Sipas medias gjermane, “Rama dhe Kanye West kanë ditur prej vitesh të tërheqin vëmendjen. Sot, të dy ndodhen në mes të kritikave”.

Teksa dhjetëra mijëra qytetarë vijojnë të protestojnë prej javësh në Shqipëri, duke e akuzuar Ramën për korrupsion, autoritarizëm dhe afërsi me Donald Trump, artikulli thekson se Kanye West mbetet gjithashtu një emër kontrovers në nivel ndërkombëtar për shkak të deklaratave të tij antisemite, të cilat e kanë bërë të padëshiruar në disa shtete.

Në qendër të diskutimit qëndron koncerti i planifikuar për të shtunën në periferi të Tiranës. Der Spiegel shkruan se qeveria shqiptare ka vendosur të mbulojë këtë aktivitet me më shumë se 4 milionë euro, ku përfshihet edhe ngritja e një arene të përkohshme.

Media gjermane citon edhe kryeministrin Rama, sipas të cilit fondet u miratuan “në minutën e fundit” për të shmangur, siç u shpreh ai, dëmtimin e imazhit të Shqipërisë përballë rreth 25 mijë vizitorëve nga afro 80 vende, të cilët i kishin blerë tashmë biletat e koncertit.

Sipas Ramës, ky event pritet të sjellë “të paktën” 100 milionë euro të ardhura për ekonominë shqiptare, kryesisht nga shtimi i rezervimeve në hotele dhe nga aktiviteti turistik.

Megjithatë, Der Spiegel thekson se vendimi për të financuar koncertin ka shkaktuar reagime të forta në një periudhë kur protestat kundër qeverisë vazhdojnë prej më shumë se një muaji. Artikulli kujton se Rama prej vitesh ka promovuar investimet e huaja në Shqipëri, por protestuesit, kryesisht të rinj, e akuzojnë atë se po i jep përparësi interesave private në dëm të pasurive publike.

Sipas medias gjermane, një tjetër çështje që ka rritur zemërimin e qytetarëve është projekti për ngritjen e një resorti luksoz nga Jared Kushner, dhëndri i presidentit amerikan Donald Trump, në një zonë të mbrojtur natyrore në bregdetin shqiptar. Në analizë, debati rreth koncertit të Kanye West paraqitet si një simbol i përplasjes më të gjerë politike mbi mënyrën se si qeveria shqiptare menaxhon fondet publike dhe projektet e mëdha të investimeve.

The post Der Spiegel: Mes protestave për largimin e Ramës, Shqipëria shpenzon 4 mln euro në çastin e fundit për Kanye West appeared first on Albeu.com.

Përmes një njoftimi zyrtar, policia bën me dije se Lika humbi jetën gjatë transportimit drejt Spitalit të Traumës. Shërbimet e Policisë, menjëherë pas marrjes së njoftimit, kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorëve.

Njoftimi i policisë

Rreth orës 22:10, në qytetin e Kurbinit, është qëlluar me armë zjarri ndaj shtetasit I.Gj alias I. L., alias I.K, alias I. N, rreth 40 vjeç. Ai është transportuar me urgjencë drejt Spitalit të Traumës, por ka humbur jetën gjatë transportimit.

Shërbimet e Policisë, menjëherë pas marrjes së njoftimit, kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/autorëve.

Ndërkohë, është ngritur grupi i posaçëm hetimor, i cili, nën drejtimin e Prokurorisë, po punon intensivisht për fiksimin e çdo prove që do t’i shërbejë hetimit, me qëllim zbardhjen dhe dokumentimin ligjor të ngjarjes, si dhe identifikimin dhe kapjen e autorit/autorëve.

The post Vrasja në Laç, policia: 40-vjeçari humbi jetën gjatë transportimit në spital appeared first on Albeu.com.

Ngjarja ka rezultuar fatale për shtetasin Ilir Lika, rreth 40 vjeç, i cili ka ndërruar jetë.

Forcat e policisë kanë shkuar menjëherë në vendin e ngjarjes dhe kanë nisur punën për të sqaruar plotësisht rrethanat, për të identifikuar autorin ose autorët, si edhe për të dokumentuar shkakun e kësaj ngjarjeje të rëndë.

Ndërkohë, në vijim priten njoftime zyrtare nga Policia.

The post Të shtëna me armë në Laç, një person humb jetën (EMRI) appeared first on Albeu.com.

Sipas Shehajt, 4 milionë eurot që po jepen nga Rama janë para të shqiptarëve, të cilët ai i përshkroi si popullin më të varfër në Europë.

Ai i kërkoi artistit amerikan të mos lidhet me kryeministrin Rama, të cilin e quajti autokrat, duke theksuar se një refuzim i koncertit do ta bënte të paharrueshëm.

“Kanye West, kam një kërkesë për ty! Unë jam lideri i një partie opozitare në Shqipëri.

Refuzo paratë që kryeministri Edi Rama po të jep! Hiq dorë nga koncerti në Shqipëri! Edi Rama të ka dhënë 4 milionë euro.

Janë para që u përkasin popullit më të varfër në Europë. Ti nuk ke nevojë për ato para.

Ti je miliarder. Ti e ndërtove suksesin tënd përmes punës tënde. Mos u bëj palë me Edi Ramën. Refuzo paratë e këtij autokrati.

Do të mbahesh mend! Do të bësh histori!” – deklaroi Agron Shehaj në video-mesazhin e tij në rrjetet sociale.

The post Agron Shehaj i drejton apel Kanye West: Mos prano paratë e Ramës, janë të popullit më të varfër në Europë! appeared first on Albeu.com.

Pas largimit nga godina e Kryeministrisë, protestuesit kanë vazhduar marshimin e tyre masiv me ritëm të shpejtë dhe me shumë energji në rrugët kryesore të Tiranës, ndërsa aktualisht ndodhen përgjatë bulevardit “Zogu I”.

Gjatë gjithë ecjes, qytetarët kanë shoqëruar marshimin me thirrje të pandërprera, duke krijuar një jehonë të fortë në zemër të kryeqytetit. “Arrestoni Ramën!” dhe “Rama jep dorëheqjen!” janë ndër sloganet më të përsëritura nga rreshtat e gjatë të protestuesve, të cilët kërkojnë largimin e menjëhershëm të kreut të qeverisë dhe vënien e tij përballë përgjegjësisë për skandalet e fundit me pronat dhe fondet publike.

The post Revolta e qytetarëve vijon pa ndalim! Marshimi i madh mbush bulevardin “Zogu I”, protestuesit brohorasin: Arrestoni Ramën! appeared first on Albeu.com.

Sipas njoftimit zyrtar, AMP ka marrë vendimin për t’i pezulluar përkohësisht punonjësit që dyshohet se duken në video dhe njëkohësisht ka hapur procedimin disiplinor për të zbardhur plotësisht rrethanat e ngjarjes.

Institucioni bëri të ditur gjithashtu se po kryhen veprimet e para procedurale dhe se materialet përkatëse do t’i përcillen Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për shqyrtim dhe vijim të mëtejshëm sipas kompetencës.

AMP ka sqaruar edhe pse punonjësit e saj ndodheshin në vendngjarje. Në njoftim thuhet se më 11 qershor 2026, ata ishin në Sarandë së bashku me punonjës të Policisë së Shtetit, në zbatim të një urdhri prokurori të lëshuar mbi bazën e një vendimi gjykate, për kontrollin e banesës së policit Ajdin Islamaj.

Sipas AMP-së, Ajdin Islamaj figuron person nën hetim në kuadër të procedimit penal nr. 304/2026 për veprën “Shpërdorimi i detyrës”, të parashikuar nga neni 248 i Kodit Penal, dhe ndaj tij është caktuar masë sigurimi.

Agjencia shton se gjatë ekzekutimit të urdhrit të kontrollit, punonjësi i policisë fillimisht ka kundërshtuar dhe nuk ka pranuar të hapë derën e banesës për t’u kryer kontrolli.

The post AMP reagon për videon e punonjësve në Sarandë: Pezullohen përkohësisht dhe nis procedimi disiplinor appeared first on Albeu.com.

Ai iu referua konferencës së fundit të Policisë së Shtetit, të cilën e cilësoi absurde, pasi sipas tij ajo ishte thirrur vetëm sepse protestuesit po u ulnin vlerësimet në Google bizneseve të caktuara.

“Për herë të parë sot u ula në kompjuter të punoja, se kisha me merak review-t e këtyre hajdutëve që kanë vjedhur lekët tona dhe na shesin mend me hotele luksi. Po punoja për ato reviews me nga një yll. Dhe më dërguan mesazh, më thanë ka konferencë drejtori i policisë. Thashë shyqyr u arrestua Balluku, shyqyr kanë kapur Ergys Agasin, Ermal Beqirajn. Thashë shyqyr kanë kapur Ulsi Manjën, shyqyr kapën Mirlinda Karçajan… por çfarë të shihja, patronazhisti ishte merakosur për review në Google! Nuk e ndau, a është e dënueshme me një yll apo me dy yje? Ta dimë sa review t’iu japim”, ironizoi Progni mes të qeshurave dhe duartrokitjeve të turmës.

Më tej, në pjesën e dytë të fjalimit, ai u bëri thirrje intelektualëve dhe të tjerëve që dalin vetëm në televizion, duke i ftuar të jenë fizikisht pranë qytetarëve në rrugë, ndërsa akuzoi edhe pronarë mediash për fshehje taksash dhe tendera të dyshimtë.

“Kam edhe një sugjerim. I shoh shumë intelektualë që flasin nëpër media, por ne nuk i shohim mediat. I shoh që flasin për kuvende, e takime, por ne nuk i shohim mediat. Hajdeni këtu në sheshin e burrave, t’iu dëgjojë populli. Nëse doni të na përfaqësoni hajdeni këtu”, u shpreh ai.

The post Progni ironizon reagimin e shtetit: U merakosën për “reviews” në Google, mendova se kishin arrestuar Ballukun, Agasin apo Karçanajn appeared first on Albeu.com.

Dhjetëra qytetarë i janë bashkuar lëvizjes dhe kanë dalë sërish në rrugët e Tiranës, duke ngritur thirrje kundër qeverisë.

Me pankarta në duar, me flamengot si simbol të protestës dhe me mesazhet që tashmë janë shndërruar në shenjë dalluese të kësaj lëvizjeje qytetare, pjesëmarrësit kanë përcjellë kërkesat e tyre për ndryshim, transparencë dhe përgjegjshmëri.

Mesazhet e tyre janë dëgjuar në disa prej pikave më të rëndësishme të qytetit, ndërsa organizatorët dhe protestuesit kanë theksuar se qëndrimi do të vijojë edhe në ditët në vijim.

Marshimi i sotëm bën pjesë në valën e protestave të zhvilluara gjatë javëve të fundit, ku qytetarë dhe mbështetës të opozitës kanë shprehur kundërshtimin e tyre ndaj qeverisë dhe gjendjes politike në vend.

The post Protesta e 40-të kundër qeverisë vijon në Tiranë, qytetarët marshojnë drejt rrugëve kryesore dhe kërkojnë dorëheqjen e Edi Ramës appeared first on Albeu.com.

Pas votës kundër të opozitës, kryeministri Rama reagoi përmes një postimi në rrjetet sociale, ku shkruante:

“Pra, të gjithë eurodeputetët, madje edhe dikush që erdhi dhe protestoi në Shqipëri, votuan për Shqipërinë së bashku me deputetët e Partisë Socialiste. Sepse Shqipëria nuk ndalon. Ndërsa deputetët e pakicës në Shqipëri votuan kundër dhe u larguan për të shkuar në protestë. Sepse Partia Socialiste nuk ndalet”.

Dokumentit që kishte propozuar Sekretariati i Komitetit Parlamentar iu shtuan edhe rezoluta e Parlamentit Europian dhe rezoluta e miratuar nga Parlamenti shqiptar për procesin e anëtarësimit në BE. Sipas socialistëve, kjo ishte arsye e mjaftueshme që të mos paraqisnin asnjë amendament.

The post Rama reagon pasi opozita nuk mbështeti rezolutën e BE-së për Shqipërinë: Eurodeputetët dhe PS votuan pro vendit appeared first on Albeu.com.

Në ditën e 40-të të qëndresës, një numër i madh protestuesish janë bashkuar dhe kanë dalë në rrugët e Tiranës, duke paralizuar qarkullimin dhe duke ngritur thirrje të ashpra kundër qeverisë së Edi Ramës.

Me pankarta në duar, simbolin e flamingove dhe thirrjet që janë shndërruar tashmë në refren të kësaj revolte, qytetarët po ecin përpara me vendosmëri të dukshme.

Koret e protestuesve po rezonojnë në disa nga pikat më të rëndësishme të qytetit, ndërsa lëvizja qytetare po e ripohon qartë se nuk ka ndërmend të tërhiqet, duke sinjalizuar vijimin pa ndërprerje të qëndresës.

The post Përfundojnë fjalimet te Kryeministria, turma e madhe e qytetarëve mbush rrugët e Tiranës appeared first on Albeu.com.