Sipas specialistëve, disa sëmundje të lëkurës si aknet mund të përmirësohen gjatë verës. Rrezet e diellit ndihmojnë në reduktimin e inflamacionit dhe në përmirësimin e gjendjes emocionale të pacientëve, faktor që ndikon pozitivisht edhe te problemet e lëkurës. Edhe personat që vuajnë nga Psoriaza mund të përfitojnë nga ekspozimi i kontrolluar ndaj rrezeve ultravjollcë, pasi ekzistojnë trajtime dermatologjike të njohura si fototerapi, të cilat përdorin dritën për të lehtësuar simptomat.

Megjithatë, mjekët paralajmërojnë se jo të gjitha sëmundjet reagojnë pozitivisht ndaj diellit. Persona që vuajnë nga Lupusi apo pacientë që ndjekin trajtime kundër kancerit mund të zhvillojnë ndjeshmëri të lartë ndaj rrezatimit diellor dhe irritime serioze të lëkurës. Kujdes i veçantë kërkohet edhe për personat me vitiligo, pasi zonat pa pigment janë më të pambrojtura dhe digjen më shpejt.

Specialistët tërheqin vëmendjen edhe për pickimet nga rriqnat gjatë muajve të verës, të cilat në disa raste mund të transmetojnë infeksione si sëmundja Lyme.

Dermatologët rekomandojnë përdorimin e kremrave mbrojtës, hidratimin e vazhdueshëm dhe shmangien e ekspozimit në orët me rrezatim të lartë, për të mbrojtur shëndetin e lëkurës gjatë verës.

The post Dielli dhe lëkura: Cilat probleme përmirësohen dhe cilat përkeqësohen në verë appeared first on Albeu.com.

Ekspertët shpjegojnë se gjatë shtatzënisë disa zona të trurit pësojnë një lloj “ristrukturimi”, sidomos ato që lidhen me emocionet, kujtesën dhe reagimin ndaj situatave sociale. Kjo ndihmon nënën të kuptojë më shpejt nevojat e fëmijës dhe të krijojë një lidhje më të fortë emocionale me të.

Një nga fenomenet më të përfolura është edhe i ashtuquajturi “mom brain”, që lidhet me harresën apo mungesën e përqendrimit pas shtatzënisë. Megjithatë, studiuesit theksojnë se kjo nuk nënkupton dobësim të trurit. Përkundrazi, ai po përshtatet me prioritetet e reja dhe po fokuson energjinë te proceset që lidhen me kujdesin prindëror.

Sipas hulumtimeve të kryera me rezonancë magnetike, ndryshimet fillojnë që në javët e para të shtatzënisë dhe në disa raste mund të vazhdojnë edhe vite pas lindjes. Rol të rëndësishëm në këtë proces luajnë hormonet si estrogjeni dhe progesteroni.

Shkencëtarët besojnë se këto transformime mund të kenë ndikime pozitive afatgjata, pasi përvoja e mëmësisë ndihmon në zhvillimin e intuitës, forcimin emocional dhe përmirësimin e aftësive për të menaxhuar situata të ndryshme.

The post Si ndikon shtatzënia në tru? Shkencëtarët zbulojnë ndryshimet që ndodhin te nënat appeared first on Albeu.com.

Të paktën 246 raste të dyshuara të infeksionit janë regjistruar aktualisht në rajon. Vdekja e parë, e cila ngriti dyshime tek mjekët, ishte vdekja e një infermiereje në Bunia, e cila kishte simptomat klasike të sëmundjes: temperaturë të lartë, gjakderdhje, të vjella dhe dobësi të rëndë. Qeveria kongoleze aktivizoi qendrën e saj të reagimit ndaj emergjencave dhe forcoi mbikëqyrjen epidemiologjike. Sipas udhëheqjes së Qendrave Afrikane për Kontrollin dhe Parandalimin e Sëmundjeve, po thirret një takim urgjent me pjesëmarrjen e përfaqësuesve nga Kongo, Uganda dhe Sudani i Jugut për të koordinuar kontrollin ndërkufitar.

Rreziku i përhapjes së virusit rritet nga lëvizshmëria e lartë e popullsisë së përfshirë në industritë lokale të minierave dhe mjedisin urban të Bunias. Uganda ka konfirmuar tashmë një vdekje nga virusi Bundibugyo në Kampala, por ka thënë se rasti është importuar nga Kongo dhe ende nuk ka infeksione të brendshme. Virologu kongolez Jean-Jacques Muyembe shpjegoi se pothuajse të gjitha 16 rastet e mëparshme në vend ishin shkaktuar nga lloji Zaire. Identifikimi i variantit Bundibugyo do ta ndërlikojë ndjeshëm përgjigjen, pasi vaksinat dhe trajtimet ekzistuese të çertifikuara janë zhvilluar posaçërisht kundër llojit Zaire.

Organizata Botërore e Shëndetësisë mësoi për situatën në fillim të majit dhe dërgoi një ekip ekspertësh. Drejtori i Përgjithshëm i OBSH-së, Tedros Adhanom Ghebreyesus, njoftoi lirimin e 500,000 dollarëve nga fondi rezervë për gjurmimin e kontakteve dhe testimin e emergjencës. Një faktor tjetër negativ është kriza e zgjatur e sigurisë në provincën Ituri, ku civilë po vriten si pasojë e përleshjeve midis milicive lokale.

Organizata ndërkombëtare humanitare Mjekët pa Kufij (MSF) paralajmëroi se dhuna po e mbingarkon sistemin mjekësor dhe kushtet katastrofike sanitare në kampet e refugjatëve po kontribuojnë në përhapjen e shpejtë të infeksionit. Ebola transmetohet nëpërmjet kontaktit të drejtpërdrejtë me lëngjet trupore të pacientëve.

The post Alarm i ri për shpërthimin vdekjeprurës të Ebolës në Afrikë, 80 të vdekur appeared first on Albeu.com.

Sipas një studimi të ri të publikuar në Nature, ndryshimet klimatike pritet të rrisin ndjeshëm transmetimin e viruseve nga brejtësit te njerëzit. Studiuesit theksojnë se rritja e temperaturave dhe ndryshimet në habitatet natyrore do të favorizojnë përhapjen e viruseve të rrezikshme, përfshirë edhe Arenaviruset, në zona ku më parë nuk janë shfaqur.

Ekspertët paralajmërojnë se këto zhvillime mund të çojnë në epidemi që rrezikojnë miliona njerëz, veçanërisht në Amerikën e Jugut. Paralelisht me këtë paralajmërim, një situatë alarmante është regjistruar në anijen turistike MV Hondius, e cila ndodhet pranë brigjeve të Kepit të Gjelbër.

Më shumë se 20 turistë britanikë raportohet se janë të bllokuar në bord, ndërsa tre persona – një çift holandez dhe një shtetas gjerman – kanë humbur jetën si pasojë e infektimit. Anija kishte ndaluar më parë në Argjentinë, një zonë ku këto viruse shkaktojnë çdo vit dhjetëra viktima.

Arenaviruset, një grup virusesh të transmetuara nga brejtësit, përfshijnë sëmundje si virusi Guanarito, Machupo dhe Junin, të cilat shkaktojnë ethe hemorragjike me shkallë vdekshmërie nga 5% deri në 30%. Këto infeksione janë të përhapura, por ende pak të studiuara.

Shkencëtarët theksojnë se përhapja e tyre lidhet drejtpërdrejt me ndryshimet në klimë dhe habitatet e brejtësve. Rritja e temperaturave dhe ndryshimet në reshje po ndikojnë në zhvendosjen e këtyre kafshëve, duke rritur kontaktin me njerëzit.

Në studimin e tyre, ekspertët përdorën modele të avancuara me inteligjencë artificiale për të parashikuar se si këto viruse mund të përhapen në dekadat e ardhshme. Rezultatet tregojnë se brenda 20 deri në 40 viteve, rreziku i infeksionit do të ndryshojë ndjeshëm, në varësi të skenarëve të ndryshimeve klimatike.

Sipas studiuesve, disa viruse pritet të zgjerojnë ndjeshëm zonën e tyre të përhapjes. Virusi Guanarito mund të shtrihet nga Venezuela në Kolumbi dhe Brazil, ndërsa Machupo pritet të përhapet në zonat malore të Andeve. Ndërkohë, virusi Junin mund të zgjerohet përtej zonave aktuale në Argjentinë.

Ekspertët paralajmërojnë se popullatat që nuk janë ekspozuar më parë ndaj këtyre viruseve do të jenë më të rrezikuara, pasi mungon imuniteti natyror.

Ndërkohë, situata në anijen MV Hondius mbetet kritike. Rreth 150 persona ndodhen ende në bord, ndërsa Organizata Botërore e Shëndetësisë ka konfirmuar disa raste infektimi me hantavirus.

Autoritetet dyshojnë se virusi mund të jetë transmetuar nga brejtësit në anije ose gjatë një ndalese në Amerikën e Jugut. Ekspertët e shëndetit publik nuk përjashtojnë asnjë skenar, duke theksuar se situata kërkon monitorim të vazhdueshëm.

Shkencëtarët përfundojnë se kombinimi i ndryshimeve klimatike, urbanizimit dhe zgjerimit të aktiviteteve njerëzore në habitatet natyrore po krijon kushtet për shpërthime të reja epidemike, duke e kthyer këtë rrezik në një sfidë globale për dekadat e ardhshme.

The post Alarm global për Hantavirusin! Frika nga një pandemi e re dhe zonat e rrezikshme të përhapjes appeared first on Albeu.com.

Bëhet fjalë për një terapi që përdor qeliza imunitare të modifikuara gjenetikisht, të njohura si “CAR T cells”, të cilat krijohen nga vetë qelizat T të pacientit.

Këto qeliza merren nga trupi, ndryshohen në laborator dhe më pas rikthehen për të identifikuar dhe shkatërruar qelizat që shkaktojnë sëmundjen.

Studimet po zhvillohen në King’s College London nën drejtimin e imunologut Reuben Benjamin. Sipas të dhënave të deritanishme, kjo metodë nuk synon vetëm të ulë simptomat, por të eliminojë vetë shkakun e sëmundjes.
Ndryshe nga trajtimet aktuale që zakonisht e shtypin sistemin imunitar, kjo terapi synon të “riprogramojë” mënyrën se si ai funksionon.

Në disa raste të studimeve të hershme, pacientë me forma të rënda të sëmundjeve autoimune kanë hyrë në përmirësim të gjatë pas trajtimit.

Aktualisht po zhvillohen prova klinike në disa vende, përfshirë Britaninë e Madhe, SHBA dhe Evropën. Studiuesit thonë se rezultatet janë inkurajuese, por metoda është ende në fazë testimi dhe kërkon më shumë të dhëna për sigurinë dhe efektet afatgjata.

The post Terapi me qeliza CAR T/ Shkencëtarët drejt një qasjeje të re për trajtimin e sëmundjeve autoimune appeared first on Albeu.com.

Ndër më të njohurat janë talasemite. Alfa-talasemia dhe beta-talasemia shfaqen me anemi, ndërsa në format më të rënda mund të sjellin pasoja serioze për jetën. Në rastin e talasemisë maxhore, pacientët kanë nevojë për transfuzione të vazhdueshme gjaku, por me trajtim të duhur mund të jetojnë deri në moshë madhore.

Një tjetër sëmundje është drepanocitoza, e cila ndikon në qarkullimin normal të gjakut, duke shkaktuar dhimbje të forta, rrezik të shtuar për infeksione dhe dëmtime të organeve. Trajtimi i hershëm ndihmon në uljen e komplikacioneve.

Fibroza cistike prek frymëmarrjen dhe tretjen, duke shkaktuar probleme kronike, ndërsa distrofia muskulore Duchenne dobëson muskujt dhe prek kryesisht djemtë, për shkak të lidhjes me kromozomin X.

Sindroma X e brishtë është një ndër shkaqet më të zakonshme të vonesës mendore me origjinë gjenetike, ndërsa sëmundje të rralla si Canavan dhe Tay-Sachs prekin rëndë sistemin nervor dhe shpesh janë fatale në fëmijëri.

Ekspertët theksojnë rëndësinë e analizave gjenetike, të cilat mund të ndihmojnë në identifikimin e hershëm të këtyre sëmundjeve dhe në marrjen e vendimeve të informuara për trajtim dhe planifikim familjar.

The post Analizat gjenetike, çelësi për diagnostikimin e hershëm të sëmundjeve! appeared first on Albeu.com.

Përveç aspektit shpirtëror, ekspertët theksojnë se është e rëndësishme që gjatë këtij muaji të ruhet edhe shëndeti dhe energjia për të përballuar aktivitetet e përditshme. Një nga këshillat kryesore është të mos anashkalohet vakti i mëngjesit, i njohur si syfyri. Sipas nutricionistëve, ky vakt luan rol të rëndësishëm për të siguruar energji gjatë gjithë ditës. Ushqimet e pasura me proteina, drithëra të plota, fruta dhe perime ndihmojnë në ruajtjen e energjisë për më gjatë.

Hidratimi është gjithashtu një faktor kyç gjatë Ramazanit. Duke qenë se gjatë ditës nuk lejohet konsumimi i ujit, rekomandohet që gjatë orëve të natës të pihet sa më shumë ujë dhe të konsumohen ushqime me përmbajtje të lartë uji, si shalqiri, kastravecat, domatet apo luleshtrydhet.

Ekspertët paralajmërojnë gjithashtu për rrezikun e teprimit me ushqim gjatë iftarit. Pas një dite të gjatë agjërimi, rekomandohet që agjërimi të prishet fillimisht me hurma, fruta dhe ujë, përpara se të konsumohet vakti kryesor. Kjo ndihmon trupin të përshtatet gradualisht me ushqimin dhe shmang ngrënien e tepërt.

Ndërkohë, personat me sëmundje kronike duhet të konsultohen me mjekun përpara se të agjërojnë, në mënyrë që të sigurohen se agjërimi nuk rrezikon shëndetin e tyre.

Ramazani mbetet një kohë e rëndësishme për rritje shpirtërore dhe solidaritet, ndërsa kujdesi për shëndetin ndihmon që ky muaj të përjetohet në mënyrën më të mirë.

The post Si të qëndroni energjikë dhe të shëndetshëm gjatë Ramazanit: këshilla nga ekspertët appeared first on Albeu.com.

Perime jeshile – Brokoli, spinaqi dhe lakra janë të pasura me luteinë dhe zeaksantinë, antioksidues që mbrojnë retinën dhe ngadalësojnë dëmtimet e syrit me moshën. Konsumimi i tyre i rregullt ndihmon në uljen e rrezikut të degjenerimit makular.

Vezët – E verdha e vezës përmban luteinë, zeaksantinë dhe zink, që përmirësojnë shëndetin e syrit dhe ulin rrezikun e problemeve të shikimit. Një ose dy vezë në javë mund të bëjnë diferencën.

Fruta me vitaminë C – Qitrot, manaferrat dhe frutat e tjera me ngjyrë të fortë janë të pasura me vitaminë C, një antioksidues i fuqishëm që mbron kapilarët e syrit dhe ndihmon në parandalimin e kataraktit dhe dëmtimeve të tjera.

Bajamet dhe arrat – Burime të shkëlqyera të vitaminës E, këto fruta të thata mbrojnë retinën nga dëmtimet oksidative. Një grusht bajamesh siguron një pjesë të madhe të nevojës ditore të kësaj vitamine.

Peshqit e yndyrshëm – Salmoni, tuna, skumbri dhe trofta përmbajnë DHA, një acid yndyror që ndihmon në shëndetin e retinës dhe parandalon sindromën e syrit të thatë. Konsumimi i rregullt i peshkut të yndyrshëm përforcon funksionin vizual dhe ruan shikimin.

Duke integruar këto ushqime në dietën tuaj, jo vetëm që do të përmirësoni shëndetin e syve, por edhe do të kontribuoni në mirëqenien e përgjithshme të trupit. Një sy i shëndetshëm kërkon zgjedhje të mençura çdo ditë.

The post 5 ushqime që forcojnë shikimin dhe mbrojnë sytë tuaj appeared first on Albeu.com.

Në vend të gëzimit me ardhjen e të porsalindurit, nënat e prekura mund të përjetojnë ankth të fortë, nervozizëm, lodhje, pagjumësi, ndjenja faji dhe paaftësie, si dhe vështirësi për t’u përqendruar. Në raste më të rralla, kjo gjendje mund të shoqërohet me ide vetëvrasëse ose simptoma psikotike.

Bannerman largohet nga KATSEYE, e vetmja anëtare me ngjyrë! Plasin debatet në rrjet
Bannerman largohet nga KATSEYE, e vetmja anëtare me ngjyrë! Plasin debatet në rrjet
15:30 24/02/26
Shumica e rasteve mbeten të padiagnostikuara, por zbulimi i hershëm është kyç. Trajtimi përfshin mbështetje psikologjike, psikoterapi, dhe kur çrregullimi është më i rëndë, antidepresantë të sigurt, të zgjedhur në bashkëpunim me psikiatrin dhe nënën. Ekspertët theksojnë se shqetësimet për efektet e ilaçeve mbi fëmijët, si autizmi ose ADHD, nuk janë konfirmuar.

Shtatzënia nuk e mbron gruan nga çrregullimet mendore; përkundrazi, periudha përreth lindjes e bën më të ndjeshme, sidomos nëse ka faktorë predispozues. Trajtimi i duhur jo vetëm që ndihmon nënën, por përmirëson edhe shëndetin mendor të fëmijës dhe mirëqenien e familjes, duke ulur stigmatizimin dhe barrën e sëmundjes.

The post 1 në 10 gra preken nga depresioni pas lindjes, simptomat që nuk duhen nënvlerësuar appeared first on Albeu.com.

Shpesh përmendet rekomandimi për konsumimin e rreth 2.5 litrave ujë në ditë, por specialistët sqarojnë se kjo shifër është vetëm orientuese. Nevojat reale për ujë ndryshojnë në varësi të moshës, gjinisë, peshës trupore, nivelit të aktivitetit fizik dhe kushteve klimatike. Sipas Autoritetit Evropian për Sigurinë Ushqimore, fëmijët, adoleshentët dhe të rriturit kanë nevoja të ndryshme ditore, ndërsa gratë shtatzëna dhe ato që ushqejnë me gji kërkojnë sasi më të larta uji.

Studime të ndryshme shkencore kanë treguar se pirja e rregullt e ujit ndikon pozitivisht në metabolizëm dhe kontrollin e peshës trupore. Konsumimi i ujit, veçanërisht në orët e para të mëngjesit, mund të rrisë përkohësisht shpenzimin e energjisë dhe të ndihmojë në uljen e ndjenjës së urisë, duke krijuar ndjesi më të madhe ngopjeje.

Ekspertët paralajmërojnë se dehidratimi, edhe në nivele të lehta, mund të shkaktojë lodhje, dhimbje koke dhe ulje të përqendrimit, ndërsa humbja e madhe e ujit trupor përbën rrezik serioz për jetën. Një tregues i thjeshtë i hidratimit të mirë mbetet ngjyra e urinës, e cila duhet të jetë e çelët. Hidratimi i rregullt konsiderohet një nga faktorët më të rëndësishëm për shëndetin dhe mirëqenien e përgjithshme.

The post Çfarë ndodh me trupin kur nuk pimë mjaftueshëm ujë? Ja sa i nevojitet organizmit çdo ditë appeared first on Albeu.com.