime! Ndihem me fat që jam pranë teje appeared first on Albeu.com.

Arkeologë dhe historianë arti kanë kritikuar zgjedhjen e aktores, duke argumentuar se objekte me vlerë të madhe historike dhe kulturore nuk duhet të përdoren si aksesorë mode apo si pjesë e fushatave promovuese të filmave.
Sipas ekspertëve, vathët janë realizuar nga materiale që lidhen me artefakte të lashta të thesarit të Ziwiye në Iran, për të cilat ekzistojnë pretendime se janë marrë në mënyrë të paligjshme nga vendi i origjinës.

Profesorja e historisë së artit, Sussan Babaie, u shpreh e habitur nga vendimi për përdorimin e tyre, duke theksuar se objekte të tilla kanë rëndësi historike dhe shpirtërore dhe nuk duhet të trajtohen thjesht si elemente luksi.
Ndërkohë, galeria londineze Barron, e cila zotëron vathët, ka mbrojtur zgjedhjen duke deklaruar se artefaktet administrohen ligjërisht dhe se huazimi i tyre nuk kishte qëllim komercial.

Sipas galerisë, qëllimi ishte të promovohej mjeshtëria e artizanëve të lashtë persë dhe të rritej ndërgjegjësimi për trashëgiminë kulturore të Iranit.

Deri më tani, Zendaya dhe ekipi i saj stilistik nuk kanë bërë asnjë reagim publik lidhur me kritikat.

The post Zendaya në qendër të kritikave për vathët 3 mijëvjeçarë iranianë gjatë promovimit të “Odisea” appeared first on Albeu.com.

Sipas revistës People, çifti kurorëzoi dashurinë në ishullin ekskluziv Necker, në pronësi të miliarderit britanik Richard Branson, ku zhvilluan një ceremoni intime me praninë e familjarëve dhe miqve më të afërt.
Ndryshe nga videot e tij spektakolare dhe sfidat me miliona dollarë që e kanë bërë një nga krijuesit më të njohur në YouTube, MrBeast zgjodhi që momentin më të rëndësishëm të jetës së tij ta mbante larg kamerave dhe mediave.

Në dasmë morën pjesë rreth 70 të ftuar, ndërsa festimet zgjatën disa ditë në një atmosferë private dhe relaksuese.

Olivia Wilde ngre debat me deklaratën për marrëdhëniet dhe afërsinë emocionale
Thea Booysen u shfaq me një fustan elegant nusërie të dizenjuar nga Nicole Felicia, ndërsa MrBeast veshi një smoking klasik nga Ralph Lauren. Pas ceremonisë së betimeve, të ftuarit shijuan një darkë festive dhe muzikë live.

Historia e dashurisë së çiftit nisi në vitin 2022, kur ata u takuan në Afrikën e Jugut. Më pas lidhja e tyre u bë publike, ndërsa në Krishtlindjet e vitit 2024 MrBeast i propozoi martesë Theas.

Çifti kishte deklaruar më herët se dëshironte një ceremoni të vogël dhe larg vëmendjes mediatike, një dëshirë që e realizuan me dasmën e tyre në një nga ishujt privatë më luksozë në botë.

The post MrBeast i jep fund beqarisë/ YouTuberi më i famshëm në botë martohet në një ishull privat luksoz appeared first on Albeu.com.