Sipas protestuesve, mungesa e sigurisë dhe e hapësirave të posaçme për fëmijët janë shkaqet kryesore të kësaj tragjedie.

Si ndodhi ngjarja e rëndë?

Aksidenti i rëndë u shënua mesditën e 3 majit në zonën e ish-kënetës në Durrës, ku Nikoll Radaçi, teksa drejtonte automjetin tip “Mercedes-Benz ML” me shpejtësi të lartë, përplasi tre fëmijët të moshave 8, 10 dhe 12 vjeç, që ndodheshin në trotuar. Dy prej tyre, 10 dhe 12 vjeçari, ndërruan jetë në vendngjarje, ndërsa 8-vjeçari u dërgua në gjendje të rëndë në spital.

Radaçi rezultoi në gjendje të dehur në momentin e aksidentit. Pas aksidentit, drejtuesi i automjetit është larguar nga vendi i ngjarjes, duke pretenduar se kishte frikë nga reagimi i qytetarëve. Ndërkohë që nga testet e alkoolit është zbuluar se 57-vjeçari drejtonte mjetin në gjendje të dehur, me nivel 0.73 mg/l. Kjo nuk është hera e parë që 57-vjeçari ecte në gjendje të dehur në makinë dhe me shpejtësi. Më parë atij i është pezulluar dy herë patenta në vitin 2020 dhe 2022.

The post Aksidenti tragjik në Durrës/ Të afërmit të dy fëmijëve që humbën jetën, ndezin qirinj para Bashkisë Durrës në shenjë proteste appeared first on Albeu.com.

Burime për mediat bëjnë me dije se KLGJ ka përcaktuar se transmetimi audio-viziv lejohet në raste të caktuara dhe me dakordësim të gjyqtarit.

Pra, me pak fjalë do të jetë gjyqtari i çështjes ai që vendos nëse një seancë mund të filmohet plotësisht, pjesërisht ose të mos lejohet fare transmetimi, në varësi të zhvillimit të procesit dhe interesit të drejtësisë.

Në rastet e tjera kur në sallën e gjyqit të pranishme janë një sërë kamerash dhe njerëz të mediave raportohet se do të lejohet vetëm një numër i kufizuar filmimesh. Ndërsa shtohet se pamjet do të shpërndahen për të gjitha mediat e tjera.

Ndryshime të tilla për seancat gjyqësore vijnë vetëm pak ditë nga kërkesa e bërë nga ish-presidenti Ilir Meta dhe kryebashkiaku i Tiranës Erion Veliaj, për transmetimin live të seancave të tyre gjyqësore, kërkesë e cila nuk u miratua.

The post KLGJ dakordësohet për plotësimin e kërkesave të Erion Veliajt dhe Ilir Metës por me disa kushte: Gjyqtari ka “frenat” e seancës gjyqësore! appeared first on Albeu.com.

Në postimin e bërë në faqen e tyre zyrtare në Instagram, TIA njofton se fluturimet në Aeroportin e Tiranës vijojnë normalisht dhe situata është nën kontroll. Ndërsa nënvizohet se nuk ka probleme me furnizimin me karburant të linjave ajrore që operojnë nga aeroporti.

“Fluturimet në Aeroportin Ndërkombëtar të Tiranës vijojnë normalisht. Të gjitha operimet po zhvillohen sipas planifikimit, ndërsa furnizimi me karburant garanton vazhdimësi të plotë dhe të sigurt të shërbimit për të gjitha linjat ajrore” shkruhet në reagimin e bërë nga TIA.

Më tej Aeroporti i Tiranës nënvizon se primare për kompaninë e tyre mbeten pasagjerët dhe përmbushja e kushteve për siguri dhe një eksperiencë të besueshme udhëtimi.

“Prioriteti ynë mbetet gjithmonë siguria dhe një eksperiencë e besueshme për çdo pasagjer” shtohet në reagimin e bërë nga TIA.

Reagimi i Aeroportit Ndërkombëtar të Tiranës:

Fluturimet në Aeroportin Ndërkombëtar të Tiranës vijojnë normalisht.

Të gjitha operimet po zhvillohen sipas planifikimit, ndërsa furnizimi me karburant garanton vazhdimësi të plotë dhe të sigurt të shërbimit për të gjitha linjat ajrore.

Prioriteti ynë mbetet gjithmonë siguria dhe një eksperiencë e besueshme për çdo pasagjer.

The post Çmimet e larta të naftës shkurtuan fluturimet në mbarë botën, Aeroporti i Tiranës ka një njoftim dhe për shqiptarët appeared first on Albeu.com.

Në një deklaratë për mediat, sekretari për çështjet ligjore në PD, Ivi Kaso, bëri të ditur se Kryesia u njoh me tre aplikime zyrtare të konsideruara të vlefshme nga KOKOE, të cilat përmbushnin kushtin bazë të anëtarësisë në parti.

Ai sqaroi se përveç kreut aktual Sali Berisha, kandidaturat e paraqitura nga Mereme Sela dhe Vladimir Mulaj u shqyrtuan në mënyrë të detajuar, por nuk arritën të plotësojnë të gjitha kriteret e përcaktuara në vendimmarrjen e datës 18 mars 2026.

Sipas Kasos, kriteret përfshijnë jo vetëm qenien anëtar i Partisë Demokratike, por edhe eksperiencë të konsiderueshme drejtuese në strukturat qendrore dhe vendore të partisë, si dhe përmbushjen e standardeve të integritetit në përputhje me legjislacionin në fuqi.

Deklarata:

“Komisioni njëzëri vlerësoi se zoti Berisha i plotësonte të treja këto kritere, ndërkohë që dy kandidatët e tjerë, pavarësisht se plotësonin kushtin e të qenit anëtarë të Partisë Demokratike, si zonja Sela dhe zoti Mulaj, nuk plotësonin kriteret e tjera përsa i përket eksperiencës së tyre drejtuese në strukturat qendrore dhe vendore të Partisë Demokratike për një periudhë 10-vjeçare, dhe për këtë arsye u konsideruan të papërshtatshme nga KOKOE-ja dhe u konsideruan gjithashtu të papërshtatshme dhe nga kryesia e Partisë Demokratike për të garuar”, tha Kaso.

Pyetje: Ditën e djeshme zonja Sela ka dërguar në gjykatë shkresat për të cilat nuk është pranuar këtu nga selia e Partisë Demokratike për të kandiduar. Keni një koment për këtë?

Ivi Kaso: Nuk është pranuar për të kandiduar, ju referojeni vendimmarrjes e cila nuk e ka kualifikuar. Unë besoj që vendimi i KOKOE-s është i qartë dhe i arsyetuar.

Ndalet në rastin e zonjës Sela, e cila siç KOKOE e ka vërejtur dhe ka shqyrtuar, plotëson vetëm një kriter nga ato të përcaktuara në vendimmarrjen e datës 18.03, pra vetëm kriterin e anëtarësisë.

As nga pikëpamja formale dokumentacioni i zonjës Sela nuk ishte i plotë, pasi i mungonte dhe kriteri tjetër thelbësor, pra paraqitja e formularit të dekriminalizimit, të cilin zonja nuk e ka paraqitur pranë Partisë Demokratike, por tutje asaj, për shkak se nuk plotësonte kriterin themelor, atë të një figure me eksperiencë drejtuese 10, të paktën 10 vjeçare në strukturat e larta drejtuese të Partisë Demokratike, automatikisht ka pasjellë skualifikimin e kësaj zonje.

Sigurisht statuti parashikon edhe mënyrat në të cilat ankohet ndaj kësaj vendimmarrje kushdo i interesuar që është bërë pjesë e garës, dhe sigurisht ankimimi i drejtpërsëdrejti në gjykatë, në qoftë se është kjo që ka ndodhur, nuk është rruga e duhur statutore, pasi statuti parashikon që në këto raste ankimimi i drejtohet së pari gjykatës së partisë dhe mbas ezaurimit të kësaj rruge administrative, eventualisht çështja mund të bëhet objekt shqyrtimi edhe gjyqësor. Por besoj që në këtë rast jo vetëm statuti, por edhe kriteret e vendosura dhe transparenca që ka bërë KOKOE në vendimmarrjen e saj përsa i përket kësaj zonje, lë pak vend për diskutim.

The post Kryesia miraton emrin e Sali Berishës për Kryetar, Ivi Kaso: Ai plotëson kriteret; Ervin Salianji zyrtarisht nuk është më anëtar i Partisë Demokratike appeared first on Albeu.com.

Në reagim, Reporterët pa Kufij nënvizojnë se, renditja e Shqipërisë në vendin e 83-të pasqyron sulmet politike, abuzimin me organet e zbatimit të ligjit, transparencën e ulët dhe kërcënimet ndaj gazetarëve.

“Kryeministër Edi Rama, ne masim lirinë e medias, jo komunikimin e qeverisë. Renditja e Shqipëria në vendin e 83-të (-3) në Indeksin 2026 pasqyron sulmet politike, abuzimin me organet e zbatimit të ligjit, transparencën e ulët të medias dhe kërcënimet ndaj gazetarëve”, thuhet në reagimin e Reporterëve ka Kufij.

Kjo deklaratë erdhi pas një postimi të mëhershëm të kryeministrit Edi Rama, i cili vinte në dukje një vlerësim pozitiv të Agjencisë për Media dhe Informim në një raport të SIGMA-OECD, ndërsa ironizoi duke përmendur “bërbaltje”, që sipas tij, janë bërë nga të 4 anët nga brenda dhe jashtë vendit.

“Deri dje e bombarduan dhe përbaltën nga të katër anët, ca nga brenda e ca nga jashtë, duke vënë kujën e duke harxhuar bojë kot, për raportet e tyre të pavarura jo vetëm nga qeveria, po edhe nga faktet… Por ja që e vërteta qenkesh ndryshe, shumë ndryshe, sepse kjo Agjencia për Media dhe Informim e qeverisë, e pagëzuar në lindjen e saj me bombat e me baltën e pushtetit të katërt, luaka një rol krejt tjetër, e na qenka në shërbim cilësor të mediave dhe të publikut natyrisht.

Dhe këtë nuk po e them më unë. Nuk e thotë as qeveria e një vendi që targetohet rëndom dhe jo rrallë fare kuturu, për lirinë e shtypit. Këtë e thotë raporti i SIGMA-OECD, një ndër ato burime institucionale ndërkombëtare, reputacioni i fortë i të cilave është krijuar mbi respektin për faktet, jo mbi perceptimet, mbi analiza profesionale, jo mbi paragjykime arbitrare, mbi vlerësime objektive të të vërtetave, jo mbi amplifikime subjektive të gjysëm të vërtetave!”, shkroi Rama.

The post “Ne masim lirinë e medias, jo komunikimin e qeverisë”/ Reporterët pa Kufij i përgjigjen Ramës: Renditja e Shqipërisë në vendin e 83-të pasqyron sulmet politike e kërcënimet ndaj gazetarëve appeared first on Albeu.com.

Raporti që u miratua me 58 vota pro, 7 kundër dhe 7 abstenim, nënvizon faktin se si çështja e imunitetit duhet trajtohet strikt në përputhje me dispozitat kushtetuese dhe procedurat ligjore të përcaktuara, pa ndërhyrje politike dhe pa vonesa të pajustifikuara.

“6 a. Kujton se imuniteti parlamentar është pjesë e kuadrit kushtetues të projektuar për të garantuar funksionimin e duhur të institucioneve demokratike; thekson se çdo vendim në këtë drejtim duhet të merret strikt në përputhje me dispozitat kushtetuese dhe procedurat ligjore të përcaktuara, pa ndërhyrje politike dhe pa vonesa të pajustifikuara; (AM 96, 104 EPP, i ngjashëm me AM 119 ECR)”, sqarohet konkretisht në raportin e PE-së.

Kujtojmë se SPAK kërkoi heqjen e imunitetit të Ballukut për t’i hapur rrugë arrestimit të saj, ndërkohë që mazhoranca me forcën e kartonave e rrezoi kërkesën e paraqitur në Kuvend.

The post SPAK kërkoi arrestimin e ish-zv.kryeministres/ Çështja “Balluku” në raportin e PE për Shqipërinë: Imuniteti duhet te trajtohet pa ndërhyrje politike dhe pa vonesa të pajustifikuara! appeared first on Albeu.com.

Shqyrtimi i projektligjit “Për identifikimin elektronik, shërbimet e besuara dhe portofolin e identitetit digjital”, në komisionin për Çështjet Ligjore dhe Administratën Publike, u shoqërua me përplasje mes deputetit Gent Strazimiri dhe Kryetarit të Komisionit të Ligjeve, Ulsi Manja.

Gjatë fjalës së tij, Strazimiri nuk i ka kursyer ironitë kur ka pyetur se çfarë kriteri plotëson AKSHI, i cili konsiderohet si i vetmi institucion që mund të kryejë Identifikimin Elektronik.

Gjithashtu, Strazimiri theksoi se AKSHI nuk po përmbush asnjë kriter, pasi të gjithë njerëzit i ka në burg dhe sipas tij, edhe ata që nuk janë po bëhen gati të shkojnë.

Strazimiri: Duhet të shqetësohemi sidomos kur marrim nga qeveria përgjigjen që i vetëm institucion që mund të krijojë identitetin digjital qenka AKSHI, që është struktura shtetërore e zhytur në skandale të të gjithë llojeve, ku gjysmën e njerëzve i ka në kërkim, gjysmat në burg, gjysmat po bëhen gati të shkojnë në burg. E rëndësishme është që komisioni të thellohet. Nëse do të shkojmë te Kaçanai që jetoka me qera por as vetë nuk di se ku i ka vilat, u ngatërroka, e rëndësishme është që t’i japim kohë vetes e të shohim si implementohet. Kur të dhënat tona elektronike prej 10 vitesh i kanë në dorë patronazhistët, ose i marrin sa herë të kenë qejf iranianë t e i nxjerrin, në fund na del që i paskan shitur vetë ata të AKSHI-t që janë në burg ose në kërkim nga kjo drejtësia e re, duhet të ndalemi të mendohemi e të bëjmë disa seanca dëgjimore. Ose ta çojmë në gropë, aty ku ka rënë AKSHI, këtë praktikë pa lindur mirë akoma. Kur themi që i vetmi institucion që përmbush kriteret për të implementur këtë ligj qenka AKSHI, ti i pari duhet të thuash a të çohemi ta mbyllim e t’i vëmë drynin këtij institucioni, sepse e dimë ku do ta çojë, AKSHI i ka në burg njerëzit.

Manja: Institucioni është institucion dhe individi është diçka tjetër. E dëgjova sugjerimin tuaj, por edhe nëse do të ftojmë ekspertët më të mirë ndërkombëtarë ti sërish nuk e ndërron mendimin

Strazimiri: Bëni të paktën sikur shqetësohesh.

Manja: Nuk bëjmë dot. Ne do ta miratojmë projektligjin sepse na keni kërkuar disa herë të bëni sikur jeni pro ligjeve të integrimi. Ky është një nga këto ligje. Në Konferencë Kryetarësh, në seancë plenare para dy javësh na keni thënë t’u themi kush janë ligjet e paketës së integrimit që të mbani qëndron pro tyre.

Strazimiri: Çfarë kriter përmbush AKSHI kur i ka të gjithë njerëzit në burg, dhe ata që nuk janë po bëhen gati të shkojnë atje?

The post Strazimiri “përplaset” me Manjën për identifikimin elektronik: Çfarë kriteri përmbush AKSHI kur i ka të gjithë njerëzit në burg appeared first on Albeu.com.

Sipas raportit korrupsioni mbetet shqetësim serioz në vendin tonë ndërkohë që kërkon forcim të hetimeve dhe dënimeve, sidomos në nivele të larta.

“Kërkohet forcimi i organeve të qeverisjes së drejtësisë dhe investime në infrastrukturë e dixhitalizim. Korrupsioni mbetet shqetësim serioz dhe kërkon forcim të hetimeve dhe dënimeve, sidomos në nivele të larta”.

Ndërkohë një vend e veçantë i dedikohet medias, ku rekomandohet mbrojtje më e fortë e lirisë së shprehjes dhe pluralizmit mediatik.

Në raport shprehet shqetësim edhe mbi keqpërdorimin e burimevë të administratës dhe polarizimi politik e diskursin përplasës që dëmton funksionimin e institucioneve demokratike.

“Vëren se kuadri zgjedhor konsiderohet përgjithësisht i përshtatshëm, por shpreh shqetësime për barazinë e kushteve, keqpërdorimin e burimeve administrative, akuzat për blerje votash dhe presion mbi votuesit; bën thirrje për reformë zgjedhore gjithëpërfshirëse dhe zbatim të rekomandimeve të OSBE/ODIHR dhe Komisionit të Venecias”, thuhet në raport.

RAPORTI:
Parlamenti Evropian,
– duke pasur parasysh Marrëveshjen e Stabilizim-Asociimit ndërmjet Komuniteteve Evropiane dhe Shteteve Anëtare të tyre, nga njëra anë, dhe Republikës së Shqipërisë, nga ana tjetër,

– duke pasur parasysh aplikimin e Shqipërisë për anëtarësim në BE, paraqitur më 24 prill 2009,

– duke pasur parasysh Rregulloren (BE) 2021/1529 të Parlamentit Evropian dhe të Këshillit të 15 shtatorit 2021 për krijimin e Instrumentit për Ndihmën e Para-Anëtarësimit (IPA III),

– duke pasur parasysh Rregulloren (BE) 2024/1449 të Parlamentit Evropian dhe të Këshillit të 14 majit 2024 për krijimin e Mekanizmit për Reforma dhe Rritje për Ballkanin Perëndimor,

– duke pasur parasysh komunikimin e Komisionit të 5 shkurtit 2020 “Forcimi i procesit të anëtarësimit – Një perspektivë e besueshme e BE-së për Ballkanin Perëndimor”,

– duke pasur parasysh komunikimin e Komisionit të 8 nëntorit 2023 “Plani i ri i rritjes për Ballkanin Perëndimor”,

– duke pasur parasysh Agjendën e Reformave të Shqipërisë të paraqitur në kuadër të Mekanizmit të Reformës dhe Rritjes së BE-së, siç është miratuar nga Komisioni më 23 tetor 2024,

– duke pasur parasysh komunikimin e Komisionit të 8 korrikut 2025 “Raporti për Shtetin e së Drejtës 2025”, i shoqëruar me dokumentin e punës së shërbimeve të Komisionit “Raporti për Shtetin e së Drejtës 2025 – Kapitulli për situatën e shtetit të së drejtës në Shqipëri”,

– duke pasur parasysh komunikimin e Komisionit të 4 nëntorit 2025 “Komunikimi 2025 për Politikën e Zgjerimit të BE-së”, i shoqëruar me dokumentin e punës “Raporti për Shqipërinë 2025”,

– duke pasur parasysh raportin përfundimtar të 23 tetorit 2025 të Misionit të Vëzhgimit të Zgjedhjeve të ODIHR-it të OSBE-së mbi zgjedhjet parlamentare të Shqipërisë të 11 majit 2025,

– duke pasur parasysh deklaratën e Samitit BE–Ballkani Perëndimor të mbajtur në Bruksel më 17 dhjetor 2025,

– duke pasur parasysh rezolutat e mëparshme për Shqipërinë,

– duke pasur parasysh nenin 55 të Rregullores së tij,

– duke pasur parasysh raportin e Komisionit për Punët e Jashtme (A10-0000/2026),

A. duke qenë se zgjerimi i BE-së mbetet një investim strategjik në paqe, siguri, stabilitet dhe zhvillim demokratik e socio-ekonomik në të gjithë kontinentin evropian;

B. duke qenë se Shqipëria ka ruajtur një orientim të qartë strategjik drejt anëtarësimit në BE dhe ka demonstruar përputhje të plotë me politikën e përbashkët të jashtme dhe të sigurisë (CFSP) të BE-së;

C. duke qenë se Shqipëria është vend kandidat që nga viti 2014, ka nisur negociatat e anëtarësimit në korrik 2022, ka përfunduar me sukses procesin e “screening”-ut në nëntor 2023 dhe ka hapur të gjitha grup-kapitujt e negociatave ndërmjet

15 tetorit 2024 dhe 17 nëntorit 2025;

D. duke qenë se Raporti i Komisionit për vitin 2025 konfirmon se vendi vazhdon të bëjë progres në shumicën e fushave të lidhura me anëtarësimin, ndërsa thekson nevojën për reforma më të thella, më të qëndrueshme dhe të pakthyeshme;

E. duke qenë se besueshmëria e procesit të zgjerimit varet nga kushtëzimi i rreptë, progresi i bazuar në meritë dhe zbatimi efektiv i reformave, jo vetëm nga miratimi formal i legjislacionit;

F. duke qenë se forcimi i institucioneve demokratike, pavarësia e gjyqësorit, lufta kundër korrupsionit, liria e medias dhe të drejtat themelore mbeten thelbësore për rrugëtimin e Shqipërisë drejt anëtarësimit;

G. duke qenë se rekomandimet e OSBE/ODIHR për përmirësimin e procesit zgjedhor ende nuk janë zbatuar plotësisht;

1. Përshëndet angazhimin e jashtëzakonshëm të Shqipërisë për integrimin në BE, të bazuar në konsensusin mes forcave politike dhe mbështetjen e gjerë qytetare, si dhe faktin që u hapën të gjitha grup-kapitujt brenda vetëm 13 muajve;

2. Përshëndet ambicien për të përmbyllur negociatat deri në fund të vitit 2027 dhe progresin e shpejtë të viteve të fundit; thekson nevojën për zbatim të plotë të legjislacionit;

3. Vëren se kuadri zgjedhor konsiderohet përgjithësisht i përshtatshëm, por shpreh shqetësime për barazinë e kushteve, keqpërdorimin e burimeve administrative, akuzat për blerje votash dhe presion mbi votuesit; bën thirrje për reformë zgjedhore gjithëpërfshirëse dhe zbatim të rekomandimeve të OSBE/ODIHR dhe Komisionit të Venecias;

4. Shpreh shqetësim për polarizimin politik dhe diskursin përplasës që dëmton funksionimin e institucioneve demokratike;

5. Inkurajon forcimin e rolit mbikëqyrës të Kuvendit, transparencën legjislative dhe konsultimin me shoqërinë civile;
—## Shteti i së drejtës, gjyqësori dhe lufta kundër korrupsionit

6. Përshëndet vijimin e reformës në drejtësi dhe procesin e vettingut; vëren sfida si vonesat në çështje dhe përpjekjet për ndikim të padrejtë;

7. Kërkon forcimin e organeve të qeverisjes së drejtësisë dhe investime në infrastrukturë e dixhitalizim;

8. Thekson se korrupsioni mbetet shqetësim serioz dhe kërkon forcim të hetimeve dhe dënimeve, sidomos në nivele të larta;

9. Insiston në adresimin e korrupsionit në të gjitha nivelet për të rritur besimin e qytetarëve;

10. Thekson rëndësinë e luftës kundër krimit të organizuar dhe bashkëpunimit me agjenci të BE-së si Europol dhe Eurojust;
—## Të drejtat themelore dhe liria e medias

11. Kërkon mbrojtje më të fortë të lirisë së shprehjes dhe pluralizmit mediatik;

12. Inkurajon forcimin e mbrojtjes së minoriteteve dhe grupeve të cenueshme, përfshirë romët, egjiptianët, personat me aftësi të kufizuara, punëtorët migrantë dhe personat LGBTIQ+; shpreh shqetësim për retorikën antigjinore;

13. Nënvizon nevojën për përmirësimin e aksesit në drejtësi;
—## Reforma në administratën publike

14. Vlerëson progresin, por kërkon depolitizim dhe rekrutime mbi bazë merite;

15. Kërkon planifikim më të mirë të politikave dhe transparencë buxhetore;
—## Reforma socio-ekonomike dhe mjedisi

16. Përshëndet angazhimin në Planin e Rritjes së BE-së, por vëren dobësi strukturore si informaliteti dhe produktiviteti i ulët;

17. Thekson rëndësinë e investimeve në arsim dhe inovacion;

18. Nënvizon rëndësinë e dialogut social dhe përfaqësimit sindikal;

19. Shpreh shqetësim për mungesën e progresit në mjedis dhe klimë;
—## Politika e jashtme dhe bashkëpunimi rajonal

20. Përgëzon për përputhjen e plotë me politikën e jashtme dhe të sigurisë të BE-së;

21. Thekson rëndësinë e marrëdhënieve të fqinjësisë së mirë;
—## Mbështetja e BE-së

22. Përshëndet ndihmën financiare dhe teknike të BE-së, duke theksuar lidhjen e saj me zbatimin e reformave;

23. Ngarkon Presidentin e Parlamentit që ta përcjellë këtë rezolutë institucioneve përkatëse të BE-së dhe autoriteteve të Republikës së Shqipërisë.

The post Komisioni i Jashtëm i PE miraton rezolutën për Shqipërinë: Korrupsioni mbetet shqetësim serioz! Të forcohen hetimet dhe dënimet e niveleve të larta appeared first on Albeu.com.

Nikoll Radaçi, u shfaq në gjendje të rënduar psikologjike dhe nuk foli asgjë para gjykatës. Ndërkohë, familjarët nuk e kanë mbështetur, madje ata janë larguar nga banesa nga frika e hasmërisë.

Aksidenti i rëndë ndodhi mesditën e 3 majit në lagjen nr.15 të Durrësit. 3 fëmijë ishin duke luajtur me top në trotuar kur 57-vjeçari në gjendje të dehur, humbi kontrollin e mjetit dhe mori para të miturit, duke lënë të vdekur 2 prej tyre.

E. M., 12-vjeç dhe K. N., 10-vjeç ndërruan jetë, ndërsa fëmija tjetër 8-vjeç, arriti të mbijetojë, por me plagë të rënda.

Kujtojmë e shoferi ishte raportuar disa herë në polici nga banorët e zonës, ndërsa ishte gjobitur dhe nga Rrugorja për shkelje të rregullave të sigurisë.

The post Përplasi për vdekje dy fëmijët në Durrës/ Gjykata lë në burg 57-vjeçarin Nikoll Radaçi appeared first on Albeu.com.

I pandehuri, Nikoll Radaçi, është paraqitur në sallën e gjyqit dhe është vendosur në “kafazin e xhamit”. Siç shihet edhe nga pamjet, ai shfaqet e penduar, i heshtur dhe me kokën ulur.

Aksidenti i rëndë ndodhi mesditën e 4 majit në lagjen nr.15 të Durrësit. 3 fëmijë ishin duke luajtur me top në trotuar kur 57-vjeçari në gjendje të dehur, humbi kontrollin e mjetit dhe mori para të miturit, duke lënë të vdekur 2 prej tyre.

Dy prej tyre, E. M., 12-vjeç dhe K. N., 10-vjeç ndërruan jetë, ndërsa fëmija tjetër 8-vjeç, arriti të mbijetojë, por me plagë të rënda.

Kujtojmë e shoferi ishte raportuar disa herë në polici nga banorët e zonës, ndërsa ishte gjobitur dhe nga Rrugorja për shkelje të rregullave të sigurisë.

Ngjarja në fjalë ka sjellë reagime të opinionit publik, si dhe përplasje të mëdha mes opozitës dhe mazhorancës. Dje në Kuvend u kërkua forcim i Kodit Rrugor.

The post VIDEO/ Aksidentoi për vdekje dy fëmijë, një tjetër mbeti i plagosur, i penduar dhe me kokën ulur, Nikoll Radaçi në kafazin e xhamit për masë siguri appeared first on Albeu.com.