Rreth 13,000 emigrantë, mes tyre të rritur dhe të mitur, vijojnë të qëndrojnë të bllokuar në qytetin autonom spanjoll të Ceutës, pas mbërritjeve masive të regjistruara më 30 dhe 31 korrik, njoftojnë autoritetet spanjolle.

Sipas Ministres spanjolle të Rinisë dhe Fëmijërisë, Cira Rego, rreth 2,100 persona nga numri i përgjithshëm janë të mitur. Pothuajse 700 prej tyre janë vajza, ndërsa numri i të rriturve i afrohet 11,000.

Rego ka kërkuar që transferimi i të miturve drejt Spanjës kontinentale të përshpejtohet, me synimin për të ulur ngarkesën mbi komunitetin lokal. Ndërkohë, autoritetet po vijojnë identifikimin e fëmijëve që ende nuk janë regjistruar në sistemin zyrtar të mbrojtjes.

Paralelisht, po ndiqen procedurat për të miturit që kanë shprehur dëshirën të rikthehen te familjet e tyre në Marok. Përpara kthimit, duhet të kryhen verifikime të hollësishme për të konfirmuar se në vendin e origjinës i pret një ambient i sigurt familjar dhe mbështetës.

Për përballimin e situatës, qeveria spanjolle ka planifikuar ngritjen e hapësirave të reja të posaçme në Ceuta. Këto struktura synojnë të zgjerojnë kapacitetet për kontrollin e udhëtarëve dhe të shkurtojnë kohën e procedurave të riatdhesimit për personat që nuk plotësojnë kushtet për mbrojtje ndërkombëtare.

The post Ceuta përballet me pasojat e fluksit të emigrantëve, rreth 13 mijë persona ende të bllokuar appeared first on Albeu.com.

Prej më shumë se tre orësh, pjesëtarë të diasporës vijojnë të qëndrojnë në shesh, ndërsa kanë rrethuar edhe godinën e Kryeministrisë.

Protestuesit, të pajisur me flamuj kombëtarë, daulle dhe simbole shqiptare, kërkojnë dorëheqjen e kryeministrit Edi Rama.

“Gjithë Shqipëria është me ne”, “Rama ik”, “Dorëheqja” dhe “Ju erdhi fundi” janë disa prej thirrjeve të dëgjuara gjatë tubimit.

Protestuesit e akuzojnë Ramën se drejton një qeveri të përfshirë në skandale korrupsioni dhe se ka keqqeverisur vendin.

The post Protesta e 105 vijon prej mbi 3 orësh: Diaspora rrethon Kryeministrinë dhe kërkon largimin e Ramës appeared first on Albeu.com.

Shampanja e prodhuar në rajonin francez me të njëjtin emër mund të ketë këtë vit një përqindje më të lartë alkooli, pasi autoritetet kanë lejuar përkohësisht rritjen e kufirit nga 13% në 15%.

Masa lidhet me kushtet e pazakonta të motit gjatë verës, e cila u shoqërua me temperatura rekord dhe thatësirë. Këto rrethana ndikuan në rritjen e nivelit të sheqerit në rrush, i cili gjatë fermentimit shndërrohet nga majaja në alkool.

Megjithatë, vendimi nuk pritet të ndikojë te pjesa më e madhe e prodhimit. Vetëm një numër i kufizuar verërash mund ta ketë tejkaluar lehtë kufirin prej 13% gjatë fermentimit të dytë, proces që i jep shampanjës gazin, duke arritur në rreth 13.1% ose 13.2%.

Për këtë arsye, kufiri i ri prej 15% është miratuar si një përjashtim i jashtëzakonshëm dhe do të zbatohet vetëm gjatë vitit 2026.

Sezoni i këtij viti është cilësuar ndër më të veçantët në historinë e rajonit të Shampanjës. Ai nisi me ngrica të forta pranverore, u pasua nga lulëzim i hershëm dhe gjatë verës u regjistruan pesë valë të nxehti.

Rajoni përjetoi gjithashtu korrjen më të hershme të regjistruar ndonjëherë. Sipas shoqatës së industrisë Comite Champagne, ndikimi i ndryshimeve klimatike mund ta kthejë një situatë të tillë në diçka të zakonshme brenda 10 deri në 15 viteve.

Maxime Toubart, bashkëkryetar i Comite Champagne, deklaroi se temperaturat më të larta në të ardhmen mund ta bëjnë korrjen e pazakontë të këtij viti një dukuri normale brenda 10 deri në 15 viteve.

Pavarësisht rritjes së alkoolit, kjo mund të mos përbëjë domosdoshmërisht një avantazh për prodhuesit në treg. Ekspertët vërejnë se konsumatorët po kërkojnë gjithnjë e më shumë pije me përmbajtje më të ulët alkooli.

Shampanja e prodhuar nga rrushi i vitit 2026 nuk pritet të jetë në shitje përpara vitit 2028, pasi kërkohet të maturohet për të paktën 15 muaj.

Ndryshimet klimatike kanë sjellë rritje të temperaturave mesatare në mbarë botën dhe kanë shtuar shpeshtësinë e intensitetin e valëve të të nxehtit. Evropa renditet ndër rajonet që po ngrohen më shpejt, me një ritëm rreth dy herë më të lartë se mesatarja globale.

The post Temperaturat rekord rrisin alkoolin e shampanjës, prodhuesit francezë marrin leje të veçantë për vitin 2026 appeared first on Albeu.com.

Sipas Ramës, bashkimi i njësive vendore është i pashmangshëm, pasi mbështetet nga teoria botërore, historia e Shqipërisë dhe të dhënat numerike. Ai tha se ky proces duhet të përmbyllet në vitin 2031.

Gjatë takimeve me strukturat socialiste dhe banorët e Vlorës, kreu i qeverisë shpjegoi mënyrën se si pritet të funksionojë organizimi i ri territorial. Rama nënvizoi se reforma nuk synon shkrirjen e shërbimeve apo të qyteteve.

“Shërbimet që sot i kryejnë bashkitë e vogla, qytete do t’i kryejnë përsëri njësoj. Askush nuk do t’i marrë me vete shërbimet. Sot, bashkitë e vogla nuk kryejnë një pjesë të madhe të funksioneve të tyre, sepse nuk kanë mjaftueshëm burime njerëzore”, tha Rama gjatë takimit.

Në kuadër të Reformës Territoriale, gjatë së shtunës Rama zhvilloi takime edhe në Gjirokastër. Atje ai u prezantoi qytetarëve planin e ri të socialistëve, duke marrë Libohovën si shembull.

Takimi në Vlorë u shoqërua me një protestë jashtë Pallatit të Kulturës. Protestuesit drejtoheshin nga Baki Goxhaj, i njohur si udhëheqës i protestave pro Palestinës. Ai u shoqërua në polici së bashku me tre protestues të tjerë.

The post Rama në Vlorë për hartën territoriale: Bashkitë do të bashkohen, reforma synohet të përfundojë në 2031 appeared first on Albeu.com.

Prodhuesit francezë të shampanjës kanë marrë për herë të parë lejen për të rritur përkohësisht përqindjen e alkoolit në këtë pije të gazuar, çka mund të bëjë që konsumatorët të dehen më shpejt.

Për shkak të kushteve të pazakonta të motit, prodhuesit në rajonin e Shampanjës do të mund të prodhojnë gjatë këtij viti shampanjë me deri në 15% alkool, ndërsa më parë kufiri ishte 13%.

Vendimi u mor pas një vere me temperatura rekord dhe thatësirë, faktorë që ndikuan në rritjen e pazakontë të përmbajtjes së sheqerit në rrush. Gjatë procesit të fermentimit, majaja e shndërron këtë sheqer në alkool.

Ky sezon u shënua edhe nga korrja më e hershme e regjistruar ndonjëherë në rajon. Maxime Toubart, bashkëkryetar i Comite Champagne, tha se temperaturat më të larta mund ta kthejnë këtë situatë në një dukuri të zakonshme brenda 10 deri në 15 viteve.

Sipas shoqatës së industrisë Comite Champagne, ndryshimet klimatike mund të bëjnë që një sezon i tillë të konsiderohet normal brenda 10 deri në 15 viteve.

Megjithatë, masa e re pritet të ndikojë vetëm te një numër i kufizuar verërash. Pas fermentimit të dytë, proces që i jep shampanjës gazin, disa produkte mund të kenë kaluar lehtë pragun prej 13%, duke arritur në rreth 13.1% ose 13.2% alkool.

Për këtë arsye, kufiri është rritur në mënyrë të jashtëzakonshme dhe vetëm për vitin 2026, duke u vendosur në 15%.

Sezoni është cilësuar si një nga më të pazakontët në historinë e Shampanjës, pasi përfshiu ngrica të forta pranverore, lulëzim të hershëm dhe pesë valë të nxehti gjatë verës.

Ekspertët vlerësojnë se një nivel më i lartë alkooli mund të mos përbëjë domosdoshmërisht avantazh në treg, duke qenë se konsumatorët po kërkojnë gjithnjë e më shumë pije me përmbajtje më të ulët alkooli.

Shampanja e prodhuar nga rrushi i vitit 2026 nuk pritet të shitet para vitit 2028, pasi kërkon të paktën 15 muaj maturim.

Ndryshimet klimatike po ndikojnë në rritjen e temperaturave mesatare në të gjithë botën dhe po i bëjnë valët e të nxehtit më të shpeshta e më intensive. Evropa është ndër zonat që po ngrohen me ritmin më të shpejtë, rreth dy herë më shpejt se mesatarja globale.

The post Ngrohja globale ndryshon shampanjën, Franca lejon përkohësisht nivel alkooli deri në 15% appeared first on Albeu.com.

Ngjarja është regjistruar në një banesë që ndodhet pranë godinës së Bashkisë së Shkodrës. Sipas të dhënave paraprake të raportuara nga gazetari Senad Nikshiqi, nuk ka persona të lënduar.

Forca të shumta policie kanë shkuar në vendngjarje dhe po punojnë për të sqaruar rrethanat, si dhe për të përcaktuar shkaqet e shpërthimit.

The post Shpërthim i fortë në një banesë pranë Bashkisë së Shkodrës, policia nis hetimet appeared first on Albeu.com.

Aktiviteti në Aeroportin e Brukselit u pezullua për rreth 30 minuta pasi në hapësirën ajrore të tij u konstatua një dron. Lajmi u bë i ditur nga kontrollori belg i trafikut ajror, Skeyes, pothuajse një vit pas një serie incidentesh të ngjashme që shkaktuan shqetësim të madh në vend.

Sipas zëdhënësit Kurt Verwilgen, pas vërejtjes së dronit u vu në zbatim procedura përkatëse, e cila parashikon ndërprerjen e trafikut në pistë deri në 30 minuta pas incidentit të fundit.

Verwilgen nuk dha të dhëna të tjera për modelin apo llojin e dronit dhe nuk bëri të ditur numrin e fluturimeve të devijuara. Ai shtoi se pajisja u largua nga zona pas disa minutash.

Autoritetet belge njoftuan në nëntor të vitit të kaluar se kishin vendosur të blinin dronë mbrojtës kamikazë nga një kompani letoneze. Ky vendim erdhi pas disa inkursioneve të ngjashme pranë aeroporteve civile, bazave ushtarake dhe një centrali bërthamor, të cilat gjatë javëve të fundit kishin shkaktuar ndërprerje dhe shqetësime për sigurinë.

Zyrtarët belgë deklaruan atëherë se incidentet kishin shenja të përfshirjes ruse, por pranuan se nuk dispononin prova që ta vërtetonin këtë. Rusia mohoi çdo rol në këto ngjarje.

The post Panik në Bruksel/ Droni i paidentifikuar shfaqet mbi aeroportin e kryeqytetit belg, pezullohen uljet dhe ngritjet për 30 minuta appeared first on Albeu.com.

Gjatë tubimit foli gazetari Osman Stafa, fjalimi i të cilit emocionoi protestuesit.

Me celularët e ndezur, qytetarët në shesh u bashkuan në një thirrje të vetme: “Dorëheqje, dorëheqje”.

Protesta, e mbajtur në ditën e 105-të të tubimeve, ka në qendër kërkesën për largimin e kryeministrit Edi Rama.

Protestuesit e akuzojnë qeverinë për korrupsion dhe keqqeverisje.

The post Bulevardi ndriçohet nga celularët, protestuesit kërkojnë dorëheqje appeared first on Albeu.com.

Pas vdekjes së papritur të këngëtarit Giorgos Mazonakis, Shoqata Helenike e Hematologjisë ka ngritur sërish shqetësimin për përdorimin e terapive alternative, trajtimeve të paregjistruara dhe procedurave që nuk kanë mbështetje të mjaftueshme shkencore.

Hematologu Dr. Elias Pessach u ka bërë thirrje qytetarëve të tregohen të kujdesshëm dhe të mos i nënshtrohen procedurave të tilla pa u informuar më parë. Sipas tij, “mjekësia nuk është mirëqenie”, ndaj duhet bërë një dallim i qartë mes trajtimeve të miratuara dhe premtimeve të marketingut.

Në njoftimin e saj, Shoqata thekson se rasti i Giorgos Mazonakis ka rikthyer në qendër të vëmendjes situatën e pakontrolluar që lidhet me të ashtuquajturat terapi alternative. Të dhënat e publikuara deri tani e lidhin ngjarjen me një klinikë private të quajtur “Klinika e Qelizave Staminale”.

Shoqata shpjegon se qelizat staminale hematopoietike janë qeliza primitive që prodhojnë elementët e gjakut dhe që kanë aftësinë ta rigjenerojnë atë në mënyrë të vazhdueshme. Në kushte të veçanta spitalore, ato përdoren për transplantet e palcës së kockave te pacientët me leuçemi dhe sëmundje të tjera hematologjike.

Sipas Shoqatës, këto qeliza rigjenerojnë vetëm qelizat e gjakut dhe nuk kanë aftësi të rigjenerojnë inde të tjera të organizmit. Për këtë arsye, përdorimi i tyre për qëllime të tjera nuk është i dokumentuar shkencërisht dhe mund të paraqesë rrezik.

Bazuar në publikimet dhe deklaratat e mjekëve, raportohet se Giorgos Mazonakis kishte shkuar në këtë klinikë për t’iu nënshtruar plazmaferezës.

Plazmafereza është një procedurë terapeutike që zhvillohet me pajisje të posaçme, në mjedise spitalore dhe nga personel i specializuar. Ajo përdoret kryesisht nga hematologët dhe nefrologët për largimin e antitrupave patologjikë nga gjaku, veçanërisht në trajtimin e disa sëmundjeve autoimune.

Si çdo procedurë mjekësore, edhe plazmafereza mund të shoqërohet me efekte anësore. Ndër pasojat më të zakonshme janë ulja e tensionit të gjakut dhe çrregullimet e ritmit të zemrës, kryesisht në sistemin kardiovaskular.

Shoqata paralajmëron se reklamat e të ashtuquajturës “mjekësi alternative” e paraqesin plazmaferezën si një metodë për “detoksifikimin” e trupit, “mirëqenien” dhe “jetëgjatësinë”. Megjithatë, sipas saj, këto pretendime nuk mbështeten nga studimet klinike.

Shoqata Helenike e Hematologjisë kujton se që në vitin 2019 i kishte dërguar një letër Organizatës Kombëtare të Barnave (EOF), Organizatës Kombëtare të Transplanteve (EOM) dhe Ministrisë së Shëndetësisë. Në atë dokument, ajo paralajmëronte për rreziqet e ofrimit dhe reklamimit të terapive qelizore të paprovuara ose shkencërisht të pamjaftueshme.

Në letrën e vitit 2019 kërkohej hetimi i menjëhershëm i strukturave që ofronin terapi qelizore të paautorizuara, forcimi i mekanizmave të mbikëqyrjes dhe informimi zyrtar i publikut për rreziqet e mundshme.

Tashmë, Shoqata i kërkon shtetit, nëpërmjet Organizatës Kombëtare të Barnave, të kërkojë prova të qarta për bazën shkencore dhe dokumentimin e trajtimeve që reklamohen si “rigjeneruese”.

Një tjetër kërkesë i drejtohet shoqatave mjekësore që licencojnë klinikat. Ato duhet të verifikojnë kualifikimin profesional dhe bazën shkencore të aplikantëve, si dhe të mbikëqyrin aktivitetin e anëtarëve të tyre.

Sipas njoftimit, edhe shoqatat shkencore duhet të publikojnë në faqet e tyre zyrtare qëndrimet shkencore për trajtimet që reklamohen si “mrekulli” ose si zgjidhje për një numër të gjerë problemesh shëndetësore.

Në përfundim, Shoqata u bën thirrje qytetarëve të jenë skeptikë dhe të kërkojnë informacion nga burime institucionale, jo nga materialet reklamuese.

Analiza e hematologut Dr. Elias Pessach

Duke iu referuar vdekjes së papritur të Giorgos Mazonakis, por pa paragjykuar shkakun e saj apo ndonjë përgjegjësi, e cila do të përcaktohet nga hetimi zyrtar, Dr. Elias Pessach thotë se duhet të nisë një debat për mënyrën se si ofrohen dhe promovohen disa prej këtyre procedurave.

Hematologu vëren se vitet e fundit janë shtuar qendrat që ofrojnë shërbime të lidhura me mezoterapinë, kundër plakjes, jetëgjatësinë, “detoksifikimin” dhe mirëqenien.

Ai përshkruan një realitet ku përdoren fjalë mbresëlënëse në anglisht, ambiente luksoze dhe premtime për “pastrimin” e gjakut, forcimin e imunitetit, rigjenerimin e qelizave dhe rininë e përjetshme. Për këtë arsye, sipas tij, është e domosdoshme të dallohen procedurat që në thelb janë të ndryshme.

Dr. Pessach sqaron se plazmafereza terapeutike nuk është një procedurë “detoksifikimi”. Gjatë saj, gjaku nxirret jashtë trupit dhe kalon në një pajisje të posaçme; plazma largohet, ndërsa qelizat e gjakut i rikthehen pacientit së bashku me një lëng zëvendësues.

Procedura përdoret për disa sëmundje të rënda hematologjike, neurologjike dhe autoimune. Ajo mund të shkaktojë rënie të tensionit të gjakut, ulje të kalciumit në gjak, reaksione alergjike ose aritmi, ndaj kërkon monitorim të vazhdueshëm.

Hematologu nënvizon gjithashtu se plazmafereza nuk duhet ngatërruar me PRP-në.

PRP-ja realizohet duke marrë një sasi të vogël gjaku nga vetë personi, duke e centrifuguar atë dhe, zakonisht, duke injektuar lokalisht plazmën e pasur me trombocite. Ajo nuk është plazmaferezë dhe as terapi me qeliza staminale.

Edhe qelizat staminale, thekson Dr. Pessach, nuk mund të konsiderohen “eliksir rinie”.

Ekzistojnë trajtime reale dhe jetëshpëtuese me qeliza staminale hematopoietike, ndër të cilat transplantet për pacientët me leuçemi dhe sëmundje të tjera të rënda. Por kjo nuk do të thotë se çdo PRP ose koncentrat gjaku i përshkruar si “i pasur me qeliza CD34+” është trajtim i miratuar për plakjen, demencën, sëmundjet e zemrës apo “forcimin e organizmit”.

“Plazmaferezë është një gjë, PRP-ja një tjetër, koncentrati i qelizave një tjetër dhe transplanti i qelizave staminale një tjetër”, thekson ai.

Sipas tij, këto terma nuk janë të këmbyeshëm dhe nuk duhet të përdoren për të krijuar përshtypjen e një trajtimi më të avancuar apo për të mashtruar pacientët.

Dr. Pessach vëren se një qendër nuk shndërrohet në klinikë mjekësore vetëm nga fakti se ka fjalën “klinikë” në emërtimin e saj.

Procedurat që kërkojnë licencë të posaçme, infrastrukturë të përshtatshme, personel të trajnuar, monitorim të vazhdueshëm dhe pajisje reanimimi nuk mund të kryhen kudo dhe nga kushdo.

“Asnjë person nuk mund të kryejë procedura mjekësore vetëm sepse ka ndjekur një seminar”, shprehet hematologu. Ai kujton se profesionistët e ndryshëm të shëndetësisë kanë kompetenca të përcaktuara qartë nga ligji.

“Edhe një diplomë mjekësore nuk është një çek i bardhë. Unë jam hematolog”, thekson ai.

Për të ilustruar rëndësinë e specializimit, Pessach sjell shembullin e një pacienti me gurë në veshka ose që ka nevojë për një ndërhyrje kirurgjikale në prostatë. Në një rast të tillë, pacienti do t’i drejtohej një urologu dhe jo një mjeku të një specialiteti tjetër vetëm sepse ai është mjek.

Në të njëjtën mënyrë, shton ai, nuk mjafton që dikush të jetë mjek, të blejë një pajisje dhe të fillojë të reklamojë plazmaferezë, “qeliza staminale”, ekzosome ose “serume rinie” intravenoze pa trajnimin, dokumentacionin dhe licencimin e nevojshëm.

Çdo procedurë invazive ose intravenoze duhet të ketë një indikacion të qartë mjekësor. Ajo duhet të kryhet pas marrjes së historisë së plotë të pacientit dhe pëlqimit të informuar, ndërsa preparatet e përdorura duhet të jenë të gjurmueshme.

Struktura ku kryhet procedura duhet gjithashtu të jetë në gjendje të trajtojë menjëherë komplikacionet e rënda, përfshirë reaksionet anafilaktike dhe arrestin kardiak.

Dr. Pessach u sugjeron qytetarëve që, para se t’i nënshtrohen një procedure të tillë, të pyesin se kush do ta kryejë atë dhe çfarë specializimi ka, nëse struktura është e licencuar, çfarë procedure ose produkti do të përdoret saktësisht, nëse ai është i miratuar për qëllimin e propozuar dhe kush do të kujdeset për pacientin në rast të një komplikacioni serioz.

“Nëse nuk ka përgjigje të qarta, largohemi”, thekson Pessach.

Në analizën e tij, hematologu ngre edhe çështjen e mënyrës se si kontrollohen këto shërbime në Greqi.

Sipas tij, një kërkim i thjeshtë në internet me termat “PRP”, “qeliza staminale”, “serume”, “detox” ose “ëellness” nxjerr mjekë të specialiteteve të ndryshme, dentistë, profesionistë të estetikës dhe qendra që reklamojnë një gamë të gjerë trajtimesh.

Kjo, sqaron ai, nuk do të thotë automatikisht se çdo aktivitet është i paligjshëm. Megjithatë, lind pyetja se kush kontrollon se çfarë procedure kryhet, nga kush, në çfarë strukture, me çfarë licence dhe mbi çfarë baze shkencore.

Në fund, Dr. Pessach kërkon krijimin e një regjistri publik të strukturave të licencuara, kryerjen e inspektimeve të papritura, kontrollin e reklamave mjekësore në internet dhe vendosjen e sanksioneve reale kur evidentohen shkelje.

“Kontrolli shtetëror nuk mund të zgjohet vetëm kur dikush vdes. Mjekësia nuk është mirëqenie. Shkenca nuk është marketing. Dhe jeta njerëzore nuk është një fushë eksperimentimi e pakontrolluar”, përfundon hematologu.

The post Vdekja e Mazonakis rikthen debatin për terapitë alternative, hematologët: Informohuni para çdo procedure appeared first on Albeu.com.

Në fjalën e saj, ajo përmendi edhe deputeten e Partisë Socialiste, Zegjine Caushin, duke ngritur pikëpyetje për apartamentin me vlerë 250 mijë euro dhe duke kërkuar që çështja të shqyrtohet nga drejtësia.

Protestuesja tha se pas hekurave duhet të jenë personat që, sipas saj, kanë vjedhur qytetarët për më shumë se 30 vite. Ajo ngriti si shqetësim faktin që Zegjine Caushi, të cilën e cilësoi si analfabete, pas vetëm një viti si deputete rezulton me një apartament 250 mijë euro, ndërsa njerëzit punojnë gjithë jetën dhe nuk arrijnë të blejnë një shtëpi. “Ku është barazia këtu? Ligji duhet të zbatohet njësoj për të gjithë”, u shpreh ajo.

The post “Në pranga duhet të përfundojnë ata që na kanë vjedhur prej 30 vitesh”/ Protestuesja ngre akuza për Zegjine Caushin: Një vit deputete dhe apartament 250 mijë euro appeared first on Albeu.com.