Ajo ka vendosur ta përjetojë këtë rrugëtim si nënë e vetme, duke zgjedhur procedurën e fekondimit in vitro, një vendim që ka ngjallur diskutime të mëdha në rrjet.

E për këtë së fundmi u bë një reagim edhe nga ish-banorja e Big Brother VIP Kosova 3, Xheneta Fetahu.

Thekson se Xhuli ka bërë një gabim pasi fëmija do të dijë se kë ka baba dhe se nuk mund t’ia plotësojë atë ndjenjë kurrë.

“Jam duke u rrezitur këtu dhe isha duke i shikuar disa video disa gra që po thonë shumë mirë ka bërë Xhuli, shumë mirë ka bërë Xhuli. Nuk jam kundër që një njeri që vendos jetën e vet bash si të dojë, e ka të drejtën e botës, por jam kundër që ti të mendosh veç veten pse i ke bërë 30 e diçka vjet dhe mendon që suksesi i femrës është vetëm me u bë prind është shumë gabim”, u shpreh ajo.

Tutje tha: “Për mendimin tim ti je shumë egoiste që sjell në jetë dy engjëj që janë të pafajshëm dhe nuk munden kurrë në jetën e vet ta dinë se kush është babai, ti kurrë atë ndjenjë nuk mund t’ia plotësosh ndjenjën e babasë sado që ka një super nënë, me ia ofru të gjitha të mirat e botës, atë ndjenjën e babait nuk mund t’ia plotësosh”.

“Fëmija ka të drejtë sado me qenë i keq apo i mirë prindi me taku një herë në jetën e vet, se kush është. Të paktën me ndje atë aromë, mandej është diçka tjetër që ka njerëz që ju mbaron dashuria, ndahen ka prindër të papërgjegjshëm që kur ndahen nuk përkujdesen për fëmijën, por është plotësisht temë tjetër. Për mendimin tim, Xhuli më ka pëlqyer gjithmonë për femrën e fortë që është po për këtë nuk më ka pëlqyer aspak, mendoj që ti mendon vetëm për veten, njeri egoist, njeri i keq. Mendoj që kësaj here ke gabuar”, përfundon Xheneta.

The post Shtatzënia me IVF, Xheneta i reagon ashpër Xhuli Nurës: Ke gabuar, ndjenjën e babait nuk mund t’ia plotësosh kurrë appeared first on Albeu.com.

Artistja shqiptare me famë botërore e shoqëroi postimin me një mesazh plot dashuri dhe mirënjohje, ku vlerësoi rolin e nënës së saj në jetën dhe familjen e tyre.

“Gëzuar ditëlindjen mamit tim! Jemi shumë me fat që të kemi. Çdo gjë e bukur që kemi vjen nga dashuria, durimi dhe forca jote. Mbretëresha e shtëpisë dhe e zemrave tona! Të dua shumë”, ka shkruar ajo.

Fotografitë e publikuara përmbledhin kujtime të ndryshme ndër vite, nga çaste familjare e deri te paraqitje publike, duke dëshmuar lidhjen e ngushtë që Dua ndan me të ëmën.

Anesa ka qenë gjithmonë një nga mbështetëset më të mëdha të këngëtares, duke e shoqëruar në shumë momente të rëndësishme të karrierës së saj dhe duke luajtur një rol të rëndësishëm në rrugëtimin e saj drejt suksesit.

Nuk është hera e parë që Dua shpreh publikisht dashurinë dhe respektin për familjen e saj.

Ajo shpesh publikon momente me prindërit dhe motrën e vëllanë, duke treguar se familja mbetet një nga shtyllat më të rëndësishme në jetën e saj.

The post Dua Lipa uron nënën për ditëlindje: Mbretëresha e shtëpisë dhe e zemrave tona appeared first on Albeu.com.

Fituesi i Big Brother VIP Kosova 4 në një intervistë në emsionin SOL ka vendosur të flasë hapur dhe të sqarojë njëherë e mirë të vërtetën e këtij raporti.

Ai pranoi se gjërat nuk janë më si më parë, duke konfirmuar kështu zërat për një ftohje mes tyre, por u tregua i kujdesshëm të ruante privatësinë e miqve të tij.

“Ka qenë një shoqëri shumë e bukur, dikur mendonim se ishte ‘too good to be true’. Jemi kënaqur dhe kemi gjetur shumë veten te njëri-tjetri. Sot gëzojmë raport, por natyrisht jo si përpara”, u shpreh ai.

Megjithatë, zbuloi se ku qëndron e vërteta e mungesës së tyre në eventin e tij të madh.

“E kemi pasur një ftohje pak për disa çështje, që është më shumë personale… Me njerëzit e afërt ndoshta mbetet hatri edhe për gjërat më të kota”.

Pavarësisht kësaj, ish-banori duket se i ka lënë dyert e hapura për një pajtim.

“Unë i respektoj shumë, i dua dhe kam për të vazhduar të kem respekt për ta. Jemi të rritur e të pjekur, besoj që komunikimi është çelësi i gjithçkaje. Kemi me i zgjidh krejt… mirë jemi”, shtoi mes tjerash.

The post Londrimi thyen heshtjen dhe zbulon të vërtetën e krisjes së raportit me Klodin dhe Elijonën appeared first on Albeu.com.

Ai theksoi se qëndrueshmëria në protestë është elementi që, sipas tij, do të çojë drejt suksesit, ndërsa i cilësoi si përpjekje për përçarje aludimet e patronazhistëve mbi atë që mund të ndodhë më pas.

Progni i bëri gjithashtu thirrje SPAK-ut të hetojë ndërtimin e Piramidës, duke pretenduar se faturat janë fryrë nga ADF dhe se ky është një nga institucionet më të korruptuara.

Në deklaratën e tij, ai u ndal edhe te presionet që, sipas tij, ushtrohen ndaj tyre nga policë civilë dhe patronazhistë që i fotografojnë, duke thënë se nuk kanë frikë prej tyre dhe se do t’i filmojnë çdo ditë. Sipas Prognit, asnjë ligj nuk i mbron ata që dalin për t’u bërë presion qytetarëve.

The post Gent Progni kërkon hetim nga SPAK për punimet te Piramida: Janë fryrë faturat nga ADF, presionet nuk na trembin appeared first on Albeu.com.

Sipas protestuesve, dorëheqja e kryeministrit Edi Rama mbetet një kusht i panegociueshëm.

Me thirrjet “Zegjine na numëro, shih sa veta jena sot”, ata vijojnë ironinë gjatë tubimit.

Sipas tyre, më herët nuk është parë një protestë e tillë, që ka mbetur e palëkundur në qëndrimet e saj dhe që po i afrohet 1 muaji, ndërsa revolta ka mbajtur të bashkuar të gjithë shqiptarët.

The post Dita e 29 e protestës në Tiranë, qytetarët vijojnë thirrjet për largimin e Edi Ramës: “Zegjine na numëro, shih sa veta jemi sot” appeared first on Albeu.com.

Gjatë kësaj ceremonie, krerët e shteteve të pranishëm miratuan një deklaratë të përbashkët, me të cilën ritheksuan angazhimin për ruajtjen e kujtesës historike, mbrojtjen e lirisë, sovranitetit dhe të drejtës së kombeve për vetëvendosje.

Në kuadër të aktivitetit, Presidenti Begaj zhvilloi edhe një takim kokë më kokë me homologun e tij polak, Karol Nawrocki.

Gjatë bisedës, Kreu i Shtetit shprehu mirënjohjen e Shqipërisë për mbështetjen e vazhdueshme dhe të palëkundur që Polonia i ka dhënë procesit të integrimit evropian të vendit tonë. Ai vuri në dukje rolin udhëheqës të Polonisë në Bashkimin Evropian, si edhe përkushtimin e saj të vazhdueshëm për t’u kujtuar vendeve anëtare se integrimi i Shqipërisë dhe i Ballkanit Perëndimor është një domosdoshmëri gjeopolitike për një Evropë më të sigurt, më të bashkuar dhe më të plotë.

Presidenti Begaj vlerësoi gjithashtu ndihmën konkrete të dhënë nga Polonia për institucionet shqiptare përmes shkëmbimit të ekspertizës në procesin e përafrimit me legjislacionin e Bashkimit Evropian. Sipas tij, përvoja e suksesshme polake në transformimin demokratik, zhvillimin ekonomik dhe përmbushjen e standardeve evropiane mbetet një model frymëzues për Shqipërinë në rrugëtimin e saj drejt anëtarësimit në BE.

Ai shprehu bindjen se marrëdhëniet shumë të mira mes Shqipërisë dhe Polonisë do të vijojnë të thellohen më tej, si në planin politik, ashtu edhe në bashkëpunimin dypalësh, në të mirë të qytetarëve të të dy vendeve.

Nga ana e tij, Presidenti Nawrocki rikonfirmoi mbështetjen e Polonisë për perspektivën evropiane të Shqipërisë dhe shprehu gatishmërinë për të vazhduar bashkëpunimin e ngushtë në funksion të avancimit të procesit të integrimit evropian dhe forcimit të partneritetit mes dy vendeve.

The post Begaj në Poznań takon Presidentin polak Karol Nawrocki: Shqipëria vlerëson mbështetjen e pandërprerë për rrugën drejt BE-së appeared first on Albeu.com.

Sipas ministrisë, sapo u mor njoftimi për ngjarjen, ekipet e Qendrës Shëndetësore Verore në Valbonë ndërhynë pa humbur kohë, duke i dhënë ndihmën e parë pacientes në terren dhe më pas duke organizuar transportin e saj drejt strukturave shëndetësore për trajtim të specializuar.

“Në zemër të Alpeve Shqiptare, edhe në zonat më të thella malore, strukturat tona shëndetësore mbeten në gatishmëri të plotë për të garantuar sigurinë dhe jetën e çdo turisti”, thuhet në njoftimin e MSHMS.

Ministria thekson se profesionalizmi, bashkërendimi dhe përkushtimi i personelit shëndetësor, së bashku me ndihmën e banorëve të zonës, bënë të mundur që turistja të merrte trajtimin e nevojshëm dhe tashmë të jetë jashtë rrezikut.

Edhe vetë Amy Lecons ka publikuar në rrjetet sociale një video të filmuar në çastet e vështira pas pickimit, ku tregon se si kërkoi ndihmë dhe si u zhvillua ndërhyrja.

“Jam pickuar nga një gjarpër. Kam qenë në kontakt me bujtinën dhe ata mund të më dëgjonin kur thërrisja për ndihmë. Nuk e kam parë gjarprin, por ndihem shumë e sëmurë”, shprehet ajo në videon e publikuar.

Në vijim të rrëfimit të saj, turistja bën me dije se pas trajtimit të marrë dhe kujdesit nga stafi mjekësor, është kthyer në bujtinë për të vijuar rikuperimin.

Rasti nxjerr në pah gatishmërinë e strukturave shëndetësore që veprojnë gjatë sezonit turistik në zonat malore të vendit, duke siguruar reagim të shpejtë edhe në emergjenca që ndodhin në terrene të vështira.

The post Turistja australiane Amy Lecons jashtë rrezikut pasi u pickua nga një nepërkë në Valbonë appeared first on Albeu.com.

Edhe gjatë këtij tubimi janë dëgjuar thirrjet “Rama jepe dorëheqjen”. Një nga protestuesit, në fjalën e tij, u bëri apel pjesëmarrësve të qëndrojnë të bashkuar dhe theksoi se më 4 korrik do të mbahet një protestë mbarëkombëtare. Ai shtoi gjithashtu se në protestën e nesërme do të marrin pjesë 5 europarlamentarë.

“4 korriku, ditë e shtunë protestë mbarëkombëtare. Data 4 korrik është edhe dita e pavarësisë së Shteteve të Bashkuara, aleatit tonë më të madh. Ne i përgjigjemi Ramës, “Rama jepe dorëheqjen”. Nesër këtu do jenë 5 europarlamentarë që do flasin”, tha ai.

The post Protesta e 29-të kundër Ramës, thirrje për pjesëmarrje në tubimin mbarëkombëtar të 4 korrikut appeared first on Albeu.com.

Në fjalën e saj, ajo theksoi se nuk ishte e pranishme si përfaqësuese e një institucioni italian, por si një shqiptare mes shqiptarësh. “Sindi Manushi, kryetarja e parë shqiptare e një bashkie në Itali. Këtu nuk kam ardhur si institucion italian, unë jam njëra prej jush. Jam shqiptare, kjo është shtëpia ime dhe ju jeni njerëzit e mi. Keni treguar guxim përgjatë këtyre 28 ditësh. Shqipëri e Re. Arritët t’i shqyeni vellon e hipokrizisë që Edi Rama ka qëndisur gjatë këtyre 13 vite. U mor me propagandë, por kundër propagandës së Ramës, ju jeni e vërteta.”

Manushi u bëri thirrje protestuesve që të mos tërhiqen dhe të vijojnë të organizohen në shesh dhe përballë institucioneve. Ajo u shpreh se nuk duhet të kenë frikë nga politika, pasi Shqipëria u përket atyre. “Kam një kërkesë për ju, ju lutem mos u dorëzoni. Organizohuni, në shesh në institucioneve. Mos kini frikë nga politika, Shqipëria është e juaja…E gënjen mendja Edi Ramën se do shkrihet kjo protestë. E gënjen mendja, këtu na ka, këtu do na ketë.”

Ajo shtoi se protestuesit përfaqësojnë edhe ata njerëz që kanë frikë të jenë të pranishëm, por zëri i tyre, sipas saj, do të dëgjohet përmes votës dhe kjo do të ndodhë shumë shpejt. “Ju keni nderin dhe përfaqësoni edhe njerëzit që kanë frikë të vinë këtu, por atyre do u dëgjohet zëri me anë të votës, dhe kjo do ndodhë shumë shpejtë”, tha ajo.

The post Kryetarja e parë shqiptare e një bashkie në Itali i bashkohet protestës në Tiranë: Për 29 ditë i keni hequr Ramës maskën e hipokrizisë appeared first on Albeu.com.

Fillimisht, për t’u dhënë ndihmë kanë shkuar shërbimet e Policisë së Himarës dhe forcat zjarrfikëse, por terreni shumë i vështirë ua ka pamundësuar nxjerrjen e tyre.

Më vonë, në zonë janë afruar edhe efektivë të FNSH-së, alpinistë si dhe helikopteri i Forcave të Armatosura, megjithatë operacioni i shpëtimit mbetet tepër i vështirë.

Përgjatë gjithë ditës është punuar për evakuimin e tyre, por deri tani ende nuk është bërë e mundur nxjerrja e turistëve nga gremina.

The post Helikopteri i Forcave të Armatosura angazhohet në Kanionin e Gjipesë për shpëtimin e dy turistëve të rrëzuar në greminë appeared first on Albeu.com.